سؤال لو تكرمتوا عن شحن البطاريه

[غالي]

السلام عليكم ورحمة الله وبركاته

كل عام وانتم بخير اولاً والله يتقبل صيامكم وقيامكم آمين

سؤالي هو:

عندي بطاريه مفكوكه أقدر اشحنها بإشتراك من بطارية السياره؟؟؟

اذا كان الجواب نعم

ماتأثر على بطارية السياره والدينمو؟

وكم أجلس من وقت أشحنها

طبعا كل البطاريتين متساويات بالانبير الي هي

73 / 78


والبطاريه مالها اصابع ((حقت اليوكون ))

لو احط لها مسمارين ماتضر ؟؟؟
اتمنى الافاده اخاف اتهور واشحنها ساعه وتنفجر بوجهي :j

شاكر لكم:good:

[mazenk15]

اخي الكريم
كل السيارات الحديثة يوجد بها منظم للدينمو إلكتروني فإذا قل فولت البطارية سمح للدينمو ان يشحن وإذا امتلت توقف عن الشحن
واذا قمت بتوصيل البطارية على وصفك فإنها تشحن ولكن ليس بالكفاءة التامة فلو تقوم بشحنها بالشاحن الكهربائي افضل وأسرع

[غالي]

الله يجزاك خير

البطاريه عندي بالبيت ماهي راكبه والا انا عارف الدينمو :)

ونصيحتك يعني الشاحن الكهربائي افضل ...

وصلت المعلومه الله يجزاك خير شاكر لك

[لاتكب البيالة]

السلام عليكم
ابد اربط بين البطاريتين باشتراك وخله 10 دقايق وان شاء الله تنشحن

[mazenk15]

شرح لك الاخ

وهذا اللى انا اقصده شحن ليس بكفاءة تامه 70%- 80%

[هويدي]

هلا بخلفهم غالي

اقرب بنشري حط البطاريه عنده يشحنها بعشره بدون فك وتركيب طبعاً

خله ساعه عنده اشرط عليه اذا ما قبلت الشحن ماتعطيه قرش الا اذا تبي تطيب خاطره بخمس تريل انت وضميرك:)

[قطب 999]

فك بطارية لسياره وضع بدل منها البطاريه اللي تبي تشحنها ومع مشاويرك تبى تمتلي

[غالي]

الله يجزاكم بالجنه ووالديكم على المعلومات

انا خايف ان فيه ضرر بالاشتراك لكن وضحتوا لي لاهنتوا

او مثل ماقال اخواني بالشحن الكهربائي او عند البنشري

بيض الله وجيهكم ماقصرتوا :)

[أبوحمد 505]

أشحن وأن شاء الله مايضرها وجرب وش بتخصر
بعدين لا تخليها تطول على الأشتراك حدها ربع ساعة أو عشرين دقيقة

[زاير الغيم]

الأفضل غسلها بماء حار وتنظيفها ثم تعبئتها بماء مقطر وودها للورشة وأشترط عليه

شحن يوم كامل ..

من السارة ماراح تطول معك وتفضى..

وإن كانت إلكترونية ماتنفع خلاص

[سوبر VTC]

و عليكم السلام و رحمة الله

يارجال اشحنه و ما عليك الا العافيه :)
شكله بطاريه الشبث و العقرب حقت المستودع :D:p :j

اختلاف الانبير في كل بطاريه مهب مشكله الاهم انك تشبكهن 12فولت
يعني موجب مع موجب و سالب مع سالب كانك تعطي اشتراك لسيارة اخرى
مهب 24 فولت حقت تريلات :D موجب مع سالب
بعدين به قبل فتره كورولا بطاريته 40انبير و مركب بالخلف بطارية 120 انبير و له 3 سنوات :good:
به موتر جيب بطاريته 80امبير و مركب بطارية بالخلف 120انبير
بعدين اختلاف الانبير مثل تانكي الجيب البنزين 135لتر و الكورولا 50لتر
و حتى به رعي فورد حوض مركب 3بطاريات :good:
ما عندك اي مشكله ان شاء الله

موفق

[غالي]

الله يعطيكم الصحه والعافيه اخواني كلكم

البطاريه ماابي اركبها بالسياره

وانما ايش :)


ابي اشحنها وطلعات العيد اشبك عليها تلفزيون صغير او لمبه

والي عندي اكترونيه ماتتعبئ علشان اغسلها :(

على كل ابجرب شحنها عند بنشري هاليومين

اذا والله شفتها ماشيه وتنفع شريت شاحن بيت

تسلمون يااخواني

سوبر فتك

لا حقت الاشبث منيب جايها حاطها سباله له من ضمن الورث ههههههههههههه

لنا تجربه بعون الله بشحنها ونعطيكم النتائج

تسلمون :)