المساعد الشخصي الرقمي

مشاهدة النسخة كاملة : وش قصة هالجوال ؟؟؟ 6710 >>> خلونا نرسى على بر


BEN SADEQ
19/09/2009, 05:50 AM
صبحتكم بالخير ياشبيبه

ياخووان انا ودي بجوال 6710 نفجيتور

والجهاز تتووه نازل يعني قليل اللي جربووه

وخذت لي لفه على المنتديات وناس تمدحه وناس تذمه ؟؟؟؟

واحترنا بينهم ؟؟؟

ياخوان وش الحل ؟؟؟

اخذه ولا اخذ القديم ؟؟؟

أو انتظر ؟؟ قولو لي وش الدبره ياشبيبه ؟؟

احترت ولانيب داري وش العلم به

ياليت اللي جربه يقول لنى رايه بدون ذم ومدح مانبغا الا الصدق

>>> وياراعين المحلات لاحد يجي ويمدح ويسوق بضاعته هع هع

والله لايهينكم ياخوان
الحربي555
19/09/2009, 08:25 AM
يارجال إذا هو داخل مزاجك معليك من احد
محسن اليامي
19/09/2009, 09:28 PM
عيدك مبارك وكل عام وانت بخير

وتبي شوري وانا خوك أنتظر تراني مثلك أنتظر ولا تستعجل

إلا إذا أنت ماتهمك الخرايط هذا شي ثاني أخذه ممتاز

أنا والله أعرف ناس من ربعي الخاصين شروه وباعوه ورجعوا على 6110

وصدقني راح تلقى ناس تمدحه وناس تذمه ليش لأن كلن على حسب استعماله للجهاز والمواصفات اللي فيه

أخوك في الله :) محسن اليامي
جار طويق..
19/09/2009, 09:31 PM
اصبر ولن تندم..
لمع السحاب
19/09/2009, 09:43 PM
خذ N86 او N79 فلم يذكر منها مشاكل او ولو و قديم شوي N82 الفنلندي مستعمل لانك ماراح تحصل الا صناعة نوكيا صيني وكالة وهو الان منقطع من السوق بس دور على مستعمل لاني مجربه والله من فضل الله لم اجد فيه مشاكل ابدا من سنه تقريبا حتى بطاريته 2يوم تقريبا بدون نفقيتر او وايرلس
تقبلوا تحياتي
khandarees
20/09/2009, 12:06 AM
اخي بالله . .
اللي يذم الجهاز نوكيا 6710 شنو يقول ؟
انا شخصيا بعت جهازي النوكيا 6110 وشريت 6710 اول ما نزل وماشي معاي حلاوه ممتاز للغاية وأفضل من 6110 بألف مره من جميع النواحي . . .
توكل على الله واخذ جهاز 6710 وما راح تندم . . .
والمثل يقول اسأل خبيـــــر ولا تسأل طبيب ! ! !
أخوك بالله . . . خندريس الكويت
باثفندر
20/09/2009, 12:21 AM
عندي واحد له تقريبا شهر ممتاز بكل ماتعنيه الكلمة من معنى بس غيرت الذاكرة الى 8 قيقا صار يهنق فرجعت للذاكرة حقته ،، وطبعا نزلت عليه الخرايط ( رويتز 66 - وخريطة الصحراء ) كلها زي الحلاوة ،،

ومبروك عليك مقدما ...
BEN SADEQ
20/09/2009, 04:36 AM
الحربي لاهنت يالذيب وبيض الله وجهك

اخوي محسن لاهنت يالذيب وعز الله انك صادق يالذيب

بالعكس يالذيب انا همني الخرايط قبل كل شي انا ماحطيت عيني عليه الا عشان الخرايط

وكل عام وانت بخير يالذيب


اخوي لم السحاب والله ياخوي انا ابغا هالجوال عشان الخرايط

ولاهنت يالذيب على مرورك .. وكل عام وانت بخير


اخوي خندريس الناس اللي تذم فيه يقولون صوته ضعيف ؟؟!!

والخرايط تضيع ؟؟؟ والخاريط مهب مجانيه ؟؟

بس ياخوي ابسئلك صووته قوووي ؟؟

وهل الخرايط مجانيه ؟؟ وهل يصير فيه تهنيق ؟؟

وكيف الخرايط ؟؟ هل يوجد توجييه صوتي ؟؟

وفيه ناس تقوول الخرايط اذا يخشون عليها تصير مشاكل عندهم ؟؟

مدري هل صارت عندك ؟؟؟

وياليت لو تجيبني على اسئلتي وبارك الله فيك

وكل عام وانت بخير


اخوي باثفندر

ياليت لو تذكر عيوبه ياخلفهم

وكيف الخرايط شغاله عال العال او حصلت لك مشاكل او ماشريته ؟؟
عبدالله الدوسري
20/09/2009, 05:30 AM
تبي رأيي يا أخوي
لا يهمك برنامج الروت اللي في جوالات النافيجيتور
خذ لك N82 من أفضل الأجهزة في التقاط إشارة الأقمار الصناعية
وركب عليه برنامجين:
الأول سايجك للمدن وخرائطه أفضل بمليون مرة من خرائط الروت والجارمن في المدن
والثاني جارمن للصحراء
وكلا البرنامجين موجودة في الإنترنت
لولا ضيق الوقت حطيت لك روابطها
وعيدك مبارك
BEN SADEQ
20/09/2009, 06:18 AM
الله يعز مقدارك يالدوسري

وجعل والديك الجنه

بس ال n82 مهب خاش مخي بالمره ياخلفهم

طيب وشرايك في ال n79 مثل ال n82 ؟


لا يهمك برنامج الروت اللي في جوالات النافيجيتور

يعني كيف يعني كلهم خرااط ؟؟؟
عبدالله الدوسري
20/09/2009, 07:37 AM
بالنسبة لبرنامج سايجك فهذا رابط للموضوع الذي يتحدث عنه:
برنامج sygic للملاحة على اجهزة الجوال (http://www.mekshat.com/vb/showthread.php?t=213324)

وهذا الموضوع يتحدث عن البرنامج وميزته:
تجربة برامج الملاحة وأيها أفضل القارمن أم Sygic عن تجربة . (http://www.mekshat.com/vb/showthread.php?t=214692)

وهذا موضوع يبين لك لماذا يتميز سايجك على الروت 66
ملاحظات على بعض برامج الملاحة (http://www.mekshat.com/vb/showthread.php?t=214087)

باختصار برنامج الروت والجارمن يأخذون خرائطهم من مصدر واحد

وتتميز خرائط تيلي أطلس اللي في برنامج سايجك بميزتين مهمتين:
1/ دقة أسماء الشوارع والمناطق (طريق ديراب بنفس الاسم في سايجك أما في خرائط الجارمن فاسمه: طريق ضراب)
2/ توجد تفاصيل جديدة في الإصدار الجديد من خرائط سايجك (2009) غير موجودة في آخر نسخة من خرائط الخليج (2010) مع ملاحظة التاريخ
فمثلا طريق تركي الأول الموازي لشارع التخصصي من جهة الغرب كان يتوقف عند تقاطعه مع العروبة ثم يطلع عند تقاطع الملك فهد وله الآن حوالي 4 سنوات مفتوح ومع ذلك فالطريق غير موجود في خرائط الجارمن 2010 بينما هو موجود في خرائط السايجك 2009
أرجو أني ما أكون طوّلت عليك في الكلام
فارس البيد
20/09/2009, 08:11 AM
بتلقى ناس تمدتح وناس تذم

ولكل بضاعه شراي (ن) وسوقي

بالنسبة لتجربتي الشخصيه اشوف

n 85 ما بعده

واشوف الناس تمدح n 86 لكن والله ما جربته

اما n 85 ممتاز خاصة في التصوير والخرائط

مع اني ما اشوفه مع الناس واجد لكن بصراحه جوال ماله منافس من جميع النواحي
وحق مكدة طاح مني اكثر من مره في رمل وعلى زفلت والحمد لله ماكأن صابه شيئ

http://www.nokiaphoneblog.com/wp-content/uploads/2008/08/n85-stock.jpg
http://www.mobilegazette.com/handsets/nokia/nokia-n85/nokia-n85-combo.jpg


وهذه مواصفاته من افضل المواصفات
http://mea.nokia.com/find-products-ar/all-phones/nokia-n85/specifications (http://mea.nokia.com/find-products-ar/all-phones/nokia-n85/specifications)


وهذا موقع نوكيا طب وتخير
http://mea.nokia.com/find-products-ar/all-phones (http://mea.nokia.com/find-products-ar/all-phones)
khandarees
20/09/2009, 09:13 AM
اخوي خندريس الناس اللي تذم فيه يقولون صوته ضعيف ؟؟!! ( مع احترامي غير صحيح )

والخرايط تضيع ؟؟؟ والخاريط مهب مجانيه ؟؟ ( مع احترامي غير صحيح والخرائط مجانية 100% )

بس ياخوي ابسئلك صووته قوووي ؟؟ ( فوق الممتاز )

وهل الخرايط مجانيه ؟؟ وهل يصير فيه تهنيق ؟؟ ( الخرائط مجانية 100% مدى الحياة )

وكيف الخرايط ؟؟ هل يوجد توجييه صوتي ؟؟ ( يوجد التوجيه الصوتي وممتاز )

وفيه ناس تقوول الخرايط اذا يخشون عليها تصير مشاكل عندهم ؟؟ ( والله انا واصدقائي اللي اعرفهم لم تحصل معنا اي مشكلة والحمد لله 100% )

وياليت لو تجيبني على اسئلتي وبارك الله فيك ( جاوبتك والله يبارك فيك )

وكل عام وانت بخير ( وانت بخير وعيدكم مبارك ) وعسي تجمع عيادي وتشتري نوكيا 6710 ؟ ؟ ؟ ! ! !
BEN SADEQ
20/09/2009, 09:22 AM
كفووو يالدوسري جعل والديك الجنه

كفيت ووفيت وراح اتصفح المواضيع والله يكتب اللي فيه الخير



بتلقى ناس تمدتح وناس تذم

ولكل بضاعه شراي (ن) وسوقي

بالنسبة لتجربتي الشخصيه اشوف

n 85 ما بعده

واشوف الناس تمدح n 86 لكن والله ما جربته

اما n 85 ممتاز خاصة في التصوير والخرائط

مع اني ما اشوفه مع الناس واجد لكن بصراحه جوال ماله منافس من جميع النواحي
وحق مكدة طاح مني اكثر من مره في رمل وعلى زفلت والحمد لله ماكأن صابه شيئ






والله مثل ماقلت ياخوي فاارس

ورضى الناس غايه لاتدرك

والله لايهينك يابعدي على المرور



اخوي خندريس مشكور ورحم الله والديك ياذيباان

والله لايهينك وعندي سؤال وماعليش تحملني :)

هل الخريطه اللي موجوده بالجهااز حديثه ؟؟

يعني هل اسماء الشوارع باسميها والدورات والاشارات

وبارك الله فيك



( وانت بخير وعيدكم مبارك ) وعسي تجمع عيادي وتشتري نوكيا 6710 ؟ ؟ ؟ ! ! !
ههههههههههههههههههههههههههه ياليت يعطونى خخخخخ

بس ماش شيبنا هع هع

الحمد الله الدراسهم موجوده بس قلنا نستشير قبل ناخذ

وبارك الله فيك
khandarees
20/09/2009, 09:53 AM
هل الخريطه اللي موجوده بالجهااز حديثه ؟؟

يعني هل اسماء الشوارع باسميها والدورات والاشارات

** حديثة جدا جدا جدا وذلك من خلال تجربتي لها بالكويت
BEN SADEQ
20/09/2009, 10:13 PM
لاهنت ياذيبااان

وبيض الله وجهك