المساعد الشخصي الرقمي

مشاهدة النسخة كاملة : مشكلة في تانكي البنزين الأضافي للباترول


do7my
19/09/2009, 11:44 AM
بسم الله الرحمن الرحيم

يالربع تكفوووووون

انا انهبلت وماعرفت وش العله

والكهربائي معي انهبل وماعرف وش العله


عندي باترول موديل 2000 عندي التانكي الأضافي حقه مايحول للأساسي ولا تشتغل لمبته

كشفت على كهربه وتمديداته سليمه

كشفت على الطرمبه برضوا سليمه

غيرت الزر حقه برضوا مايشتغل

وش الحل تكفووووون


في واحد قال ود الموتر لكهربائي العثيم ببريده يقول السفاري فيه حساس بطبلونه عشان البنزين
وهاذا يصلحه

ياليت تدلوني وينهوبه ذا الكهربائي واعطيه اللي يبي بس يصلح الموتر


شاكر ومقدر لكم
ابوشدوق
19/09/2009, 01:28 PM
ياخوي يا do7my
أنا مرت علي الحالة هذه في الموتر 99 باترول
رحت فيه الى كهربائي عندنا بالرس متمكن ( ورشة العلاج ) متخصص بالباترولات وعلى طول عرف العلة وهي انطلاق ( كسر ) بالعوامة وفكها وعمل لها ترهيم افضل من شد البلد
لأن شد البلد احيانا ينكسر وأفضل من تغييرها جديدة تكاليف وغرابيل
ورجع الاضافي كما كان
بارك الله فيك وكل عام وانتم بخير :good:
العريني1
19/09/2009, 01:44 PM
سبق صارت معي ..باترول 99...
افصل اصابع البطارية خمس دقايق...واشبكهن وتن شاء الله تصلح...
انا سويت كذا واثنين من الربع ..كلهم باترول 99...
جرب ماانت خسران شي
سوبر VTC
19/09/2009, 07:51 PM
انا اخبر العثيم يغير معالج بيانات بالطبلون و على الضمان
طبعا هالكلام للفتك م2002 و طالع
شغله ب500ريال مع الضمان
تاكد من العوامه + الفيش + فصل البطارية و السويتش مفتوح
مكانه صناعية الرواف
الرقم تحصله على الخاص
امسك الدائري الشرقي حق بريده وجهك شمال يجيك كوبري التشليح
استمر همن يجيك مخرج كوبري الهديه خذ نفس المخرج
و اطلع يسار من عند اشارة الكوبري رح غرب يجيك دوار
على طول خذ يمين و ادخل مع نفس الشارع تجيك اول اشارة
طول همن تجيك صناعية الرواف بوجهك يمين و يسار نفس الخط
يجيك اول محل على اليمين حق مركز خدمه اي سي ديلكو
لف بعده مباشره يمين يصير وجهك شمال استمر مع نفس الخط حتى ينتهي الخط اجباري
يسار اول ما تلف يسار هو اول محل يمين عنده جيوب باترول
يصير قدامك محل حداده شف ورشة العثيم بعده مباشره
يعني تفتح جنوب ان ضعت اسال و راح يدلونك

بالنسبة لشغله المكيانيكا
لا تعدا ورشة ابو خالد الخضير بطريق خضيراء
او ورشة العثمان بالتشاليح

موفق
ابو عبدالملك 2
21/09/2009, 12:56 AM
افصل اصابع البطارية 2 دقيقتين واشبكها والدليل ان اللنبة ماتولع حقت التانكي الثاني وهذا دليل على ان المشكلة في الكهرب مايوصل لها
حاب القنص 2
22/09/2009, 07:25 PM
السلام عليكم
صحيح انا سويت كذا عندي باترول فتك 2006 وفصلت اسلاك البطاريه خمس دقايق او اكثر
وانظبط معي لان برمجة الكمبيوتر تتغير
Abdulmalik
26/09/2009, 09:41 AM
يا جماعة كلامكم صحيح بخصوص فصل البطارية لاكن بعد فصل البطارية وتشغيل السيارة بعد دقيقتين ترجع اللمبة من جديد وأنا إلى الان ما عرفت العله ولا ودي بواحد يجي يتعبث بالتانكي ويحوس علي الموتر .
الساهر2003
26/09/2009, 09:57 AM
شف وانا اخوك اذكر واحد من الربع معه 99 وصار ما يحول بين التانكيين ,,

وراح لكهربائي في حوطة سدير يقال له رشاد وقال المشكله في الشريحه اللي بين التانكيين ورهمها ب 150 ريال واحسن من الوكاله ولله الحمد ,,

اتمنى انك تلاقي حل لها وتنتهي ,,