ماذا يحدث !!! حباري روض ولاحباري تفريخ ؟؟؟؟

[أبو رداد]

السلام عليكم ورحمة الله وبركاته

صيدت في الامارات 5 حبارا وفي الشرقيه 2
والكروان في الامارات ماذكر غير واحد !!!
الي أعرفه المفروض الكروان يتقدم على الحبارا في العبور أو الهجره
,,,
شنو سالفة الحباري هالسنه ؟؟؟
هل تظنون مراكز تفريخ الحباري لها دور ؟؟

[راعي لدهم]

الله اعلم ولكن

[Abunaif]

ما اعتقد انها تفاريخ خصوصا انها في مناطق متباعده ...

السبب الناس
لأن الحباري سابقا كان تنصاد في بدايت شهر 9 وقليله ولكن في السنوات الاخير قرب رمضان وصارة الناس تاخر نقلت طيورها الى بعد او نهاية رمضان ..لان بدايته محد له خلق يدعي ...

والدليل على ان الحبارى تعبر قبل الكروان خصوصا اذا وافق وجود قمرا في شهر 9 انه في بداية عشره وقبل القمرا كانت تنصاد في اماكن بعيده جداً عن الساحل مما يدل انها عابره من فتره



هذي وجهت نظري المتواظعه ...


كل عام وانتم بالف خير
وعيدكم مبارك واعاده الله عليكم بالصحه والعافيه

[أخو المري]

مشكور يابورداد

وموضوع في محله


ولاهان ابونايف كفى ووفى بالرد

ولاعاد لنا كلام بعده


وتقبل مروري


...

[رأعي الخرشه]

السلام عليكم ورحمة الله وبركاته
والله هذا شي غريب يابو رداد والعلم عند الله بس
انا اقول لو هي تفريخ كان فيهاا حجول او سنة التفريخ
ماراح يهدونها كذا بدون حجول بحيث يعرفون كم فرخ في كل سنه تم تفريخه...


تقبل مروري

[عاشق المقناص3]

السلام عليكم ورحمة الله وبركاته


صيدت في الامارات 5 حبارا وفي الشرقيه 2
والكروان في الامارات ماذكر غير واحد !!!
الي أعرفه المفروض الكروان يتقدم على الحبارا في العبور أو الهجره
,,,
شنو سالفة الحباري هالسنه ؟؟؟

هل تظنون مراكز تفريخ الحباري لها دور ؟؟




والله يمشرفنا
مراكز التفريخ ما خلو شي
مافرخوة
أكيد لها دور 100%
وعيدكم مبارك

[أبو فيصل]

الله يكثر التفاريخ آميــــــــــــــــــن

[صقار الأسياح]

يا ابو رداد الامور تغيرت انا دق علي رجال شرواك يقول ترى لك عندي حبارى هديه متى ما بغيتها مرني

[@قرناص@]

اكيد التفريخ له دور ..

لاكن غريبه الحبارى الي صديت اذا كانت تفريخ اكيد فيها حجول ..

والله يجيب الخيرر ..

وكل عاام وانتم بخير ،،

[رأعي الخرشه]

مساكم الله بالخير
حبيت اذكر شي ماذكرته في ردي على الموضوع
العام وفي نفس التاريخ ممكن يعني في اخر رمضان و اول العام
هدينااا على حباري بس كان الجو شوي احسن من الحين يعني مافي رطوبه في رمضان هذي عبور والعلم عند الله
وجاني علم من احد اخوياي ان اللي صيدة في الدمام 3 وحده فيهم بندق والكلام اكيد على كلام خويي وهو في محل الثقه
مثل مااثق في نفسي,,,

[ذراع الذيب]

السلام عليكم ورحمة الله وبركاته

مسيت بالخير يابورداد وكل عام وانت بخير ومن العايدين ان شالله,,

اكيد مزارع التفريخ لها دور كبير وهذا من فضل الله ثم من فضل الشيخ زايد رحمه الله,,

المسواه في باكستان والسنتين الاخير حموها بشكل كبير من الشباكه والله يجيب الخير علينا وعليكم,,

وعلى جميع المسلمين وهجرتها قبل الكراوين صراحه غريبه الظاهر اجوال الحباري هالسنه اكثر من الكراوين,,

شكلي ابي اخذ هالسنه طير حباري ههههه,,

[القيصوم 815]

من وجهة نظري انهن حباري هجرة لان شهر سبتمبر هي البديات وكان اول ما يصيدهن في هذا الشهر الا اهل القميري ولكن في هالوقت اصبح الطير يجهز بدري وفي وجود الاجهزه اصبح لا خوف من ضياع بمعنى اوضح ان ثقافة الصقار الحالي متطوره ومع الوسائل الحديثه هي التي جابت لنا اخبار تلك الحباري

[مشبر البران]

الأخوان ما قصروا

[501]

كل عام وانتم بخير
الله العالم يا ابو رداد انها حباري هجره والدليــــــــــل الي ان خذيته من بعض الاخوياء انهم
يقولون انها ماهي سمينه ثناديها ماهي صاكه هليمه
ولا ازود كلام على باقي الاعضـــــــــــاء
501

[مطامر]

من وجهة نظري انهن حباري هجرة لان شهر سبتمبر هي البديات وكان اول ما يصيدهن في هذا الشهر الا اهل القميري ولكن في هالوقت اصبح الطير يجهز بدري وفي وجود الاجهزه اصبح لا خوف من ضياع بمعنى اوضح ان ثقافة الصقار الحالي متطوره ومع الوسائل الحديثه هي التي جابت لنا اخبار تلك الحباري



كلام صحيح 100% مع احترامي لوجهة نظر الاخوان

[ربع خالي]

السلام عليكم ورحمة الله وبركاته



صيدت في الامارات 5 حبارا وفي الشرقيه 2
والكروان في الامارات ماذكر غير واحد !!!
الي أعرفه المفروض الكروان يتقدم على الحبارا في العبور أو الهجره
,,,
شنو سالفة الحباري هالسنه ؟؟؟

هل تظنون مراكز تفريخ الحباري لها دور ؟؟


أبشرك يابو رداد , اليوم خذتلي لفه في منطقه اخبر تجيها كراوين , ويوم جيتها والا هالاثاري اللي كنها طش مطر الصيف من كثر الكراوين والها اثاري قديمه يمكن اكثر من اسبوع ومعها الاثاري الجديده (البارحه),, ولكن ماحبيت ادوج كثير ,, ورجعت ,,,
تقبل مروري
تحياتي

[صقار الطيب]

كل شي جايز يعطيك العافيه

[رجم العناء]

السلام عليكم
مانزيد على الاخوان وايدكلام اخون راعي الخرشة
ولايهونون الاخوان

[لعّاب المنايا]

كل شي جايز يابورداد والله يكثرها إن شاء الله
تفريخ وحش مقيمه من مصنع طلعت من تحت الارض نزلت من السماء الله يكثرها بس ,,

[المارونـــي]

انا كانها تفريخ فاكيد انك بتحصل بها حجول تحدد سنها واسم المزرعه ومكانها
هذا والعلم عند الله

[اعقاب]

عيدكم مبارك
وتقبل الله منا ومنكم
من عرفنا الصقاره والتباشير تعبر شهر سبتمبر 9
وكان الموضوع سكته لم يعلن عنه
لكن اللب حاصل ان الاخوان مايطير طير ولا توقع حتى القوبعه الا اعلنوا عنها
جهز يابو رداد جهز

[حمدان502]

السلام عليكم ورحمة الله وبركاته ، اخواني المكشاتيين ،
تقبل الله صيامكم وقيامكم ، وكل عام وانتم بخير وعساكم من عواده ،

وبالنسبة للموضوع اللي طرحه ابورداد مشكورا ، فانا اعتقد انه كل شي جايز

ويمكن انها تفريخ ، على الرغم ان بعض الحباري التفاريخ يجي فهيا جهاز للتحديد موقعها يشتغل على الاقمار الصناعية

، وانا شفت صورة حبارى صادها احد الاصدقاء في رحلة مقناص خارج السعودية والجهاز موجود على ظهرها لكن موشرط انه كل الحباري التفاريخ تلقى عليها هذا الجهاز ، على الاقل بتلقا عليها حجل مثل ما وضحوا الاخوان،،

وتقبلوا تحياتي

اخوكم / حمدان502

[قرناس ارامكو]

السلام عليكم ورحمة الله وبركاته
صبحك الله بالخير يابورداد وكل عام وانت وأخواني المكشاتين بخير ومن العايدين ان شاءلله
وبنسبة لهجرة للحباري وفي هالتاريخ حالة نادرة لكن تحصل باعداد ماتذكر
والهجرة الاساسية تبداء الشهر الجاي وحنى وياكم بصحة وسلامة

[أبو أمين]

صادق يابو رداد

انا مستغرب من هذا الشئ

الله يرزقنا السنه وكل سنه

[راعي غضبان]

من وجهة نظري انهن حباري هجرة لان شهر سبتمبر هي البديات وكان اول ما يصيدهن في هذا الشهر الا اهل القميري ولكن في هالوقت اصبح الطير يجهز بدري وفي وجود الاجهزه اصبح لا خوف من ضياع بمعنى اوضح ان ثقافة الصقار الحالي متطوره ومع الوسائل الحديثه هي التي جابت لنا اخبار تلك الحباري الله يبيض وجهك هذا الصحيح امنول نبي انطلع الطيور من حبنا لهن نبي نقنص بس الشيبان قاعدينا لنا تبي تذبحه في هذا الحر تبي تقلعه والله مايخلونا انطلعه لين يمضي لسهيل من 35يوم الى 40 يوم والا انا امدوج اخر الحمام القميري يعني بدايت كراوين الصفري لقيت احبارى في الدهناء وقصيتها لين شفتها شوف العين والطيور في العشه عودت للشايب وعلمته الحبارى وراي ماخليتني اطلع طيري قال هذه حبارا غاديه الوقت حار وانا ابوك صعب اقناعهم والف شكر للجميع

[روزفلت]

الحبارى الهليمه ماهي حبارى هجره
العظام ماتشيل الطير
ومعروف ان اول هجرة الحباري باكتوبر اذا هاجرت اول الوقت
الحباري اللي مطروحه الحين مشكوك بامره ولا هي حباري هجره
يمكن مفكوكه او هاجه من تعلوم
وسلامتكم

[بو غازي]

السلام عليكم ورحمه الله وبركاته
كل عام وانتم بخير
والحبارى مهيب غريبة علييها يجينا منها ذكر ثنيتن ثلاث وعقبها تنقطع ماتذكر الا بعد شهر زمان والعلم عند الله لكن هذا الروتين المعتاد علييه .

[راايق تميم]

وعليكم السلام ورحمة الله ؛؛


ماتوقع انها تفاريخ لاني شايف برنامج بالتليفزيون عن تربية الحبارى بالامارات


واي حبارى يطلق سراحه يكون عليها حجول ومرقمه بعد


الا اذا فيه دوله ثانيه تقوم بتربية الحبارى الله أعلم


ومن ناحية الهريب او حبارى هاجه من التعلوم


لو كانت المصيوده وحده يمكن لكن مثل ماتفضل اخوي ابو رداد




صيدت في الامارات 5 حبارا وفي الشرقيه 2




7 حبارى معقوله كلهن هريب ؟


واسف على الاطاله ؛


وان شاءالله سنة خير


والله يرزق الجميع ؛؛

[ابو امنه]

تقبل الله طاعتكم وكل عام وانتم بخير
مانزيد على الاخوان مشكوك في امرها

[رأعي الخرشه]

مساكم الله بالخير
وكل عام وانتو بخير وصحه وعافيه
ياجماعه كلام ابو غازي صحيح هي كم حبارى تذكر او تصاد في هذا الوقت وبعده( ماتشوف جره لها) وهذا بنسبه لنا اهل الساحل وبعد شهر يعني او اقل تسمع تجيك الاخبار
ماهي غريبه اذا احد هد عندنا... العام و في نفس مكان وحده من الحباري وفي نفس التاريخ هدينا على وحده وفي كم وحده صيدة العام
في نفس الوقت اخر رمضان وبعده نقطعة الحباره بس الغريب ان اثر الكراوين قليل هذا اللي اقول عنه شي غريب لكن الحباره لا والله
ماهي غريبه في اخر رمضان تنذكر
تقبلو مروري

[راشد الهاجري999]

السلام عليكم ورحمة الله وبركاته
العيد عليكم مبارك
احب اشاركم بعض الامور العبور بدا واللي طرح تسمى الشرايد يعني متقدمه ولا اصلاً عبور في عام 93 لقيت حبارى في تاريخ 19 ثمانيه وانا ادور ابل همل وكان طيري باقي فيه موس وطويل ومن الساعه 9 اللين مسيان يالله لقيت رجال طيره جاهز بس مادعي قرناس امين هد عليها وشفطت له وقبل العام وتحديداً جنوب شرق المملكه صدنا انا وربع من الامارات 3 حباري وحنا قانصين الكراوين نهاية شهر 2 وكانت كلها فيها حجول وارقام اماراتيه وخبله يعني ما تطير صح وسمان جداً
وعسى ربي يكثر الحباري والنت هو اللي ساهم في توارد الاخبار قبل الشيبان محد يدري عن احد اللي اذا تواجهوا
والسلام ختام تحياتي

[قرناس الوثبة]

السلام عليكم ورحمة الله وبركاته



صيدت في الامارات 5 حبارا وفي الشرقيه 2
والكروان في الامارات ماذكر غير واحد !!!
الي أعرفه المفروض الكروان يتقدم على الحبارا في العبور أو الهجره
,,,
شنو سالفة الحباري هالسنه ؟؟؟

هل تظنون مراكز تفريخ الحباري لها دور ؟؟


السلام عليكم .... وعيدكم مبارك

أخوي بورداد مستحيل ان تكون الحبر تفريخ لان في الامارات ممنوع تفريخ الحبارى الا للدوله بس وللشيوخ وما بيطلقون الحبارى الا بجهاز تتبع واذا كان فيها جهاز بيعرفون انها انصادت وبييون نفس المكان الي انقطع عليهم الارسال وانا اقولك وكلام مليون بالميه انها عبور ومش تفريخ

تقبل مرووري

[المري]

مرحبا اخوي قرناس الوثنة

بخصوص مزارع التفريخ اذا جات تهد 10 حبارى تركب جهاز واحد في وحدة من الحبارى بس


يعنى ماهو شرط يركبون في كل الحبارى جهاز



العام ثنتين عليها حجول ولا عليها جهاز تتبع!!!


بس مدري من وين جايه ؟؟


وسلاااامتك

اخوكم - المري

[أبو رداد]

الله يحيكم جميعاً
سرني مروركم وردودكم الطيبه
,,,
أخواني
مراكز تفريخ الحباري بدأت مرحله جديده
وهي أطلاق الحباري بدون جهاز أو رنق !!
الحباري الي فيها جهاز ورنق (لاغراض علميه فقط معرفة خط هجرتها وماشابه)
وأن شاء الله أحاول عمل تقرير متكامل
عن ماتم التوصل اليه في هذه المراكز
لاني سمعت ان أحد المراكز التي تفرخ الحبارا الاسيويه في كزخستان
سوف يطلق هذه السنه 7 الاف حباره
ويستمر في الازدياد حتى يبلغ 20 الف حبارا سنويا
ويتم الاطلاق بعد تأهيل الحبارا وتعليمها الاعتماد على نفسها في كل شي
ضمن مناطق معينه وفي وقت معين
وهذه المشاريع والمراكز أسسها ودعمها
الشيخ زايد الله يرحمه ويجعل مثواه الجنه
وسار على نهجه أبنائه الكرام
والسلام

[عكشات]

من وجهه نظري انها حباري لفو لو كانت حباري مزارع لااعلن عن اطلاق عدد من الحباري سوى كانت في محميه اوفي الصحراء اما اعلوم الحباري في العراق لفت الحباري وتم رصد 8 حباري وصيدت منها اثنان واعتقد الحباري الي صيدت انها حباري لفو واحنا الحين قريب من ثلاثين اسهيل والحباري والكراوين تصاد من ثلاثين اودونها باايام وشكر على هذا الموضوع

[بحرة حوشان]

مساكم الله بالخير
اول العام عندنا بالكويت بالشعيب(مقابل مركز خظر الما العراقي) طرح واحد من الربع فبندق شهر ثمانيه ميلادي
ودايم تحصل عندنا تجي بعظ السنين مبكر وبعظ السنين تجي من اول شهر 10 ونت طالع.
لاتستغربون هذي حباري قفريه
وبخصوص الحباري التفريخ وينها ماشفناها وما مرت عندنه
هالحباري التفريخ الي تذكرونها يفرخونها بمحمياتهم ويهدون عليها .والفظل الاول والاخير لله سبحانه في تواجد الحباري.
وسلامتكم

[ربع خالي]

الفضل لله في تزايد الحباري ومن ثم لرؤية الشيخ زايد رحمه الله وأسكنه فسيح جناته , وذلك بعمل مختبرات للحباري في شتا انحاء العالم التي تتواجد بها الحباري وها نحن نجني ماكان يربو له الشيخ زايد في تكاثر الحباري وبأعداد هائله والامارات متجهه لأنتاج أكثر من 20 الف حبارى سنوي ,,, والشي بالشي يذكر , وليس من الواجب علينا عدم ذكر اهتمام الشيخ زايد في تكاثر الحباري ,, وما يجحد عمل الناس الا الجحود,,,
تحياتي