تكفون ياربع الفزعه طيري بيموت

[ولد السبع]

السلام عليكم ورحمة الله وبركاته

ياربع انا طيري له معي ثلاث سنوات كل مره اشنذره ماعنده مشكله وليوم شنذرته بعد مانقلته بسبوع ونقز على يدي وصر على الشناذره من الساعة 8 م لين الحين ولطير احسه تعبان الشناذره من النوع الابيض وخذت حليب غنم وحطيت عليه سكر نبات والحين احس الطير متخدر تعبان ياربع وشلحل كلمت دكتور فارس في الشرقيه قال ماقد اسوليك شي تكفوووون ياهل الخبره هل الطير باقي عليه خووف ولا تعدي مرحلت الخطر وكم هي مرحلة الخطر

[سرهيد الهاجري]

ممدا الطير يحرك شبيكاه عشان تعطيه شناذره . خف الطير وادعه لا عطاك وجهه وخذا لياقته سقط الشناذره فيه
معطيه شي قبل الشناذره ؟
قط شبيكا كبيره ؟

[طلال زابن]

ولد السبع الطير محط شي في محطت وش لونة

[ولد السبع]

هلا والله

امس معطيه جربوع

[ولد السبع]

لون المرش اخضر

[ولد السبع]

الطير المشكله ماقط شي للحين لاشبيكاء ولا شناذره

[طلال زابن]

المرش معه شحم

[ولد السبع]

لا قلبت المرش وماحصلت شي

[راعي فلاج 1]

ولد السبع الله يهديك عط الطير ماء حتا يرتوي كنه ما شرب عطه

وبعدين عطه حبوب فارس التهاب وبعد ساعتين

عطه هبرة لحم بدون عظم وخله يرتاح

وبكره عطه احبوب التهاب والله يخرجه يارب البيت وموفق

[سرهيد الهاجري]

فرع الطير وشربه ماء . ون كانه قط شبيكا عقب مايقطها ب نص ساعه اشترلك حليب كامل الدسم ون كانه بارد خله يدفا شوي وحطه بابره وطشها في حلق الطير خلها تبرد عليه شوي وجعله مايشوف شر إن شاء الله

وبلغنا فيه إن كانه تعافا بأذن الي ماتنام عينه

[أبو الكاسر]

خوى هل طيرك يرفض الاكل؟؟

[مشبر البران]

الله يشفي طيرك والأخوان ما يقصرون

[taag1]

الله يستر عليك وعلى طيرك مايشوف شر بس المره الثانيه ان شاء الله لاجيت تشنذر طيرك لف الشناذر بشاش طبي واعقدبها خيط صغير جدا وطويل يوصل قدام بوز الطير واذا ماحذف الشبيكا وماطلعت الشنذره تقدر تسحبها بالخيط اللي عندك .,.,

[ولد مساكن]

الله يشفي طيرك و حاول قرائة الفاتحة 7 مرات على الماء ثم إسقيه وما تنساش تطمّنّا

[ولد السبع]

بيض الله وجيهكم كلكم حاولت اشتري احبوب التهاب بس المحلات كلهاء قافله الحين تخبر اول العيد بس الحمدلله للحين اطير شوعه احسن والله يكتب الي فيه خير

وسمحولي نسيت ابارك لكم في العيد والله اني ماسويت شي من البارح وناء مع الطير

على العموم كل عام ونتم بالف خير

اخوكم الصغير
ولدالسبع

[المري]

الحمد لله على سلامة الطير

حاول مرة ثانية اذا قدك تشنذر الطير ان تكون الشناذر اكبر بقليل من خرزة المسباح لاتكبرها بالحيل

علشان لو ماقطر اشبيكا تميع ولا تضره

وسلااااااااااامتك

اخوك - المري

[رأعي الخرشه]

السلام عليكم ورحمة الله وبركاته
كل عام وانت بخير
ان شاء الله طيرك مافي غير العافيه دام انه تعد اول يوم ان شاء الله طيب هذي تحصل كثير الطير مايحذف لا شناذره ولا شبيكه بس مايتعب على وصفك اتوقع انا طيرك فيه التهاب قبل الشناذره ويوم انك شنذرة الطير تعب منها بسبب التهاب اللي فيه شوف حبوب التهاب عند اي احد من اخويك ضروري
( وحاول انك تعطي الطير لحم صافي بدون عظم ولا تكثر عليه علف يعني ثنداه من الحمام )
وان شاء الله ماعليه شر
تقبل مروري

[الصقار111]

عيدك مبارك ياولد السبع
أخوي أن شاء الله طيرك مافيه ألا العافيه
الطير أصقر مني ومنك طال عمرك لكن يمكن الشناذره ذابت
لكن وأنا أخوك عطه هبرة لحم بدون عظم ونقعها في حليب مراعي
وفرع الطير وحط عنده ماء
تقبل مروري

[@قرناص@]

السلآم عليكم ورحمة الله وبركاته ،،

اخوي المفروض قبل لاتشنذر الطير تخليه يطلع روباجته حتى تتاكد انه خآلي مافيه روباجه ،،

وبعدها يكون الطير صنيع وتشنذره وتعطيه شوية مويه بين فترة وفتره ،،

والحين ان شاء الله مافي خوف لطير بس عطه علف هبر بدون عظم او ريش ،،

وبالتوفيق يالغالي ،،

[راعي غضبان]

عيدك مبارك وكل عام وانت طيب والله يعافيه انشاءالله عطه ماء ورشه وبرد عليه الماء هو الحل ومن ثم حليب السعوديه من الكرتون واعطه برواز وانشاءالله ما يشوف شر وحطه في مكيف بارد بس لاتعلفه لين تشوف شنار الطير وعينه طيبه تعطيه هبره صغيره والله يستر عليه انشاءالله انا دائما نحط الشناذر في شاش ونربطها بخيط لان بعض الطيور يقضب عليها وخطيره تذبحه نسحبها منه وقد صارت معي ان طير حطينها بدون شاش من العجله وبغت تذبحه طاح على كبده ماعاد يوقف على يديه قلنا مات وقمنا وحطينا في طشت كبير وحطينا فيه ماء بارد وحطينا الطير فيه على بطنه فيه وفكينا اسبوقه ماظنينا يعيش وخليناه في الحوش والجوا بارد ماهوب حار وبعد ساعتين مريت عليه قلت بعاين فيه هو قد مات يوم جيته لين الطير موقف على يديه واجيب وكره واربطه والحمدلله ماخذا اسبوع الا وهو سالم ما فيه شي والله يعافي طيرك اللهم امين

[الشير]

اخوي عيدك مبارك وربي يسلملك طيرك يارب
اذا عندك سبارتكس كرتونه اخضر اعطه حبتين كل ست ساعات مع برواز مادافي
وانشاءلله مايشوف شر

[ساكن الليل]

من العايدين وكل عام وانتم بخير
اخوي الشناذره ذابت داخل الطير وعليك بحليب السعوديه وانشاء الله ما يشوف شر

[شايش الراس]

اخوي ولد السباع مشنذره بشناذره عاديه وهذا تاثيرها الطير عطه مثل ماقلو الربع حبوب التهاب عام وتبي الصراحه دامه استاجع الطير حاول تريحه لين يدخل البرد ةبيبداء يتحسن باذن الله ودورلك غيره الطير مهوب معطيك مثل العام لن الاجهاد في الطيار والدعو بيضره اذا ماذبحه وخاصه في هذي الايام الي يكون الجو فيه رطوبه