المساعد الشخصي الرقمي

مشاهدة النسخة كاملة : نقص زيت الماكينة لليوكن xl محرك 8100


ssmq2004
20/09/2009, 11:07 PM
كل عام والجميع بخير وتقبل الله صالح الاعمال
املك يوكون xl مديل 2002 ماكينة 8100 vortic ولكن الملاحظ عليه نقص زيت المحرك كل 1000 كيلو بمعدل نصف لتر علما انه لايوجد اي مؤشر للتبويش وقد تم سؤال بعض اهل الاختصاص فقال انه طبيعي للمحرك الكبير ولكني اريد التأكد ممن يملك محرك مشابه ولكم خالص تحياتي
mtc_959
21/09/2009, 12:21 AM
1-هل لمبه التشيك انجن مولعه
2-وش نوع الزيت اللي تستخدمه
3-كم ماشيه السياره
ssmq2004
21/09/2009, 01:04 AM
شكرا على مرورك
اللمبة غير مولعه
والزيت سوبر شل
السيارة ماشية تقريبا 250 الف
بدوي جنوبي
21/09/2009, 01:30 AM
هل يوجد تهريب ؟
Magellan
21/09/2009, 02:10 AM
أخوي محرك 8100 من أقوى محركات GMC
وهو مصنوع من الحديد الخالص
ويقال إنه مصمّم تحت ضروف قاسية وقيل أنه بإمكانه المشي مليون ميل بدون صيانة جوهرية
بإعتقادي إن عندك تهريب صوفة المكينة الصدر أو الخلفية أو من قاعدة السيفون
إذا أخذنا بالإعتبار أن مالكه السابق معتني فيه....
ssmq2004
21/09/2009, 02:19 AM
لا يوجد تهريب من الماكينة حسب ظني والعلم عند الله
سوبر VTC
21/09/2009, 02:47 AM
و عليكم السلام و رحمة الله

حياك يابعدي

تاكد من الصوفه اللي بين القير و المكينه
تاكد من وجه الكرتير
افتح غطاء الاديتر و تاكد هل به ريحه او رواسب زيت

الفكسار و النيسان و الشيروكي احيانا ينقص الزيت
يتم فك الراس و تغيير جلد البلوف
لانه ما تحجب الزيت

احيانا اذا احتمى الموتر لسبب ما
يتاثر وجه الراس بين الراس و السلندر
و يضعف و بالتالي يدخل بعض الزيت على الماء
و العكس صحيح
و الحرارة تسبب ضعف لشنبر البستم و بالتالي ما يحجب الزيت
و يبدا ينقص الموتر

الباثفندر على سبيل المثال م2005 و تحت
بع عيب مصنعي من الوكاله و هو نقص الزيت كل 1500كيلو ينقص علبه الا ربع تقريبا
بسبب ضعف في الشنبر و عدم الحجب للزيت
و الحل يتم تغيير شنبر البستم و يضبط :good:

موتري بالتوقيع جمس م2001 مكينته 6000
ماشي 200الف
انكسر لي التدفئة حق الثلاجه
و اللي يسوق الموتر مانتبه للحرارة
و طلع الماء كله :no:
و وصلت الحرارة للاتش
و طلع طقطقه للبلوف او الصبابات :no:
و ستر الله ما طلع به صوت سبيكه او بنز بستم
المهم الموتر له الان حول 10شهور
كانه ينقص تقريبا نص علبه ماني متاكد
عموما انا ماحركت ساكن :)
ابشوف وش يصير مستقبلا ان الله عطانا عمر
خصوصا ان بدا ينقص بكثره

نصيحتي اذا ما حصلت تهريبات
لا تلمس المكينه
خصوصا اذا كان النقص بسيط
و والدي مكيانيكي ديزل و بنزين
يقول اذا كانت المكينه تنقص فهو افضل
من ناحيه ان السلندر و الراس يبقى نظيف :good:

موفق
لن أمل من العطاء
21/09/2009, 03:12 AM
انا ارى والله اعلم

انه طبيعي خاصة اذا كانت السيارة تمشي بسرعات عاليه تزيد عن 120 كيلومتر فترات طويله

حتى وان كان النقص ليس طبيعيا فلا تعمل تجارب للاصلاح

يجب عليك استشارة اكثر من مكانيكي فاهم حتى لو وصل العدد الى 10 ميكانيكيين للفحص

وبعدها توكل على الله وصلح
بدوي جنوبي
21/09/2009, 03:57 AM
اخى الكريم ب 50 ريال فقط اذا طلبك 100 ،،
قول ابى فحص محرك فقط لا تفحص قير ولا دينمو
ولا تحت السياره فحص محرك فقط اذهب لورشه لديهم
جهاز فحص المحرك واطلب تقرير عن المحرك وشوف كم
ضغط البستم كم % او نزل لنا صوره من التقرير اذا كان
ضغط البستم فوق ال 90 % فتأكد ان المحرك سليم وان
النقص طبيعي كما ذكر المشرف العطاء اذا زادت السرعه
عن 120 يبدأ صرف الزيت وهذا معدل طبيعي مثل الكامرى
والددسن موديلات جديده حسب ما نسمع عنها اما اذا كان
الضغط دون 90% اعلم ان الشنبر به ضعف بسيط وهو
سبب نقص الزيت والى الان يعتبر المحرك سليم
لا يحتاج
لتغير شنابر متى تحتاج تغير شنابر اذا اصبح استهلاك الزيت
حدود اللتر لكل 1000 واصبح يظهر دخان بسيط ابيض
مايل للزراق
(( بعض الاحيان يظهر هذا الزيت اذا كانت جلد البلوف ضعيفه فلا تخلط بين جلد البلوف والشنبر ))

عموما وافيني بالتقرير ولكل حادث حديث

تحيتى
S-92
21/09/2009, 04:29 AM
أخي الكريم انا معي يوكن موديل 2001م امريكي بس ماهوxl له عندي سنتين يوم شريته ماشي 95ميل
ولا يوجد به اي تهريب الموتر ماشالله نظيف سواءطرمبه البنزين تعبتني وركبت حقة في أكس آر وماشي معي تمام ولله الحمد ومن يوم شريته وهو ينقص الزيت إذا مشيت عليه 120ك احس انه ينقص بسيط وكل مازت السرعه ينقص أكثر بس احس نقصه طبيعي وسئلت واحد يستخدم هالنوعيه من السيارات قال طبيعي النقص
موترك والله اعلم مافيه إلى العافيه ،،، ولاتروح للورش يطلعون لك ألف عله ،،،

تقبل مروري وآسف على الاطاله
بوسعود70
21/09/2009, 10:22 AM
اخي العزيز تحية لك وللاخوه الاعضاء وعيدكم مبارك..انا املك سوبربان من نفس المكينة سابقا وعند السرعة فوق 140 وعلى مسافه اقل من 300 كيلوا ينقص علبه..علما بانني من هواة تصليح السياره فى الوكاله وجميع السيرفس وحتي تغير الزيت ..وعندي سؤالي للوكالة عن سبب النقص..فاجابوا عند بلوغ العداد 3000 كيلوا قم بزيادة عبله كامله دون الرجوع الى قياس الزيت(الكييج)لان النقص طبيعي وحجم المكينه كبير ولايتحمل الجوا الخليجي...فلاتحتاتي كلـــــــــــــــــــــــه طبـــــــــــيعي..ودمتم
ريلاكس
22/09/2009, 02:02 AM
واحد معه نفس مكينتك

وعنده الزيت ينقص كل فتره

ويزيده وعلى الحال ذي وموتره ماشي 200 وكسور
mtc_959
22/09/2009, 04:02 PM
احترم رائي الشباب في ان الزيت النقص فيه طبيعي

لكن انصحك انك تحط زيت سوبر جتي

واحد من الشباب عنده ونيت 2007المكينه 6.0يعني 6000سي سي
كان ينقص عنده كل 2000كيلو علبه تقريبا غير وحط سوبر جتي وضبط بعدها
حسين السبيعي
22/09/2009, 04:37 PM
احترم رائي الشباب في ان الزيت النقص فيه طبيعي

لكن انصحك انك تحط زيت سوبر جتي

واحد من الشباب عنده ونيت 2007المكينه 6.0يعني 6000سي سي
كان ينقص عنده كل 2000كيلو علبه تقريبا غير وحط سوبر جتي وضبط بعدها






نعم كلاامك صحيح زيت سوبر جتي زيت لزوجته عاليه جداً ولا ينحرق بسهوله ومناسب جداً لجميع السيارات :good:
ssmq2004
22/09/2009, 07:13 PM
أخواني اشكركم جميعا واقدر تفاعلكم
بالنسبة لنقص زيت المحرك فقد تأكد لي انه طبيعي خاصة ان هناك من مر بنفس التجربة ونفس المحرك ولكني سوف أخذ برأي اخي المشرف بعمل فحص كمبيوتر للمحرك فقط للتكد من ضغط البستم
دمتم سالمين
سوبر VTC
23/09/2009, 04:37 AM
اليوم عندي رجل خالتي :)
راعي معدات ثقيله بالرياض
و قال اننا جبنا معدات من الامارات يابانيه
شيولات قريدل قلابيات ابو جنزير
يقول بعضهن عقب 7شهور
بدا الزيت ينقص
يقول فكينا المكاين اللي تنقص
يقول حصلنا مكتوب على شنبر البستم و البستم
صنع في الصين :no::no:

يقول الشنبر الاصلي كل ما يحتمي المكينه
يقسا الشنبر زود
بمعنى يصير صلب شاد
ضد الحرارة
shaheenshah
28/09/2009, 10:30 AM
على كلام الاخ عبدالرحمن الجميح لواحد من العيال
ان مكاين 8100 تنقص زيت طبيعي تبخير وليس تبويش
يعني مكينة موترك ما بها الا العافية ان شاء الله
الادغش
29/09/2009, 10:17 PM
الي اعرفه من اصحابي الي عندهم 8100 سوبربان 2005 وليس 2002 .. يعانون كل المعاناه بسبب نقص الزيت .. واحد يقول عادي والثاني يقول مصممه لاهل الخليج لظروف قاسيه ... وووالخ ....
وفي النهايه خبط صاحب 2005 وهو رجال كبير ومحافظ على السياره ... والثاني حصلت معه رجه وهو مسافر وكان يمشي 120 وظهر البستم مع الجنب ...!!! لاحظوا ياجماعه
8100 دخل الخليج باعداد قليله جدا ومن ثم توقف لماذا ....؟؟
الي عنده 8100 يتخلص منه باقرب وقت
سوبر VTC
30/09/2009, 12:53 AM
الي اعرفه من اصحابي الي عندهم 8100 سوبربان 2005 وليس 2002 .. يعانون كل المعاناه بسبب نقص الزيت .. واحد يقول عادي والثاني يقول مصممه لاهل الخليج لظروف قاسيه ... وووالخ ....
وفي النهايه خبط صاحب 2005 وهو رجال كبير ومحافظ على السياره ... والثاني حصلت معه رجه وهو مسافر وكان يمشي 120 وظهر البستم مع الجنب ...!!! لاحظوا ياجماعه
8100 دخل الخليج باعداد قليله جدا ومن ثم توقف لماذا ....؟؟
الي عنده 8100 يتخلص منه باقرب وقت



طلع البستم مع الجنب :no::no::no:
الفتك النيسان احيانا اذا فجرت المكينه
يكسر السلندر :no:
احلى مزاج
30/09/2009, 03:13 AM
يا راعي الموتر غير زيتك الى سوبؤ جيتي فوكس علبته لونها اسود وشف الفرق وادعلي

ويا شباب لاحد يستخدم سوبر شل مهوب زي اول تغير اكثر من موتر جربته عليه الزيت ينقص والمواتر جديده واغيره ويظبط