مشكله في هدروليك اللكزس ارجوا المساعده

[الشاص]

السلام عليكم ورحمة الله وبركاته

ياحي الله الاخوان في منتدى مكشات وكل عام وانتم بخير وصحه وسلامه يارب

والله يتقبل منا ومنكم صالح الاعمال ويجعلنا من المقبولين والمغفور لهم ووالدينا والمسلمين


يالربع عندي مشكله في جيب اللكزس 2005 وهي ان وجهه مهب ثابت ويرج مع المطبات والبطناج مع العلم ان المساعدات سليمه ومريت لي كم ورشه وكلهم يقولون غير بولين(الكور) الهدروليك ولقيتها بالوكاله بحوله 4600 وشغل يد تقريبا 1400 ريال

وسمعت من احد الاخوان انك كان عنده نفس المشكله في فكس ار او لكزس وسوا تنسيم للهدروليك وغير زيته كامل مع تنظيف الكور وضبط الموتر لان المشكله بس ان مع البطناج والى مع المطبات بعض الاحيان يكسب هواء وهذا الى يسبب هالمشكله مع العلم انه يرتفع وينزل بدون اي مشاكل ولا فيه اي لمبه مولعه

ليت الى عنده خبره او يعرف احد متخصص في الهدروليك وفاهم مهب شغل الوكاله وهالورش الكبيره كلش غير يفيدنا

وشاكر لكم ومقدر فزعتكم

[الطراونه]

للرفع
فعلا انا نفس المشكله فيه مطب ورحت الى ورشة قال تغير بالونات وش البالونات ماادري امل الى عنده خبره يعلمنا بارك الله بكم

[اسدهم]

بوة ورشة في الصناعه القديمة يغيرون من هدروليك الي عادي اذاانت تبغا او علا كيفك

[الشاص]

الطراونه

باذن الله مايقصرون الشقرديه


اسدهم

بيض الله وجهك يالغالي والصراحه الهدروليك نظام ممتاز وصعبه تتخلا عنه عشان مشكله بسيطه باذن الله مثل هذي انا والله ودي ورشه او شخص فاهم يحل هالمشكله ويصلحها وبيض الله وجهك على المشاركه