قير الباترول 2006 أتوماتيك فيه خلل

[رداااااد]

السلام عليكم ورحمة الله وبركاته



كل عام وانتم بخير

وعيدكم مبارك


عندي باترول 2006 قير أتوماتيك لما أشغل يكون ماسك نمره وما يبدل القير


واذا طفيت وشغلت يضبط وديته لورشه فحص كمبيوتر قال كهرباء القير وكلف

تصليح 450 وما تغير شيء نفس الخلل !!



أبغى أرائكم الله لا يهينكم وش الخلل

[سوبر VTC]

و عليكم السلام و رحمة الله

كل عام وانت بخير
لاهنت

ان بغيت فيه ورش زينه ببريده

عند احد ربعي ببريده فتك م2004 سافر لابها و يوم يجا يرجع يعلق بنمره
و لا يريح فصل البطاريه....الخ كل شي و لا نفع :no:
دخله الوكاله و غسلوا القير و لا ضبط
بعد يومين زان الموتر
و السبب ان خارطه القير به رايش الكلتشات و التروس و اذا انسدت خريطه القير المخ ما يعشق القير لان الزيت ينحشر بسبب الرايش
افضل حل
غسل القير و رفع الموتر بالكامل بالعفريته
و جعله يدور على لمده 5 او 10دقائق على جميع النمر
الخارطه معقده جدا
و اشد تعقيد من خارطه قير الجمس و الفورد و التويوتا و الشيروكي
قيمته بالتشاليح ب2700ريال تقريبا
جديده حول 4500

مع احد الاعضاء فتك مابه تهريبات اطلاقا حصل ثلاثه ارباع زيت القير
ناقص :no:
تاكد لا يكون الزيت ناقص !!!!!!!!!!!!
اذا كان ناقص القير ما يعشق لانه لايوجد زيت كافي

يوجد بالرفرف الايسر كتاوتات خاصه بالمكينه و القير
بدل بينهن و قنعهن بالمفك مع فصل البطارية
اسم الكتاوت ( A/T) ( ING)


السلام عليكم شكلهم يا يبون يكسرون الفيوزات من الطقطقة هههههههه \فعلا مثل ما قال الاخ من الكتاوت بدله مع اللي مكتوب عليه a\t
انا صارت معي في فتك 2003
المشكلة صارت من الكتاوت اللي جمب قربت الهواء فيه 3كتاوت زرق واحد من الكتاوت هو كتاوت حساس الدعسة يصير لونة اصفر من الحرارة



افتح كبوت سيارتك

وافتح بوكس الكتاوت اللي بين فلتر الهوا والرفرف

واتبع التعليمات اللي بالصورة . تبديل كتاوت لمبة الريوس مع كتاوت المحرك المهم جرب بين الثلاثة

وأنا وضعتها في نيسان أرابيا لأن هنام موضوع سابق لي لنفس المشكلة


http://www.nissan-arabia.com/vb/attachment.php?attachmentid=2061
اقول يالغالي خذ العلم كان عندي مشكلة قريبة من هذي المشكلة وبحث في مكشات ولقيت الحل
ابشر بالفرج انشاء االلة تفرج
فية على يمين الكبوت اذا فتحته علبة كتاوت في العلية هذي ثلاث كتاوت زرق وواحد لونة بني
اللي في النص الازرق هذا حق منظم القير اذا كان توبترونك انصحك تغير واللي قدامة على طول حق الدعسة غيرة واظمن لك بعد اللة ان تدعيلي
سعر الكتاوت هذا 128 ريال تقريباً
وارجو انك تطمني اذا مشت الامور

هذه مواضيع مجمعه و شاملة باذن الله للاخ المميز


جميع مشاكل البـــــاتـــــــــــــــــــــــرول وحلولها تجدها تحت سقف واحد (http://www.mekshat.com/vb/showthread.php?t=95330)





هذا رد لشخص معه فتك 2004 و زان الموتر
بعد تغيير الكتاوت
لكن بعد كم رجعت المشكله و ما ضبط الا يوم غسل القير بمعنى حط زيت جديد لمده 5 او 10 دقائق و خلاه يدور على القير
P R N D 1 2 3 4
همن فرغ الزيت و حط زيت جديد و بعد كم يوم زان و الى يومك :good:



ألف شكر لكل من شارك في هذا الموضوع وما هي غريبة على رجال مكشات ..
بالفعل تم تغيير الكتاوت القريب من فلتر الهواء (( أول كتاوت من الكتاوتات الزرق الثلاثة عندما تفتح الكبوت )) والأمور حتى الآن تـــــمــــامــــم 100%...
تحياتي لكم جميعاً



اخوي وحداني ومبسوط ياطويل العمر اذا كان موترك اذا شغلته وجت في المشكله هنالك لمبة في الطبولون العادة تشتغل اول ماتشغل السيارة 3 ثواني وتطفى صارت تقعد تشر 10ثواني فالحل كالأتي
هنالك كتوات يضبط الكهرب الي يدخل للقير في الكبوت تغيره ويزبط معاك وياليت ترد علي في اقرب فرصة
عشان اعلمك وين مكان الكتاوت فيه






المشاركة الأصلية كتبت بواسطة عاشق

ياجماعة الخير لقيت الحل عن طريق احد الاخون في احد المنتديات
وهو عبارة عن كتاوت موجود في الكبوت يسار المكينة في علبة كتاوتات هو الاول منها من جهة السواق يخرب ويصير يلعب في الكهرب الي رايح للقير وغيرته ورجع الموتر مافيه شي ولله الحمد والمنه
رقم القطعة للاستفادة هي Ni-25230-79915
الظاهر في هالمنتدى مافيه منهو مثلي غيرت الدعسه والكمبيوتر جديد وكاله ولا نفع وصار الخلل (كتاوت ب50ريال ).الله لايخسر .



انا كلمت كهربائي عنده فتك خربان قيره
و حصل الخراب من خارطه القير
و السبب يقول على كلامه => انه من رايش القير كلتشات و تروسه
و ايضا جلد الموتر لانه اذا احتمى القير تتاثر خارطته
و قيمته تقريبا من 2500 و طالع
يقول زيت القير تغيره كل 100000الف
موفقين



أخوي أبو عدلة مشكلتك حصلت معي .. إذا أنك غيرت الحساسات وغلقت زيت القير ولاضبط ... ما لك إلا تفك الكرتيل وتنظف القير والفلتر وتغير الزيت كامل وتسويلة برمجة بالكمبيوتر والموتر يمشي ...وإذا ما ضبط في أول يوم استخدم الموتر كم يوم حتى ينظف المغناطيس الرايش الموجود في القير ... هذا ما حصل معي بالضبط ..
انتبه لاتستعجعل على فك القير وتغييير الخارطة لأنها غالية عند الوكالة سعرها 5000 ريال ,,,,,
هذي الخارطه (المخ) و بداخله الحساسات مثل الكتاوت تقريبا مثل لف الدينمو
لف نحاس
ادخل هذا الرابط

๑×۩۞۩๑ اذا سيارتك قير اوتوماتيك وصار فيه خلل هذه بعض النصائح๑×۩۞۩๑ ‏ (http://www.mekshat.com/vb/showthread.php?t=221402)



http://www.mekshat.com/vb/../pix/upload03/images121/mk32037_subaru_vb.jpg

صوره:
http://www.mekshat.com/vb/../pix/upload03/images121/mk32037_1342206-valve_body_disassembled.jpg





انا ما ادري هي حلت المشكلة او قائمة بس هذي المشكلة تمر علي على طول من موديل 2002 الى 2007 هذا فيه علبة فيوزات (كتاوت)موجودة على الرفرف الامامي الايسر في الكبوت داخله كتاوتات لونه ازرق واحد مكتوب عليه a/t هذا حق القير غيره قيمته بالوكالة 45 ريال و الازرق الثاني حق عزم المكينة وللاستفسار 0507040452 رسالة



للفائده

الفتك اذا
كان يكتم فعاده يكون من منظم اللهاة سعره كامله ب1700 تقريبا
البديل عنه يركب منظم مكسيما ب300ريال http://www.mekshat.com////images/smilies/icon14.gif
تركب بالملي :good:

هذي اللهات اللي راكب عليه الويرات (الاسيام)
لاحظ المنظم يمين اللهاة
اللهاة هي الي في الوسط مدورة و يفتح مع دعس البنص مثل الباب



http://www.mekshat.com/vb/../pix/upload03/images118/mk548_6.jpg


http://www.mekshat.com/vb/../pix/upload02/images77/mk53291_hjphjp2.jpg


http://www.mekshat.com/vb/../pix/upload02/images77/mk53291_ond1.jpg











موفق

[رداااااد]

الله يبارك فيك أخوي

ما قصرت وجاري تغيير زيت القير وتبديل الكتاوت حقت القير

[فتك ابوفهد]

الله يبارك فيك أخوي

ما قصرت وجاري تغيير زيت القير وتبديل الكتاوت حقت القير


أنتبه ترى زيت القير للفتك خاص ولاتحصله الا في الوكاله ولا له عيار .. انتبه