المساعد الشخصي الرقمي

مشاهدة النسخة كاملة : انقطع علي السير وركبت جديد ولكن فيه صوت


هويدي
21/09/2009, 05:03 AM
السلام عليكم ورحمه الله وبركاته

كل عام ونتم بخير

انقطع علي اليوم سير الباترول الكبير حق المروحه والدينمو ولا حولك احد فاتح

بس الحمدلله لقيت سير نفس مقاس الاصلي بالمحطه

فكيت السيور الباقيه علشان اطلع قطع السير الخائن اللي مالقى ينقطع الا بالعيد:D


بعد ما ركبتهن انا واخوي الله يخليه لي شغلت الموتر وتعالت صرخات السيور حزناً على خويهم الانتحاري <= فاضي يستضرف

نجي للسؤال : وش سبب الصوت هل انا شديتهن اكثر من اللازم . ؟

مع العلم اني زيتهن بعد التشغيله الاولى خف الصوت شوي ورجع وعلق يوم دعست

افيدونا الله يجزاكم خير ولكم دعوه بظهر الغيب :good:

اشين شي قطعه العيد وخاصه اذا صرت مخطط على روحات وجيات

والحمدلله على كل حال قدر الله وماشاء فعل
بدوي جنوبي
21/09/2009, 05:21 AM
عليكم السلام ورحمة الله وبركاته
كل عام وانت بخير

الظاهر انك شاد السير زيادة عن اللازم
اضغط على السير بأبهامك شف
ينزل معك مع الضغط
لانه المفترض الشد يكون وسط


تحياتى
سوبر VTC
21/09/2009, 05:25 AM
و عليكم السلام و رحمة الله

اذا كان عرض السير (سخف او سماكه)
يعني يختلف عن حق البلد
فهو يسبب صرصره
اذا كان السير راخي
او مشدود فوق اللازم
يسبب صرصره

للفائده
جيب هدد م2007
طلع صوت بالمكينه طقطقه او تكتكه
اللي يسمع الصوت يقول جنزير تيمن او بلوف او سبيكه :no:
وداه لراعي ورشة خبره :good:
قاله دق سلف بدون تشغيل
دق دق دق دق دق دق
حول 5مرات :)
صارت المشكله من احد السيور حقات المروحه
بهن قطع بالطول طول الاصبع :no:
غير السير
و راح الصوت :good:

موفق
هويدي
21/09/2009, 05:34 AM
هلابك يالجنوبي

ونت بخير وصحه وسلامه

ضغطت السير احس انه شاد نوعاً ما ابجرب ارخيه واشوف

وجزاك الله كل خير على الافاده


هلا بخلفهم السوبر

السير على كلام العامل اللي شريته منه يقول مقاسه 1225 صناعه تيواني ونا مركبه يمشي حالي بالعيد الين تفتح الوكاله واشري طقم اصلي

وبصراحه مشكك ان الصوت من نوع السير او اني شاده بزود

ابجرب ارخيه شوي واشوف لعل وعسى

والله لايحرمك الاجر ويجزاك خير
ابولولو
21/09/2009, 06:26 AM
اخوي هويدي خبرتي قليله لايكون السير قديم ويابس مره اثنه وشف يتكسر والا لي وموفق خير وعيدك مبارك
adil33
21/09/2009, 01:26 PM
شد السير احتمال
adil33
21/09/2009, 01:27 PM
شد السير احتمال يكون راخي
شمالات نجد
21/09/2009, 01:33 PM
لا تدقق مش أمورك دامه ماشي معك الين تفتح المحلات وخذ لك طقم أصلي

وأحمد ربك انها جت على كذا والموتر يمشي مافيه الا العافية ما شاء الله

سلام
هويدي
21/09/2009, 10:48 PM
ابشركم فـُرجت ولله الحمد


بعد ردي الاول نزلت للموتر وبدأت استرجع في ذهني ردود الاخوان ـ الله يجزاهم الجنه ـ وبدأت بتفقدها واحداً تلو الآخر
وكنت في حيره من امري انا شاده اكثر من اللازم او مرخيه بزود ؟؟
ومن ثما بدأت التجارب الفتاكه :j

ارخيت السير مره وشغلت اختفى الصوت


صار تقل سير مكيف صحراوي لو المس البنزين طلع عن مساره :D


شديته شي بسيط رجع الصوت !


خليته وسط ولازال الصوت !!

الـّه فيه ايه ياله :confused:


احبطت واحترت من وين العله


جلست لحظه تأمل وتفكير بالحل وكان رأسي تملائه الاستفهامات وقليلاً من علامات الفاي
لجأت للذي اذا دعي اجاب ..دعوته ان يلهمني لما هو خير لي في امري


سميت بالرحمن و شديته ـ واقول بنفسي زان خير وبركه مازان بالامر خيره


شغلت ولله الحمد والمنـّه ضبط :good:



اخوي هويدي خبرتي قليله لايكون السير قديم ويابس مره اثنه وشف يتكسر والا لي وموفق خير وعيدك مبارك


يكفيني فزعتك ومرورك الله يجزاك ووالديك الجنه


والعيد مبارك علينا وعليك وتقبل الله منا ومنك صالح الاعمال :good:



شد السير احتمال يكون راخي


ماشاء الله عليك اخوي adil33 توقعك بالملي بيض الله وجهك





لا تدقق مش أمورك دامه ماشي معك الين تفتح المحلات وخذ لك طقم أصلي


وأحمد ربك انها جت على كذا والموتر يمشي مافيه الا العافية ما شاء الله


سلام



هلابك خيو شمالات نجد .. كلامك منطقي ولا فيه شك
لو كان الصوت خفيف ولامنه خطر
ولكن لا تلام من سمع ليس كمن رأى


لو انك سامع صوت السير تحلف ان بالكبوت قبيله ارانب بصرخه وحده :D


فمن الطبيعي يحتمي بسرعه على هالصوت وينقطع ويحوس الدنيا اللي بالكبوت وينتف الاسلاك وغيره من القطع الكهربائيه


الحمدلله على كل حال وجزاك الله خير على النصيحه والتذكير، بس ونا اخوك ماقصدي اتسخط ـوالعياذ بالله ـ ببعض الجمل والاسماء المستعاره ... اوردتها كنوع من التميلح وتلطيف الاجواء :j



وبالختام لا يسعني الا ان اقول الله يديم علينا الاخوه والمحبه بهذا الصرح الشامخ


ولا يريكم مكروه



ودمتم بحفظ الله ورعايته
بدوي جنوبي
21/09/2009, 11:30 PM
ما شاء الله
يعبجنى اللى يشغل ويفكر وين العله
واهم شيئ انك حليت مشكله الفاى
ههههههههههه

بالتوفيق عزيزى

غريبه جدى ماله حس ولا تعليق:j
هويدي
21/09/2009, 11:50 PM
الله يوفقنا وياك استاذي بدوي جنوبي


هذا بفضل الله ثم فضلكم والاخوان


وظهرت عله نسيت اذكرها بسبب انقطاع السير !! <= ماصدق احد يمدحه طار بالعجه :D


المكيف خرب صارالكمبرس مايشبك . بديت اتتبع الاسلاك والمواصير حقت المكيف الى انت توصلت بتوفيقٍ من الله الى القطعه المتضرره . حركت السلك والمكيف شغال وشبك


ـ ولا اعرف وش اسمها بس ابصورها بكرى للفائده


و الله العالم كم بيلهف مني الكهربائي على خراب تافه ولا يكلفه ولا ريال !!




غريبه جدى ماله حس ولا تعليق


تقصد الجتى ههههههههههه مانسيتها لاني انفرشت بسببها


واحسن ما اخترعو بالرياضيات الفاي اذا بلشت قظبهم مخرج الفاي :)
شمالات نجد
22/09/2009, 12:06 AM
ابشركم فـُرجت ولله الحمد



بعد ردي الاول نزلت للموتر وبدأت استرجع في ذهني ردود الاخوان ـ الله يجزاهم الجنه ـ وبدأت بتفقدها واحداً تلو الآخر
وكنت في حيره من امري انا شاده اكثر من اللازم او مرخيه بزود ؟؟
ومن ثما بدأت التجارب الفتاكه :j


ارخيت السير مره وشغلت اختفى الصوت


صار تقل سير مكيف صحراوي لو المس البنزين طلع عن مساره :D


شديته شي بسيط رجع الصوت !


خليته وسط ولازال الصوت !!


الـّه فيه ايه ياله :confused:


احبطت واحترت من وين العله


جلست لحظه تأمل وتفكير بالحل وكان رأسي تملائه الاستفهامات وقليلاً من علامات الفاي
لجأت للذي اذا دعي اجاب ..دعوته ان يلهمني لما هو خير لي في امري


سميت بالرحمن و شديته ـ واقول بنفسي زان خير وبركه مازان بالامر خيره


شغلت ولله الحمد والمنـّه ضبط :good:




يكفيني فزعتك ومرورك الله يجزاك ووالديك الجنه


والعيد مبارك علينا وعليك وتقبل الله منا ومنك صالح الاعمال :good:




ماشاء الله عليك اخوي adil33 توقعك بالملي بيض الله وجهك





هلابك خيو شمالات نجد .. كلامك منطقي ولا فيه شك
لو كان الصوت خفيف ولامنه خطر
ولكن لا تلام من سمع ليس كمن رأى

لو انك سامع صوت السير تحلف ان بالكبوت قبيله ارانب بصرخه وحده :D

فمن الطبيعي يحتمي بسرعه على هالصوت وينقطع ويحوس الدنيا اللي بالكبوت وينتف الاسلاك وغيره من القطع الكهربائيه


الحمدلله على كل حال وجزاك الله خير على النصيحه والتذكير، بس ونا اخوك ماقصدي اتسخط ـوالعياذ بالله ـ ببعض الجمل والاسماء المستعاره ... اوردتها كنوع من التميلح وتلطيف الاجواء :j



وبالختام لا يسعني الا ان اقول الله يديم علينا الاخوه والمحبه بهذا الصرح الشامخ

ولا يريكم مكروه



ودمتم بحفظ الله ورعايته



يا رجال الحمد لله على السلامة هذا أهم شي

سير المكيف عندي ببداية الصيف كان يزعج اللي عند الاشارات شي رهيب المهم خليته ثلاث أيام الين غيرته ولا صار الا العافية أهم شي أن الصوت معروف سببه والباقي يهون

سلام
سوبر VTC
22/09/2009, 03:54 AM
غريبه جدى ماله حس ولا تعليق:j



يبدو انه انا المقصود :D:p:D

ما عندك ما عند جدتي :mad: