نوكيا 6710 و ضيقة الخلق

[ng_fm]

مرحبا بالجميع

هذى اول مشاركة رغم اني صديق لهذا المنتدى ولكن حبي للقراءة كانت افضل من المشاركة ولكن المشكلة بدأت عندما قرأت عن تلفون نوكيا 6710 وبالتحديد اخوي العزيز خندريس الكويت عندما اشاد بهذا الجهاز .

اشتريت الجهاز قبل العيد بيومين واشتغلت الخريطة مرة وحدة فقط لاغير و وديتها للشركة آي 2 وقالو مافي شي الخرائط موجودة واخذة واطلع خارج الشركة مشكلته بس يبي اشارة ( لاتوجد اشارة ) وطلعت خارج الشركة وقعد نص ساعة اقلب الجهاز لين ضاق صدري ودورت احد يعرف له بالمحلات وطلع محد يعرف عنه شي ويوقول جديد .
ابى حل يانشاما الخرائط ماتشتغل لما اقولة اين موضعي يقول لا توجد اشارة رغم اني قاعد بالشارع والشمس على راسي يا ان الجهاز مايسوى او انا ماعرف له لاتوجد اشارة وللعلم تعبثت فيه لين لعنت ابو اصلة ولا اكو فايدة
واللى ابية منكم شنو اسوي علشان الاشارة توصل للجهاز تراني عليمي ولا اعرف شي او انكم تدزوني على محل بالكويت خبير بالسوالف هذى وانا على استعداد اروح له والا بدور خندريس اللى وهقني وخلاني اشتري الجهاز علشان يسويه هاهاهاهاهاها .
تكفون فزعتكم يا اهل الفزعة

[محسن اليامي]

أنا أقولك الله يعينك وكل شي له حل وانا خوك

الحل إرجع للشركه آي 2 وانشب بحلوقهم لين يظبطون لك الجهاز وإذا ما فاد رح للمحلات اللي مقابله مجمع الرايه بشرق فيه ناس اهل خبره

وإذا مافاد الحل الأخير ركب عليه خرايط الروت66 أو السايجك أو الجارمن موبايل
وتسهل أمورك

إن شاءالله اللي أفدتك يالغالي

[kuwaityvip]

انا بعت 6110 وشريت 6710

ثاني يوم بعته ورحت ادور نفس جهازي القديم 6110 لقيت واحد نظيف بعد التعب وارتحت

[ng_fm]

اليامي

الله يعطيك الصحة والعافية ومشكور الايضاح ويعطيك الصحة والعافية ، رحت امس للمحلات مقابل الراية وقالو لازم يشبك او مرة وبعدها يشتغل ، ولما الجهاز اشتغل وبعد اشوي ورجع مثل مكان ، الظاهر ان الجهاز خرطي ولا لة قيمة .


--------------

كويتي vip

الظاهر راح امشي على خطاك وازته بالسوق

[BEN SADEQ]

ياخلفهم الجهاز توه جديد

واكيد السوف وير يبي له تحديث اذا نزلو تحديث

واخوان الغالي خندريس ماشتكى منه وبالعكس يمدح فيه


وقبل لاتبيعه بخساره لاتيأس خله عندك مردهم ينزلون له سوفت وير جديد ويحلون المشاكل اللي فيه

[فلر]

السلام عليكم
ياخوي لايضيق صدرك ولا شيئ الدنيا ما تسوى مدام الجهاز عليه ضمان رجعه لهم ويصلحونه وهم مايشوفون الجاده او يبدلونه لك لانه ضمانه ما زال ساري
الجهاز نفسه معي وواجهتني فيه مشاكل يطفي من نفسه ولا يشحن اذا بغيت تشحنه ومؤشر البطاريه محطوط زينه مايشتغل ورجعته لهم 3مرات واخر شيئ بدلوه بجهاز جديد ولان ماشي زي الحلاوه بس بعد ما طلعو روحي وهريتهم با الشكاوي على رقم نوكيا كير المجاني
والحقيقه ان الجهاز روعه شاشه وبطاريه وخرائط بس لايتطيح في جهاز خربان من هو جديد
ومع احترامي وتقدير ولايواخذني الي معه6110 فانه اي 6110 لاشي ولا فيه مقارنه بينه وبين6710
وشكرا واسف على الاطاله

[ng_fm]

بن صادق

يا مرحبابكم واعذرني ماشفت ردك لما علقت على الاخوان وقدر على راسي من فوق

وانا ودي ابيعة اذا هذا طبع الجهاز بغيتها طرب وصارت نشب والمشكلة وراي سفرة علاج بالخارج يعني ابي المخلاص وابي اشوف تاليتها معاهم

-------

ابوتمام

يامرحباكم من مشيت لين جيت

رحت الفني قلته الجاز موراضي يلقط الاقمار ثال ودة نوكيا ويسوينة بــ 5 دنانير قلت حاضر ورحت نوكيا وقليت ذاك الرجال الطيب وقام فيني قومة واخرتها قال الجهاز في عطل باللى يستقبل الاقمار ( قال اسمة ماعرفتة ) وقالي هذا الجهاز روعة بس فيه عيب بالشركة كل 100 جهاز يطلع 10 عيوب مصنعية ولك حليـن أما ترجعه للمحل ويعطيك واحد ثاني وتحاول تجربة قبل لا تاخذة او انك تودية للورشة ويصلحة لك يبدل القطعة هذى ، ورديت للمحل الشركة وقال بشوف الشركة وراجعني باجر وانا بكرة الصبح رايحة ياهذى وياهذيك .

والجهاز استخدام روعة بس عيبة عندي مايلقط الاقمار !!!! الله لا يسخر

ونصيــــــحـــــــــــــة لــــــكــــــــل الأعضاء اللى بالكويت لا يشترون كفالة i 2 من واقع تجربة زحمة ولا يوجد تنسيق والفني طلع فلبيني !!! انا اعرف الفلبينيين أهل مساج طلعو فنيين هذى صعبة حيل

والله يسلم الوجية الطيبة وبكرة نرد العلم ان شاء الله

[BEN SADEQ]

بن صادق

يا مرحبابكم واعذرني ماشفت ردك لما علقت على الاخوان وقدر على راسي من فوق

وانا ودي ابيعة اذا هذا طبع الجهاز بغيتها طرب وصارت نشب والمشكلة وراي سفرة علاج بالخارج يعني ابي المخلاص وابي اشوف تاليتها معاهم




الله يسهل عليك يالذيب

وان شاء الله يبدلونه لك

لو قالو غيرنا قطعه وماقطعه قل لهم مابيه توه جديده وتحارفون فيه

زن عليهم الى من يعطونك واحد جديد

والله يرزقك واحد مضبووط ولا فيه خرابات

وعلمنا وش صار عليك يالذيب .. نحتريك

[الشاطر.]

السلام عليكم

انا صارتلي نفس المشكله بعد ماشريته بيوم وسوتله فورمات واشتغل معاي مظبوط يعني المطلوب منك انك لاتعبث فيه

سوله استعاده ضبط المصنع وانشاء الله يضبط
طريقه الفورمات *#7370# من اليمين

راح يمسح كل شي احذر

[ng_fm]

بن صادق

كل الشكر لك يالغالي
-------

الشاطر سويتها ولا في فايدة

----------

مرحبا بالجميع

رحت اليوم استلم الجهاز وبعد طلعت الروح قالو هذا جهازك مافي شي واستلمتها
ولما وصلت البيت جيت اشغلها والا الجبيب يبي انترنت !!!! وفصلته وقلت ماعندي وبعدها صار اصمخ يعني مايشتغل الا عن طريق النت .

حاولت فيه ولا اهو حولي واعلنت افلاسي من التلفون

الجماعة يقولون الخرائط فري والجهاز ما يشبك الا على النت !!!!

وسؤالي للنشاما : هل الخرائط بدون خط تلفون شغال والا لازم يكون شابك نت ؟؟

والنية اني ابي ابيعة وافك عمري من الشركة وطالايبها ؟؟؟

وشرايكم ؟

[turki9]

سرعة استقبال الجوالات مو نفس الاجهزة المتخصصة
جوالي مرة يشبك خلال ثواني و مرا يقعد 10 دقايق ماشبك
ارجع لدليل الجوال و بتلقاهم كاتبين ان السرعة بتتراوح بين ثانيتن الى 20 دقيقة وعشان كذا مافيه احسن من الاجهزة المتخصصة مثل النوفي و غيرها

[فلر]

بن صادق

كل الشكر لك يالغالي
-------

الشاطر سويتها ولا في فايدة

----------

مرحبا بالجميع

رحت اليوم استلم الجهاز وبعد طلعت الروح قالو هذا جهازك مافي شي واستلمتها
ولما وصلت البيت جيت اشغلها والا الجبيب يبي انترنت !!!! وفصلته وقلت ماعندي وبعدها صار اصمخ يعني مايشتغل الا عن طريق النت .

حاولت فيه ولا اهو حولي واعلنت افلاسي من التلفون

الجماعة يقولون الخرائط فري والجهاز ما يشبك الا على النت !!!!

وسؤالي للنشاما : هل الخرائط بدون خط تلفون شغال والا لازم يكون شابك نت ؟؟

والنية اني ابي ابيعة وافك عمري من الشركة وطالايبها ؟؟؟

وشرايكم ؟

والله البيعه هذا شيئ راجع لك وضروفك
اما من ناحيه سؤالك عن الخرائط فانها بدون نت بس يمكن اول ماتشغل الخريطه تجيك رساله منovi عشان المسؤلات القانونيه ترد بموافق وانت مغمض وبعدها تمشي امورك تمام وتشتغل الخريطه
ويجيك ايضا خيار النت ضع غير موافق وبعدها ما عليك ان شاء الله خلاف

[العابر2]

ng_fm (http://www.mekshat.com/vb/member.php?u=134895) http://www.mekshat.com/vb/images/statusicon/user_offline.gif
مكشاتي
اخوي السلام عليكم ورحمة الله وبركاته انا عندى نفس المشكله وحليتها اول شى تروح لضبط بعدين الضبط بعدين عام راح يجيك خيارت أنزل راح يطلعلك تحديد الموقع افتح طرق تحديد الموقع علم على معتمد على الشبكه بعدين تطلع ونزل على مركز خدمة تحديد الموقع وشغل الالى راح يشبك على الشبكة بعدين اذا شبك ارجع على معتمد على الشبكه وشل العلامه وبعدين تروح مركز خدمة تحديد الموقع الالى وتسويله تعطيل وراح يشتغل معك انشألله.

[khandarees]

مرحبا بالجميع

هذى اول مشاركة رغم اني صديق لهذا المنتدى ولكن حبي للقراءة كانت افضل من المشاركة ولكن المشكلة بدأت عندما قرأت عن تلفون نوكيا 6710 وبالتحديد اخوي العزيز خندريس الكويت عندما اشاد بهذا الجهاز .

اشتريت الجهاز قبل العيد بيومين واشتغلت الخريطة مرة وحدة فقط لاغير و وديتها للشركة آي 2 وقالو مافي شي الخرائط موجودة واخذة واطلع خارج الشركة مشكلته بس يبي اشارة ( لاتوجد اشارة ) وطلعت خارج الشركة وقعد نص ساعة اقلب الجهاز لين ضاق صدري ودورت احد يعرف له بالمحلات وطلع محد يعرف عنه شي ويوقول جديد .
ابى حل يانشاما الخرائط ماتشتغل لما اقولة اين موضعي يقول لا توجد اشارة رغم اني قاعد بالشارع والشمس على راسي يا ان الجهاز مايسوى او انا ماعرف له لاتوجد اشارة وللعلم تعبثت فيه لين لعنت ابو اصلة ولا اكو فايدة
واللى ابية منكم شنو اسوي علشان الاشارة توصل للجهاز تراني عليمي ولا اعرف شي او انكم تدزوني على محل بالكويت خبير بالسوالف هذى وانا على استعداد اروح له والا بدور خندريس اللى وهقني وخلاني اشتري الجهاز علشان يسويه هاهاهاهاهاها .
تكفون فزعتكم يا اهل الفزعة

أخي الكريم . . .
اولا : انا مالي مصلحة لا في نوكيا ولا غيرها . . .
ثانيا : عندما نصحت بجهاز 6710 فالسبب انني استعمله من اول رمضان وحتى يومنا هذا والامور كلها ممتازة معاي , لا وازيدك من الشعر بيت بأنني ركبت عليه قارمن الجوال وبرنامج Sygic Mobile 2009 v7.72 للملاحة والكثير من البرامج الاخرى وووو الخ ولم اواجه ما ذكرت برسالتك .
ثالثا : جهازك مكفول سنة على الاقل . . ليش ما توديه لهم ويضبطون لك اياه ؟
رابعا : في المستقل لا ولن أبدي رايا باي جهاز لكي لا يأتيني اللوم ! ! !
وأخيرا : الله يعينك واشكرك

[ng_fm]

تركي

الله يحييك كلامك صحيح

------------

ابو تمااااام

المشكلة اني ما عندي ثقافة بالاجهزة يعني عليمي

---------------
العابر

عزالله انك جبتها من الاخير كلامك 100%

--------
خندريس

أقلط وفالك الطيب

واذا مدحت شي لا تنسى تحط توقيك هذا الكلام يعبر عن رأي الكاتب ولا يمثل رأي الآخرين ( يعني لايبلشنا باجر احد الاعضاء )

والجهاز روعة اذا الله فكك من عيوب المصنع

بيض الله وجهك ياخندريس والله يرحم والدينك على النصيحة

-------------

مثل ماذكرو الاخوان طلع العيب بالسوفت وير او مثل ما يقولون الفلاش وطلع 100% شغال

بس ارجع واقول ان العيب ليس بالجهاز ولكن بالوكيل عندنا بالكويت I2 هذى الشركة ياجماعة ابعدوا عنها من تجربة شخصية لدرجة اني تهاوشت معاهم ولو الصراخ عليهم ماكان صلحتة وبعته من القهر

----------

مشكورين يالربع كلهم وبيض الله وجيهكم