المساعد الشخصي الرقمي

مشاهدة النسخة كاملة : الفزعه ياهل القصيم


q8ty
22/09/2009, 12:27 AM
السلام عليكم وكل عم وانتم بخير وعيدكم مبارك

اخواني انا رجال جاي من الكويت وحاليا بالرياض وجيت للسنيدي اللي بالرياض ومسكرين وابغي اعرف اللي في بريده هل هو فاتح ثالث العيد الاني مابغي اروح بكره ولا هم مسكرين وتعرفون الطريق بعيد والله لا يهينكم اللي من اهل المنطقه يبلغنا اذ بكره فاتح ثالث العيد وشكرأ لكم
ابو عبدالملك 2
22/09/2009, 12:45 AM
حياك الله اخوي كويتي

الله يحييك في الرياض وهذي فرصة نتعرف عليك وتشرف محلنا فياليت بكرة تتقهوى عندي بعد العشاء وهذي امنية اذا تتكرم علي فيها

وانا ساكن في الشفا حول السويدي اذا انت تعرف هالمناطق يمكن انك حولي راسلني علشان اوصف لك المكان

تقبل تحياتي وتقديري ... أبوعبدالملك
الضاحي
22/09/2009, 12:47 AM
حياك الله يا اخوي ويا مرحبا ويا مسهلا

انا في الرياض واذا اقدر اخدمك بشي فارجوك بلغني

والله اننا نتشرف بخدمة الرجال الطيبين وخاصة اخواننا من الخليج

اتمنى ان نتشرف بلقائك وخدمتك وبالنسبة للسنيدي ان شاء الله اتصل عليهم بكرة واشوف.

حياك ربي في بلدك يالغالي
كوفيا 1
22/09/2009, 12:50 AM
حياك الله بالقصيم يخوي،
بالنسبة للسنيدي أنا مريت اليوم من جنب المحل وكان فاتح، يعني أكيد فاتح بكرى إن شاء الله.
q8ty
22/09/2009, 12:53 AM
بيض الله وجيهكم يالربع ويشرفني اني اتعرف علي رجال مثلكم ولكن تعرفون الوقت وضيق الوقت وان شاء الله ان لقيت فرصه لي الشرف اني اجيكم واترف عليهم واتقهوي عندكم ولكن الوقت ضيق جدأ جدأ
أبوراشد
22/09/2009, 12:54 AM
بالنسبه للسنيدي في بريده 90% فاتح ثالث العيد
ولكن قبل تمشي بكرا اتصل عليهم الصباح وتأكد 063255555 وفرع الخبيب الفرع القديم 063253074
وإذا بغيت شي حاضرين والله يحييك وهذا جوالي 0555154131

,,,
q8ty
22/09/2009, 12:58 AM
اخوي ابو عد الملك انا ساكن في الجنادريه اللي عند الاستاذ عاد مدري انا قريب لك ولالا ولكن علي كل حال بيض الله وجهك وعزالله انكم ماقصرتو يالربع علي الردود السريعه
q8ty
22/09/2009, 01:00 AM
بيض الله وجهك يابوراشد وعزالله انك ماقصرت
الكايف 1
22/09/2009, 01:03 AM
وعليكم السلام ورحمة الله وبركاته :
كل عام وانتم بخيرومن العايدين وأهل الكويت كلهم بصحه وسعاده وبألف خير
حياك الله دامك بالرياض وبعد أذنك اخوي / ابو عبد الملك
ان كانك حول الدائري الشرقي تراي بحي السلي خلنا نسمر وانتعلل سوى ومعنا بأذن الله أخوي / ابوعبدالملك أو نروح لمه سوى وتبي تلقى الي يسرك من العلوم وتبي تلقى ان شاء الله من يعطيك الخبر وان بغيت نروح للقصيم سوى
بس اهم شي شرف محلاتنا
ابو عبدالملك 2
22/09/2009, 01:09 AM
والله يا اخوي المسافة بعيدة شي بسيط بس على الموتر ماهنا شي بعيد اذا انت فاضي سير علي انت والكايف1 وترى هذا يشرفني والمسافة تقريبا بيني وبينك حول 45 كيلو ماهنا بعد

وانا ابنتظر منك رد انت واخوي الكايف 1 وهو اللي بيجيبك
q8ty
22/09/2009, 01:10 AM
بيض الله وجهك يالكايف وعزالله كفيت ووفيت وماهي غريبه عليكم الكرم وانتم بالاساس اهل الكرم وانا اتشرف بالخوه اللي مثلك وشرواك يالغالي
q8ty
22/09/2009, 01:12 AM
يالربع اسمحولي ترا ماقدر ارسل رسايل خاصه الان عدد مشراكتي قليل وشكرا لك من قامبالرد وان شاء الله الكل يستفيد من هذا الموضوع ودمتم سالمين
الضاحي
22/09/2009, 01:20 AM
اشوفكم نسيتوني يا ابوعبدالملك 2 انت والكايف ؟؟؟؟ :mad:

مهوب على كيفكم !!!!! :mad: :mad: :mad:

انت وهو وهو كلكم ان شاء الله عندي بكرة ان بغيتوا فطور والا غدا والا عشاء

قولوا تم ......
ابو عبدالملك 2
22/09/2009, 01:24 AM
اخوي الضاحي الله يحييك

انت بس قضبنا الرجال نبي نمسك منه وعد المشكلة بينا وبينه الكمبيوتر لوه الوجه بالوجه ماخليناه بس ماش والواحد مايعرف ظروف الرجال والا نحلف عليه

وانت اول واحد وعلى العين والراس الله يحييكم سوى عندي
خلاوي3
22/09/2009, 01:28 AM
تممممممممممممممممممممممممممممممممممممممممممممممممم ممممم
الضاحي
22/09/2009, 01:29 AM
ان ماقلطتوا عندي

ترى ابعلم واحد في شرطة خنشليلة (وكيل عريف) :good:

ترى يجرجركم غصب :j

وقد اعذر من انذر يا ابوعبدالملك :o

لا تزعل مني بس لازم استخدم الواسطات القوية اللي اعرفها :D
ابو عبدالملك 2
22/09/2009, 01:32 AM
اخوي الضاحي المشكلة مهيب عندي والا عندك انت قضبنا الرجال خله يوافق
الضاحي
22/09/2009, 01:33 AM
تممممممممممممممممممممممممممممممممممممممممممممممممم ممممم




كفووووووووووووووو

حياك ربي يا خلاوي 3
q8ty
22/09/2009, 06:34 AM
السلام عليكم وبيض الله وجيهكم جميعأ وعساكم علي القوة واقسم بالله مايلحقني فيكم شك وكافي كلامكم الطيب وكرمكم الطيب ولكن يالربع انا مرتبط مع ناس ووالله كافي مشاركتكم الطيبه وان شاء الله الجايه الثنيه ابجيكم واحد واحد وبسير عليكم وبسمر معكم واقسم بالل احرجتوني بكرمكم وهذا الشي ماهو غريب عليكم وشاكر لكم علي المشاركات الطيبه والف شكر للمنتدي الاكثر من ممتاز
الكايف 1
22/09/2009, 06:51 AM
السلام عليكم ورحمة الله وبركاته :
اخواني الأعزاء / أبو عبد الملك والضاحي
كل عام وأنتم بخير
الضيف فرط منا لكن الله يجيبه هو أوغيره بيض الله وجيهكم
الله يجمعنا وأياكم ووالديكم بجنات النعيم
وعسانا نتقابل ان شاء الله بوقت قريب
ونتعرف على بعض لأن معرفتكم تنشرى بغالي الاثمان
الله يوفقكم ويبارك فيكم
ابو عبدالملك 2
22/09/2009, 05:10 PM
حياك الله اخوي كويتي وصراحة ودنا فيك نسمر سوى ونتعرف عليك بس يقول المثل اكرام

النفس هواها وماندري وش ظروفك والا انكان حلفنا عليك ماتروح الا مسير علينا بس تقديرا

لظروفك خليناك على راحتك


واشكر اخواني الكايف والضاحي على كرمهم ومنافستهم لي ولكن الجايات اكثر من الرايحات

وان شاء الله نتعرف عليكم في وقت ثاني



تقبلوا تحياتي واحترامي
q8ty
22/09/2009, 06:24 PM
السلام عليكم يالربع وبيض الله وجيهكم وابشركم انا رحت للسنيدي اللي في بريده صحيح اني ضيعت حول 3 ساعات من الساعه 7 ووصلت الساعه 10 وضعت ساعتين وجيته قبل لا ياذن الظهر ولكن الحمدالله تقضيت وخلصت ولونه غالي يكسر الظهر بس فيه شغلات غصب الرجال يرخي فلوسه هههههههه وابشركم انا الحين بحفر الباطن ونهيت الرحله في كشته وسكنت جنبه والنوووم ثم النوووم وبكره ا شاء الله رايح للكويت وبيض الله وجيهكم يالربع وعزالله انكم اهل فزعه
ابو عبدالملك 2
22/09/2009, 07:06 PM
السلام عليكم يالربع وبيض الله وجيهكم وابشركم انا رحت للسنيدي اللي في بريده صحيح اني ضيعت حول 3 ساعات من الساعه 7 ووصلت الساعه 10 وضعت ساعتين وجيته قبل لا ياذن الظهر ولكن الحمدالله تقضيت وخلصت ولونه غالي يكسر الظهر بس فيه شغلات غصب الرجال يرخي فلوسه هههههههه وابشركم انا الحين بحفر الباطن ونهيت الرحله في كشته وسكنت جنبه والنوووم ثم النوووم وبكره ا شاء الله رايح للكويت وبيض الله وجيهكم يالربع وعزالله انكم اهل فزعه


حياك الله اخوي كويتي

الحمدلله على سلامتك والحمدلله على انك قظيت حاجتك من السنيدي والحمدلله على انك وصلت حفر الباطن وإن شاء الله تاصل اهلك في الكويت بالسلامة

تقبل تحياتي وتقديري
عاشق الفرعه
22/09/2009, 07:29 PM
فاتح توكل وتعال