مشاهدة النسخة كاملة : أفضل محل لتصليح المحولات الكهربائيه أخوكم بري
اخوكم بري
22/09/2009, 06:23 AM
السلام عليكم
كل عام وانتم بخير وأسئل الله أن يعده علينا وعليكم بالصحه والعافيه 000
عندي محول كهرب من نوع يوكوهاما فشلني الله يفشله عند الشباب
أبي أصلحه عشان أكرفه مضبوط عشان مايعودها 0000 لاعدمتكم
اخوكم بري
22/09/2009, 06:33 AM
تكفون بسرعه الله لايهينكم
الكايف 1
22/09/2009, 07:01 AM
وعليكم السلام ورحمة الله وبركاته :
كل عام وانتم بخير ومن العايدين
ماعش الي يفشلك
بس الي عندك محول من السياره والا ماطور (مولد ) كهرب ليتك توضح وتحط صورته وابشر بالردود الي تسرك
اخوكم بري
22/09/2009, 07:38 AM
شرفني مرورك على موضوعي
المحول من السيارة يعطي 600ى واط
المشكله ما أعرف أنزل الصوره والله مشكله من جد بس لو أعرف
احساس الصمت
22/09/2009, 10:58 PM
وعليكم السلام ورحمة الله وبركاته
وأنت بألف خير وصحه وسلامه
أخوي العزيز إذا أنت من أهل الرياض فيه ورشه اسمها (الجردان)
خلف وكالة الطمره لثلاجات السيارات(ويكو)من جهة الغرب على شارع الغرابي
فيها مهندس باكستاني محترف بهالشغلات صلحت عنده محولين واخوي أيضاَ صلح عنده محول
إذا وصلت هناك حول الطمره اسأل أي واحد من عمال المحلات اللي خلف الطمره
يدلونك عليه لأنه مشهور عندهم
ارجوا ان يكون الوصف واضح
سطام vip
23/09/2009, 06:02 AM
بسم الله الرحمن الرحيم
السلام عليكم ورحمة الله وبركاته
ما عاش الي يفشلك اخوي وليتك قلت لنا وش نوع المشكله
ترا اصلاحها بسيط وانا اخوك وشوف هالرابط لموضوع قديم لي ان شاء الله بيفيدك
واهو يتكلم عن محول يوكوهاما نفس الي عندك
واي استفسار ابشر وانا اخوك
الرابط الاول لطريقه الاصلاح
http://www.mekshat.com/vb/showthread.php?t=175735
وهالرابط طريقه تحويل اسلاكه من الولاعه للبطاريه احسن واقوى
http://www.mekshat.com/vb/showthread.php?t=175865
وهذا موضوع لمعرفه الاجهزه التي تعمل على الجهاز
http://www.mekshat.com/vb/showthread.php?t=175961
وان شاء الله اني افدتك وترا قوته وانا اخوك 300 وات وليس 600وات
يعني يعطي 600 في اول قومه للجهاز للاجهزه الي تحتاج لطاقه كبيره لتعمل
مثل المكيف اول ما يقوم او يشتغل يحتاج لقوه اكبر بعد ما يشتغل
يقل سحبه للكهرباء
ان شاء الله اني افدتك وياليت تعلمنا وش صار معك
وبالتوفيق لك
اخوك سطام vip
اخوكم بري
23/09/2009, 06:21 AM
أخواني الاعزاء أحساس صمت +سطام vip بيض الله وجيهكم وشرفني مروركم العطر على موضوعي وأنشاء الله اقولكم وش صار معي
رعد الصحراء
24/09/2009, 01:32 AM
وعليكم السلام ورحمة الله وبركاته
وكل عام وانت بخير
أخي الكريم قبل كم يوم حدث معاي عطل للمحول وانا طالع للبر
يقولون الحاجه ام الاختراع
المحول مسوي له تمديد مخفي تحت المقعد للسياره
نزلت المحول وشيكت على الفيوزات الموجوده فيه وكانت سليمه
شيكت على الكهرباء الموصوله من السياره للمحول وكانت سليمه
تم ايصال الكهرباء عن طريق البطاريه (دايركت) وقمت بتشغيل المحول لكن دون جدوى
وعندها طرأ علي أن أقوم بتحريك المروحه الموجوده بالمحول إما عن طريق مفتاح صغير أو باليد (تدويرالمروحه ذاتيا) وعند تدوير المروحه بالمفتاح الصغير اشتغل الجهاز ولله الحمد ومنها إلى هذه الحظه والمحول شغال وعال العال .ماشاء الله تبارك الله
أتمنى من كل شخص يقرأه هذا الرد أن يستفيد من هذه التجربه
أتمنى إن المعلومه وصلت للجميع
’’تـقبل مروري’’
اخوكم بري
24/09/2009, 12:55 PM
لا عدمتك وبيض الله وجهك والف شكر على مرورك العطر
اقرب محل تصليح تلفزيونات
بس بعد التجربه لرعد الصحراء
اخوكم بري
25/09/2009, 03:29 AM
اشكر كل من شرفني بمروره وأقتراحه
بس الصراحه صلحة المحول على طريقة الاخ سطام وببلاش والمحول ميه ميه لاعدمتكم جميعا
سطام vip
26/09/2009, 12:57 AM
اشكر كل من شرفني بمروره وأقتراحه
بس الصراحه صلحة المحول على طريقة الاخ سطام وببلاش والمحول ميه ميه لاعدمتكم جميعا
العفووو اخوي بري
والحمد لله والشكر ان الموضوع افادك والله اني اسعد بهالاخبار ومساعدة اخواني
والله يعطيك خيره ويكفيك شره وان شاء الله ما تنساني في دعواتك
والله يوفق الجميع
ودمت بحفظ المولى
اخوك سطام vip
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir