توضيح لابو وضحه

[المهاجرالهذلي]

السلام عليكم


اخوي الله يرضى عليك لا توهق الناس يا تتأكدون من مواضيعكم والا لا تكتبون مواضيع توهقون الناس فيها


انا مكلم البخاري بنفسي وقال المزاد خلص ما عاد فيه مزاد وانت تقول انه الاسبوع الجاي اخر موعد للمزاد


من فيكم يحمل كلام الثاني ... اما تخلون الناس يظربون مشاوير وتاليتها ما فيها مزاد


تأكد من الموضوع قبل لا يتعبون الناس


ولا تزعل مني لكن هذا الي حصل وما ودي الناس يتعبون وتسير بينك وبينه مشادات انت فعلت خير والله يجزاك خير لكن تأكد من الموضوع


اخوي الغالي


في البدايه كل عام وانت بخير ومنتدى مكشات الغالي اعضاء ومشرفين وزوار


ومن العايدين انشاء الله


بالنسبه ياغالي انا ما اكتب شئ الا وانا متاكد من صاحب الشئ قبل انزله لان المصداقيه هي شعاري وشعار الموقع الغالي منتدى مكشات وبالنسبه لموعد المزاد الاخير


انا كلمت البخاري وكان معي الاخ السفياني هو مشارك هنا بالموقع


وقال في سوريات وفي طيور مشكله جايه


ويوم جيت الخميس لقيت الاستراحه مقفله ويوم دقيت عليه قلي ان اهل الصقور صار بينهم اشكاليه ومعه


وحتى انا ما اعطانى خبر عن اللي صار لان تعالمي انا وياه في النت اني انزل تقارير عن المزاد فقط


وبالنسبه للبخاري وانا اخوك


هو لا حاسبني ولا حاسب راعي الاستراحه فا اقل شئ تتوقعه يسوى اكثر من كذا


واشكر لك اهتمامك واعتذر عن تاخيري بالرد


وما دخلت النت من رمضان اوقات بسيطه بس


واكرر شكري لك


وللموقع المتميز اللي تشرفت يوم انضميت له


واتمنى للجميع التوفيق


وتقبل تحياتي


اخوك


المهاجر الهذلي

[@قرناص@]

ماصار الا الخير ،،

والله يعوضك بالجايات ان شاء الله ،،

والتآكيد واجب وشكرآ

[أخو وضحة]

حياك الله

سالم وغانم

وانا يوم كتبت هل الكلام حبيت اني اتأكد لأني مكلم عبد الله بنفسي وقال انه مافيه مزاد وانت كاتب انه فيه مزاد

وما حبيت اني الناس تتعب على الفاضي ويصير بينك وبينهم كشاكل

وهذا علمي وسلامتك

واشكرك على تجاوبك للموضوع

[@السيف@]

يااخوان ما حصل الا كل خير بس ونا اخوك يا اخو وضحه كلامك يجرح كل واحد وكان الافضل تقول يا اخوان ترا المزاد تاجل وبس وتنتهي المشكله بدون ما تجرح اخونا المهاجر واتمني اني ما جرحتك فقط للتوضيح والله يبارك فيك

[مشبر البران]

مشكور وما قصرت

[اعقاب]

كما عهدناكم يا أهل مكشات
متفاهمين وكلكم يتقبل من الثاني
اشكركم