سؤال عن الخيام [الأرشيف]

مشاهدة النسخة كاملة : سؤال عن الخيام

4x4ofroad

23/09/2009, 01:53 PM

دغيم1

23/09/2009, 02:25 PM

السلام عليكم ورحمة الله وبركاته
ياشباب ابي استفسر منكم عن خيام الرحلات وش افضلها من ناحيه السعر والجوده اكثر الشباب يقولون البيرق وناس قالو التيربو واللي يقول التنهات ومادريت
بس السؤال وين القى التيربو لاني ماشفتها على الطبيعه وكم سعرها وش رايكم فيها
ثاني شي ابي اسئل عن المضله اللي تثبت بسله السياره فوق وتنلف كنها رواق وين القاها وكم سعرها
طبعا انا من سكان الشرقيه واذا لزم الامر رحت الرياض
ارجو الافاده

وعليكم السلام ورحمة الله وبركاته
حياك الله أخوي
بالنسبة للخيام هي حسب الطلب والإقتناع
وتجد أكثر الخيام شعبية لدى محلات الرحلات الكبيرة
الرياض
برق الحيا ، المروج ، رحلتي
القصيم
السنيدي
والروابط التالية تفيدك عن ذلك
تقبل تحياتي

خيمة المكشاتية الجديدة التي غزت السوق ورأيي بها...................من (أبو مها) (http://www.mekshat.com/vb/showthread.php?t=180440)

مظلة الطرقية .. ( في الصيف او الشتاء ) تصلح للكشّاتة كلهم ... تقرير من سرهيد (http://www.mekshat.com/vb/showthread.php?t=208508)

خيام التربو ....صور ومميزات (http://www.mekshat.com/vb/showthread.php?t=176858) ‏

طريقة بناء خيمة التربو توين .....مع الشكر الجزيل للأخ أبو مها (http://www.mekshat.com/vb/showthread.php?t=184827) ‏

لاتكب البيالة

23/09/2009, 05:09 PM

السلام عليكم
ان بغيت الخيمة اللي تجمع اكثر المميزات فلا تعدى توافق لكنه غالية بـ 1400 وحقه 900 لذا انصحك تفصل تفصيل

الاصلي

23/09/2009, 05:20 PM

اخوي خيمة البيرق من افضل الخيام الموجوده بالسوق
انصحك فيها

قف وناظر

24/09/2009, 12:22 AM

السلام عليكم
اخوي في خيام تجي تركيبه يعني بمواصير من الداخل لكنها حلووة مرة وانا ان شاء الله ناوي افصل وحدة اللي تسمى خيام جحش على شكل هرمي تجدها عند محل اسمه الكشاته وشغلهم حلو بس مغلينها شوي بمخرج 15 مقابل مقبرة النسيم تقريبا وسعر التفصيل 1700 والجاهز 1600 تقريبا وفيه وحدة كان بتغاها قماش تنزاني ابيض مقاس 3*4 عند محل اسمه ركن الديوان قبل محل الكشاته مخرج 15 على الخدمة وانت رايح شرق الخيمة جاهزة ويبون يصرفونها انا مريته قبل العيد لكن انا عاجبني شغل الكشاته مع انهم غالين بس المواصفات اللي ابيها قماش تنزاني بني او ابيض والسدو اللي ابغاه اخضر او احمر او اصفر وهو الافضل
واااااااسف جدا على الاطالة

الزين عندي

24/09/2009, 01:05 AM

عليكم السلام ورحمة الله وبركاتة اتفضل اخوي هذا الرابط و انشاء الله يكون فية فئدة
http://www.travelmate.com.sa/ والموقع الدمام

-MOHAMMAD-

24/09/2009, 02:37 AM

انا مثلك بس اخوي كم تبي مساحتها صغيره كبيره كم عدد الاشخاص؟

عشان احدد لك شئ جيد

انا كنت ابي خيمة صغير الى متوسطة للعائلة ولأخوياي عدد 3-9 اشخاص
وبحثت ودورت واستغربت من الاسعار الموجوده صراحة طمع وجشع التجار
الين ما لقيت خيمة رائعة جدا جدا جدا حجمها ممتاز ثلاث طبقات

الطبقة الاولى قماش الخيمة العادية
الطبقة الثانية لمنع دخول الماء
الطبقة الثالثة قماش ((البطانة))

مساحتها 3*3 اسمها خيمة التميمي لهم محل على طريق الملك فهد ولهم محل في الغرابي (اللي شريت منه خيمتي) وحجمها اكبر من السليب باق محطوطها في كيسة والاعمده والاطناب في كيس اعمد تتفكك

عيوبها :

لم اجد عيب يستاهل ان يكون عيب مؤثر فهي ممتازه الى الان وطلعت فيها حوالي 6 طلعات مرتين كانت حجمها صغير للعدد اللي كان موجود

سعرها مقارنة بغيرها وجودتها ممتاز جدا جدا 650 ريال

-MOHAMMAD-

24/09/2009, 02:40 AM

http://www.mekshat.com/pix/upload02/images61/mk38640_1.jpg

الصورة اخذتها من احد المشاركات

http://www.mekshat.com/pix/upload02/images61/mk38640_6.jpg
وهذي صورتها وهي مسفطه

والله انه ليس لي اي مصلحة البته ولاكن استغرب من اكثر محلات الخيام في غلاء اسعارهم على الفاضي معنه نص مصانعهم صينية وحتى لو كانت مصنوعة في المريخ ما تسوى كلا قماش وحديد ونعرف اسعار الاقمشة من قبل ما نعرف الانترنت اجل خيمة 4*4 1500 وين حصلت هذي

صقرحايل

24/09/2009, 04:24 AM

مشكور اخى محمد على التوضيح وشكر

ترهيم

24/09/2009, 04:35 AM

السلام عليكم

اخي الكريم .. فيه الكثير من الخيام ..

خيمة التيربو .. بيني وبينك ماشوف انها مناسبه لفصل الشتاء انا عن نفسي لم اجربها جربت شبيهات لها بس شفتها قريبه منهم وزي البلاستك (( ارجو من الي جربها في فصل الشتاء يعطينا خبر ))

فيه خيمه عند السنيدي مادري وش اسمها شكلها نصف برميل لاتقربها نصيحة مجرب ..

خيمة البيرق الي جربوها قالو فيها مناطق تخر المويه منها ومنهم الاخ الفاضل ابو عبدالله سرهيد وقد اخبر صاحب المحل بذالك ولا نعلم هل قامو بتعديل عليها ام لاء . يميزها وجود ارضيه تقي من الماء .. ويعيبها وجود عامود في الوسط . سهلة الحمل

خيمة التميمي انا جربتها 3*3 خيمه ممتازه جداُ هي من ادفاء الخيام الموجوده . ماتخر الماء اما مجربها في الشتاء حلوه سرقت مني قبل سنه وعلى طول رحت اشرتيت اختها .
عيوبها وجود عامود من النص فيها نوع اكبر منها عند التميمي ماجربته بس يقول مثلها طبعاُ خيمة التميمي مثل الصوره الي رفعها لنا الاخ محمد لها باب وتقدر تفك جهه كامله . وكذالك لاتوجد لها ارضيه وسهلة الحمل .

ارجو اني اكون قد اضفت افاده . واعتذر ان كان هناك خطاء .

رعد الصحراء

24/09/2009, 11:32 AM

البيرق ما أنصحك فيها من تجربه
أنواع الاصوات والازعاج ولا تنفع بالبرد وأرضيتها مزعجه
نصيحتي لك من خلال ردود الاخوان شف خيمة التميمي وشاهدها بعينك
’’تـقبل مروري’’

راعي بيشة

24/09/2009, 03:05 PM

طيب وتوافق هل تخر موية وماذا عن الأزعاج

لا تستعجل أخي العزيز يمكن البيرق طيبة موضوع الموية ممكن تحط لها البلاستيك الأزرق وتنتهي المشكلة

ترهيم

24/09/2009, 07:31 PM

طيب وتوافق هل تخر موية وماذا عن الأزعاج

لا تستعجل أخي العزيز يمكن البيرق طيبة موضوع الموية ممكن تحط لها البلاستيك الأزرق وتنتهي المشكلة

اخي الكريم راعي بيشه ..
بنسبه للبيرق اخوي ابو عبدالله ذكر انه فيها اماكن يتسرب منها الماء انا عن نفسي ماجربتها .. اما البلاستيك الازرق الاخوان ماهم محدودين عليه دامهم ماشرو خيمه وتراه غثي وازعاج المشمع الازرق واربط ولاتربط ولاتقدر لو تحط ماطور بجنبك اهدى من ازعاجه :)

لاتكب البيالة

24/09/2009, 09:28 PM

السلام عليكم
انا اشوف كثير من الناس يمدح البيرق لكن اقول صراحة اللي يقول البيرق افضل شي هذا ما جرب غيره
البيرق مزعجة بالهواء وترج ويدخل الماء وهذا غير مقبول لانه اذا دخلة نقطة ابلش وشلون تطلعه وايضا ليست وذفة عند التسفيط خاصة 4*4 او 5*5 ويالله يشقله 2 اما 3*3 فاتوقع اللي ياخذ هالمقاس من اي نوع وبوسطه عامود فهو غلطان
ايضا غالي سعره البيرق
لذا الافضل بلامنازع توافق او ما يشابهه حمارة كرمكم الله او السنام وما الى ذلك والمشكلة الان كثير من الناس ما يبي شي به اطناب ولو على حساب المساحة والثقل مثلا اللي ياخذ اللي حديدة يركب هذي نفس شكل توافق واذا اخذت توافق ابطق 6 اطناب واختصر نصف الحديد

4x4ofroad

25/09/2009, 02:40 AM

الله يجزاكم خير اخواني
والله ردودكم تبرد القلب
والظاهر المناقصه بترسى على التميمي او توافق
انا احتاجها ل6 اشخاص بالكثير
ويهمني حجمها بعد التسفيط وارتفاعها عند النصب
واعتقد افضل مقاس لي 3 * 4 او 3.5 * 3.5
اخوي لا تكب البياله ماقدرت ارد على الخاص لقلة عدد مشاركاتي لاكن اللي عرضتها على تجي على سلة الشيروكي؟
تشكرات ياشباب

ترهيم

25/09/2009, 03:33 AM

اخي الكريم بحاول اصورلك خيمة التميمي وهي مثل الي في الصوره اعلاه لها جرابين واحد للاعمده وواحد لطربال .

اخي لاتكب البياله ياليت تصورنا خيمة (( توافق )) هو اسمها كذا ؟؟ واين تباع وكم سعرها .
لان سعر التميمي 600 ريال إلى 650 وفيه نوع من التيمي اكبر من 3*3 وانا مثل ماقلت فيها عامود مع الوسط وهذا عيبها وقت الاكل يضايقك العامود ولا باقي الاوقات عادي بلعكس نعلق عليه اغراضنا .

-MOHAMMAD-

25/09/2009, 05:30 AM

صدقو الاخوان نسيت عيب فيها العامود اللي في النص يضايق بعض الشئ لاكن لو كان 4*4 كان ما تصبح مشكلة مثل 3*3

الله يكتب لك اللي فيه الخير

لاتكب البيالة

25/09/2009, 05:36 AM

اخوي ترهيم والاخوان هذي توافق
http://www.mekshat.com/vb/../pix/upload/images13/mk8008_190.jpg
طبعا تجي انواع 3* او 3*4 او 4*4
3*3 ب 1400 بدون بطانة ومع بطانة ب 1800
3*4 ب 1600 بدون بطانة طبعا البطانة لاكثر الخيام خفيفة وللشكل فقط ولنا اعتبره تشويه للشكل لانه توسخ واذا جاه ماء تبقع وتثقل الخيمة
وتوافق غالية وممكن يفصل مثله تفصيل

سرهيد

26/09/2009, 03:16 AM

السلام عليكم
ما يجعلك تفضل خيمة على خيمة هو مميزاتها

انا اشوف البيرق خيمة رائعة وخاصة سهولة تركيبها
ثباته مع الهواء
عدم دخول الماء من الارضية
دافية
شرحة وواسعه وخاصة 4*4 او 4.5*4.5

لكن ما رأيت فيه عيب الا ان الماء يدخل مع الأبواب وهذا رأيته بنفسي وقمت بحله بوضع شراع ازرق بلاستيكي بطريقة معينه منع دخول المطر

واتمنى ان يتم تعديل هذا العيب من قبل المورد والذي سبقت وتحدثت معه في الامر .

تقبل احترامي