نريد حلول لصدام الشاص التايوتا من 2007 وفوق؟ [الأرشيف]

ستار سات

23/09/2009, 02:27 PM

السلام عليكم ورحمة الله وبركاته ..... أيها الإخوة الكرام ..تعلمون أن صدام الشاص التايوتا صار بلاستيك ... ونحن بحاجة بدائل مناسبة لهذا الصدام وتكون من الحديد...فآمل منكم ذكر اقتراحاتكم بهذا الصدد ...... ودمتم سالمين .

ساري 111

23/09/2009, 02:41 PM

صحيح انه بلاستك بس قوي شوي يعني ماعليك
الامر الثاني ترى الموتر رفيع بالحيل يعني الجروف والجفر نم همه

واذا انت ملزم غيره بالصدمات الاستراليه اللي تجيك مكمله ومعه ونش

ابوطاقية

23/09/2009, 05:59 PM

مثل ماقال الاخ ساري
مالك الا الصدام الاسترالي بس ترى غالي

صورة الصدام
http://www.caradvice.com.au/wp-content/uploads/2008/07/landcruiser080317b306lr.thumbnail.jpg

لاتكب البيالة

23/09/2009, 06:35 PM

السلام عليكم
اتوقع والله العالم ان الصدام ليس ذالك التعقيد فيه وومكن يصلح هنا وممكن ايضا يلصح بكميات وبشكل تجاري يحضر له قوالب ويصنع من الستيل او الحديد لكن يبيله احد التجار

ahmad995

23/09/2009, 07:28 PM

ماحد اشتكى منه ابد
والموتر رفيع والبلاستك قوي

لن أمل من العطاء

23/09/2009, 07:29 PM

اعتقد انه غطاء بلاسستيك فقط

ومن الداخل هناك لابد من وجود الحديد

اقصد انه من الداخل مثل الصدام من مودبلات 2006 وتحت
ومغطى بالبلاستيك

صحيح

23/09/2009, 07:38 PM

والله ان عندي الهايلكس رفعت الوجه عشان انواع الحك من عند الصدام حتى وهو مرفع بس الحديد افضل .
صحيح.

غالي

23/09/2009, 07:45 PM

وراء بيتي شاص 2007 وفوق

ماشاء الله مركب له صدام حديد مع ونش

الصراحه ماتأثر شكله واجد وطالع رزه الله لايضره

واتوقع انه استرالي او هو مفصله الله اعلم

ولولا الخجل او انه يجوز اني اصور موتره واحطه هنا كان سويتها

بس اتوقع لازم موافقة راعي الحلال وانا يعلم الله ماعمري كلمته ولالي علاقه فيه

لكن ابشوف الايام ان صار بيننا كلام ان شاء الله بالخير خذيت منه الاذن

قف وناظر

24/09/2009, 01:12 AM

مثل ماقالوا الاخوان صدام استرالي ورشه نفس اللون رشة فرن عشان يطلع شكله حلو اوركب دعامة والمسألة مومستاهله تضيق صدرك وصدام الشاص اصلا حلو حتى وهو بلاستيك اصلا الشاص كله حلو والي يشترونه حلوين

sa3d

24/09/2009, 02:12 AM

شكرا لصاحب الموضوع وانا الصراحه معاي 2009 وودي اغيره بحديد
وياليت اخوي غالي يفيدنا من جاره الي مغير صدامه ....

غالي

24/09/2009, 03:08 AM

شكرا لصاحب الموضوع وانا الصراحه معاي 2009 وودي اغيره بحديد

وياليت اخوي غالي يفيدنا من جاره الي مغير صدامه ....

اقسم بالله ودي

بس تخيل اصوره ويطلع والا واحد من الجيران يشوفني ويقوله من جد فشله :(

والصراحه اشك في تحليلها الظاهر والله اعلم لازم موافقة راعي الحلال

الي يعرف فتوى يقولي ممكن تحصل لي فرصه واصوره واشيل لوحاته واذكر الله على الصوره طبعا

والا ان كتب الله بيني وبينه كلام ابشروا يمين بالله لأستاذنه واحطها لكم

ستار سات

24/09/2009, 04:32 AM

شكرا لكل الإخوة الذين أدلوا بدلوهم ... والموضوع لم يصل إلى( ضيق الصدر) ولله الحمد.... ولكن الهدف من طرح الموضوع هو إزالة (العيب) الذي يراه (بعض) إخوتنا ممن يفضلون الشاص2006 وأقدم ... على2007 وأحدث , ليقتنوا الموديل الجديد وهم مقتنعون وراضون, وتعم الفائدة ..... والله من وراء القصد .

راعي جيوب

24/09/2009, 05:49 AM

أنا أشوف أن الشكل الجديد صار دارج عند الناس وهضمت شكله وفي نفس الوقت تراه قوي بالحيل ما فسيه مقارنه بينه وبين صدام الهايلكس حق الهايلكس ضعيف مره . والله أعلم

قطب 999

24/09/2009, 12:09 PM

خللك على صدامك البلاستيك واذا جاه شي او انكسر غيره وال ار بي يسوون صدامات

القناص4800

25/09/2009, 04:25 AM

انا ابقول للي كل ما نزلت سيارة بدو يطلعون فيها مليون عذروب

ان هالشركات ما ينزلون شي الا بعد دراسات وبحوث

وبعدين الصدام كل ما صار خفيف كل ما صار أأمن لأن الماده اللي يصنعون منها الصدامات اذا الواحد صدم لا سمح الله تصير مثل المطاط

وبعدين انت تبي تدخل سيارات تصادم عشان تحط صدام حديد

ستار سات

25/09/2009, 07:35 AM

شمالات نجد

25/09/2009, 07:56 AM

شف صدامات شركة arb وأعتقد أن سعرها مقدور عليه بدون الونش

لكن مهما كان التفصيل بيكون أرخص

أو فكر بترهيم صدام الشكل القديم لأنه أنظر وأوجه

سلام

القناص4800

25/09/2009, 09:59 AM

الله يصلحك يالقناص ويهديك ..... أنا ما بغيت صدام الحديد اصدم به خلق الله وأنا بعمر ابوك ..... ابيه أدف به واحد مغرز(ما ينفع بتغريزته إلا الدف) ....أو أدف به ارطاة أو غضاة .... وغيرها كثير .

اخوي ستار سات :no2: لا تكون زعلت

وانا كتبت هالمشاركه من باب المزح

ابد ان بغيت تركب فولاذ ما حنا قايلين شي

ستار سات

04/10/2009, 04:36 PM

هلا بك يا القناص ....... كثير من ربعنا ودهم بشاص جديد... لكن ما ردهم إلا صدامه... فحبيت إننا نزيد الخيارت قدامهم... وهم يختارون اللي يناسبهم . شكرا لك ... ولكل الإخوان اللي أخذنا من وقتهم وجهدهم وشاركونا بالإقتراحات المفيدة والأفكار النيرة .

satam1389

04/10/2009, 05:02 PM

الله الله بالافكار الزينة

أسد الهيجا

04/10/2009, 05:10 PM

أنا معي جيب ربع 2007

ويشهد الله ماأشكي من الصدام بشي

أذكر مره قبل سنتين خارج من أحد الشوارع الفرعيه ويجيني واحد معه كابريس 2004

طاير مصفي طبلونه ويصفق فالصدام من جهة المعاون

يشهد الله كل اللي صار أن الوصله اليمنى تدلدلت بس وهو انبعج أم الكبوت عنده والوجه راح الله يخلف عليه

ورحت لسمكري رجع الوصله مثل ماكنت أول مااشتريته جديد وعانها من يومها ماصار ابها شي

أما الحلول فالصدام الإسترالي مشهور وجداً وقيمته أخبرها قبل سنتين 2000 ريال

عاشق السناف

04/10/2009, 05:23 PM

ثنين اعرفهم مركبين صدام 2006

والشكل تمام ويركب مضبوط

وبالنسبه للاسترالي بـ4000 ريال

اذا وصلت هالقيمه اركب صدام 2006 من الوكاله

KASHTAT

05/10/2009, 12:59 AM

تقدر تروح لحداد ماهر وتخلي الصدام عنده ويصمم مثله حديد وتصبغه بنفس لون الوكالة

ابوفهيدان

05/10/2009, 01:20 AM

مالك الا الاسترالي

nissan777

05/10/2009, 02:11 AM

السلام عليكم

ياخوك مالك الا الدعامية الاسترالية arb

وهذا الموقع http://www.arb.com.au/

بعيد الهقاوي9

05/10/2009, 03:59 AM

اتوقع انه حديد ملبس عشان كذا اشوف انه كويس والظاهر محد اذكى من اللي اصنعه

كساب الطيب

05/10/2009, 05:21 AM

يالربع طيب
وش رايك بالصدام اللي على الجيوب الربع الدوريات
والله اشوفه على جيوب الدوريه شكله قوي جدا وما يشوه الموتر
وانا بنظري انه هو الحل ............