مشكله في الشروكي 99

[نجم اسهيل]

السلام عليكم
كل عام وانتم بخير

ياشباب عندي شروكي99 في مشكله مو دايم تصير فيه بس كل ثلاث ايام او اربع تصير فيه مرتين او مره ومادري شنو المشكله


مشكلة الموتر هي :: اول ما اشغل السيارة تطفي على طول لزم تكون رجلي على البانزين لمدة دقيقه تقريبا بعدين تصير طبيعية ارجو من يعرف المشكله يساعدني

[نجم اسهيل]

Up<<<<<<<<<<<<<<<<<<<<<<<<<

[abc-00-abc]

و عليكم السلام و رحمة الله و بركاتة

ادخل على هذا الرابط و ان شاء الله تلقا حل لمشكلتك

http://www.mekshat.com/vb/showthread.php?t=140063

[القناص 3626]

وعليكم السلام
شيك على طرمبة البنزين

[سوبر VTC]

و عليكم السلام و رحمة الله

شف هالرد لمشكله صارت لاحد ربعي وكتبته هنا من اجل الفائده


(((للفائده)))

احد الربع معه شيروكي و جلس شهرين ما يشتغل موتره يدق سلف ثم يطفى

فيقوم بالدوس على البنص حتى يحتمي ثم يتفتف بس مايطفى :no2:

يعني ما يطفى الا اذ كان بارد

مر على ورش متخصصه بالشيروكي و كلهم عجزوا عن ايجاد المشكله :no::no:

لقى المشكله بنفسه بعد توفيق الله من حساس الهوا (الار بي ام البنص ) راكب عليه فيش 4اسلاك

فصل الفيش و لقى واحد منهن متوسع ضيقه بمفك صغير راس مدبب

ثم اشتغل من اول دقه سلف :good:

اشياء ما تطري على البال مثل هالافياش

هذه صورة الحساس
مكانه راكب على اللهاة شفه تحت ماصورة البخاخات ((طالع منه سلك اصفر)) من تحته
من وظائفه ايضا
اذا وصلت الاشارة (يوازن) بين سرعه المكينه و بين الهوا الداخل الى المكينه
عشان ما يطفى الموتر

http://www.mekshat.com/vb/../pix/upload01/prof004/mk53291_amb111.jpg



عندك ورش بالرياض متخصصه بالشيروكي
ابو ايوب بالصناعيه القديمه
ابو فهد الهاشل خف اسواق الغنم بالدائري الجنوبي
بريده عندك و رشة ابو تركي الفهيد
عنيزة عندك ورشة ابو علي الثويني مركز صحارى
ورشة المروى ابو ابراهيم الرشيد


تاكد من اي فيش فكه و ضيق سنونه بمفك
+
احيانا اذا خرب حساس المقنت للي راكب على سنون الحذاف
ما يشتغل الموتر نهائيا :no::no:
قيمته ب150 ريال بالتشاليح
و جديد ب320ريال
عموما هو قليل يخرب جدا
نقطه اخرى
احد الربع قبل 8سنوات كاشت جره من نفود البسيتينات حول ساموده و قبه
و شاله بسطحه الى بريده و بدوا الورش يتخرصون
يقولون الكمبيوتر خربان :no::no:
فصارت المشكله ان فيش حساس المقنت منفك :no:
اشبكه واشتغل الموتر :good::)
تاكد من جميع افياش اللهاة

اي شي سير على الرابطه :)
هنا

رابطة لملاك الشروكي (http://www.mekshat.com/vb/showthread.php?t=140063)


موفق