المساعد الشخصي الرقمي

مشاهدة النسخة كاملة : مشكلة في قير جمس 2003 وعداد البنزين


gm2009
24/09/2009, 01:50 AM
السلام عليكم
انا عندي مشكلة في قير السيارة جمس 2003 سوبربان المشكلة هي ونت ماشي لا جاء يعشق من النمرة الأولي الي الثانية تحن السيارة ويرتفع الضغط وبعدها يعشق وباقي النمر تمام التمام الحمد لله.
رحت لورشة وقالي كلتشات القير فيها فضاوه قالي نصيحه خلها الين يضرب القير مره وحده وبعدها مره وحده زينها .
وش رايكم في كلام الورشة وهل ممكن يكون حساس او شئ غير الكلتشات .
والمشكلة الثانية غيرت انا طرنبة بنزين وطبعا طرمبة الجمس تجي معه العوامه وبعد ما غيرتها صار يعطيك قراءة صحيحه وبعد شوي يزود مثلا الحين انا معبي فل ومشيت تقريبا 100 كيلو مفروض ان العداد يصير تقريبا في نص الربع الأول هو يجي في النص وشوي يروح فل :confused: تكون المشكلة من العوامية ؟
مع العلم قبل لا غير العوامه مع الطرنبة كان يلخبط العداد شوي بس بطريقه ثانيه
يثبت علي الفل لمي اعبي فل وبعد ما امشي تقريبا 200 كيلو تلاقيه نزل للقراءه الصحيحه هذي الحركة صارت مرات معدوده بس .
mtc_959
24/09/2009, 12:34 PM
عزيزي بخصوص القير

بعد مشوار معين
شم ريحة زيت القير (افتح الكبوت وشيك على معيار زيت القير)
اذا حصلت ريحه حرق او عطب او ريحة نتنه اعرف القير في مشكله ما
اما اذا مافيه ريحه القير مضبوط يمكن الاشكاليه من الكمبيوتر او حساس

وشرحك عن الطرنبه مافهمته وفيه مضوع كتبه اخونا سوبر فتك عن الحل للطرنبه وبرضو بصور
gm2009
24/09/2009, 07:10 PM
الطرنبة ما فيها مشكله انا خربت عندي وغيرتها وتعرف طرمبة الجمس تجي معها العوامه حقت عداد البنزين.
المشكله ان عداد البنزين احيانن يعطيني قراءة مضبوطه واحياننا لا
mtc_959
24/09/2009, 10:20 PM
شيك الفيش اللي يشبك في العوامه نضفه من داخل بفرشاة اسنان جديده واذا حصلت فرشاه حديد ناعمه احسن مع http://www.chemical-cleaners.com/catalog/images/foaming_electronics_cleaner.gifمنضف الادوات الكهربائيه تحصله في محلات الزينه مب شرط نفس ذا لا اهم شيء اسمهelectronic cleaner
gm2009
25/09/2009, 04:02 AM
عزيزي بخصوص القير

بعد مشوار معين
شم ريحة زيت القير (افتح الكبوت وشيك على معيار زيت القير)
اذا حصلت ريحه حرق او عطب او ريحة نتنه اعرف القير في مشكله ما
اما اذا مافيه ريحه القير مضبوط يمكن الاشكاليه من الكمبيوتر او حساس

وشرحك عن الطرنبه مافهمته وفيه مضوع كتبه اخونا سوبر فتك عن الحل للطرنبه وبرضو بصور
شميت الزيت ما فيه ريحة حرق :no:
gm2009
25/09/2009, 04:02 AM
شيك الفيش اللي يشبك في العوامه نضفه من داخل بفرشاة اسنان جديده واذا حصلت فرشاه حديد ناعمه احسن مع http://www.chemical-cleaners.com/catalog/images/foaming_electronics_cleaner.gifمنضف الادوات الكهربائيه تحصله في محلات الزينه مب شرط نفس ذا لا اهم شيء اسمهelectronic cleaner
بجرب وان شاء الله تضبط والف شكر لك
mtc_959
25/09/2009, 12:44 PM
اذا شميت بعد مشوار
ولا فيه ريحة حرق القير عندك تماام
لكن في سؤالين
السياره مجمرك ولا سعودي
السؤال الثاني اذا عشق من الاول لثاني ينتع تحس انه ينفض ولا تغييره ناعمه
لن أمل من العطاء
25/09/2009, 01:34 PM
وانت ماشي بسرعة 70
ابدأ بتحريك عصا القير على تحت الى 3 او 2 او 1

وشوف هل عند التحيك مثلا من دي الى 2 تكون الاستجابه سريعه ام يتأخر في الاستجابه

اذا استجاب بسرعه فالمشكله ليست كلتشات
ثانياا انت في اي مدينه
gm2009
26/09/2009, 03:07 PM
وانت ماشي بسرعة 70
ابدأ بتحريك عصا القير على تحت الى 3 او 2 او 1

وشوف هل عند التحيك مثلا من دي الى 2 تكون الاستجابه سريعه ام يتأخر في الاستجابه

اذا استجاب بسرعه فالمشكله ليست كلتشات
ثانياا انت في اي مدينه
يعطيك العافيه بجرب وبرد عليك انا في المدينة المنورة
اذا تامر شئ منها تحت امرك.
قمة افرست
26/09/2009, 10:41 PM
بالنسبة للمشكلة الاولى كلام المهندس صحيح
مع العلم تمشيك سنين لانه ماهو خراب وانما ضعف بالكلتشات
وسبب التاخير بالقير يحصل من سببين
عدم تغيير الزيت والفلتر بالوقت المناسب وهذا مايعمل تاخير بالقير
الشد علىالسيارة بقوة ممايؤدي لحرق الكلتشات ويضعفها
اذا ماغيرته قديم الزيت غيره مع الفلتر وافصل اصبع البطارية لاعادة البرمجة
بعدين امش تقريبا اسبوع بدون ماتشد السيارة خلها تغير على راحتها

ان شاء الله انها بترجع طبيعيه
والكلام هذا مو اكيد ولاكن الغالب ترجع طبيعية وعن تجربة
ملاحظة معرفة حالة الزيت عن طريق العيار ماتبين حالة الزيت
تلقاه لونه احمر وبعد فكه تجد لونه اسود
المشكلة الثانية عداد البنزين وليس العوامة
برق خاطف
26/09/2009, 10:57 PM
ممكن يكون حساس القير ........
القير فيه اكثر من حساس يجب التشييك عليها عند تغيير الفلتر..
مهم ان يكون الفني فاهم الشغله ويكون عنده جهاز لقياس الحساسات ..
ابومعزي
27/09/2009, 01:08 PM
السلام عليكم يشرفني ان انضم لهذا الصرح الشامخ وهذه اول مشاركة لي
اخي بالنسبه لمشكلة القير فبحكم خبرتي البسيطه في الامريكي فان كلتشات القير لايوجد بها ضعف ولكن المشكلة عندك في الحساسات وهو حساس واحد بالضبط لانها قد صارت معي في فورد وصلحتها ب 700 ريال قطع مع شغل يد
سوبر VTC
27/09/2009, 11:11 PM
و عليكم السلام و رحمة الله

سبق ان الانبير كان يلعب جمس 2001 مره على النص و مره طايح واحيانا فل :no:
طبعا فكيت التانكي و حصلت العوامه منطلقه كبسته و زانت
شف مواضعي بالصور بالتوقيع و ان شاء الله تستفيد
جميع اعطال الطرمبه + معاناتي مع الجمس + فك الطرمبه

القير
جرب اغسل القير و حط زيت جديد و ان شاء الله يضبط القير
اذا كان هناك سدد بخريطه القير مثل رايش الكلتشات
فانه يسبب تاخير للتعشق و احيانا الموتر ينتع :no:

اخبر جيب م2004 فتك
القير يحن على نمره و لا يريح
غسل القير و حط زيت جديد
و عقب كم يوم ضبط
بسبب رايش و ترسبات كلتشات القير في نفس الخريطه

عموما لك رساله على الخاص


موفق
gm2009
28/09/2009, 11:16 AM
الف شكر على افادتي بخبراتكم وطبعا الشكر للجميع
انا اغير زيت القير كل 40 الف ويوم الموتر جديد كنت اشد عليه واجد <<<<<<كان مراهق
جربت امشي 70 واعشق لنمره 3 و 2 و1 فيه تأخير في الاستجابه من النمره 2 الي 3 .
انا توني مغير زيت القير يمكن قبل 7000 كيلو هل اغيره وبكذا يكون تغسل القير؟
وبجرب افصل البطاريه .
وبالنسبة للأنبير انا عندي العوامه سليمه موب مكسوره وسبق انها علقت قبل كذا وتزين لحالها ولمي غيرت الطرنبه والعوامه نفس المشكله ما تعطيني قرائة مضبوطه ونا شاك في العداد نفسه .
كيف اتأكد وين ممكن اغيره وكم اسعارها؟
وشكرا
gm2009
29/09/2009, 12:04 PM
فصلت اصباع البطارية وشبكته ثاني وما تغير شئ شكل الكلتشات تعبانه مره .
واسلاك العوامه ما لقيتها يبيلي يا حفره او فك تانكي صح او لا؟
الشرق1
03/10/2009, 11:24 PM
اذا سيارك دبل فالسيارة سليمة ( تلاحظ تكه) عند التبديل بين النمر
قمة افرست
04/10/2009, 11:15 AM
فصلت اصباع البطارية وشبكته ثاني وما تغير شئ شكل الكلتشات تعبانه مره .
واسلاك العوامه ما لقيتها يبيلي يا حفره او فك تانكي صح او لا؟


لاعادة برمجة السيارة من جديد فصل اصبع البطارية السالب
لمدة لاتقل عن 25 دقيقه وبعدها تشغل السيارة وان شاء الله تكون بكذا سويت اعادة برمجة
وايضا الاخوان الي تولع لمبة حساس الشكمان لايمكن تطفي الا اذا تم فصل البطارية 25 دقيقه
اول ماتشغل راح تلقى اللمبة طفت وهي لمبة المكينة
الافضل لاتحرك السيارة الابعد 5 دقايق تطفيها وتشغلها وتمشي بالسيارة
بدون تشغيل المكيف بعد 5 دقايق مشي بتلاحظ الفرق وبكذا صارت السيارة طبيعية
dr_chart
04/10/2009, 06:36 PM
المشكله صارت معي من قبل .في جمس 2000..وكانت من الحساس ومشيت عليه يمكن سنه كامله والوضع طبيعي ...

وصارت مره ثانيه... في جمس 2003... وطلع من.... مخ الجير وله اسم ثاني نسيته فيه كلمة بورد..

...
سوبر VTC
04/10/2009, 07:00 PM
المشكله صارت معي من قبل .في جمس 2000..وكانت من الحساس ومشيت عليه يمكن سنه كامله والوضع طبيعي ...

وصارت مره ثانيه... في جمس 2003... وطلع من.... مخ الجير وله اسم ثاني نسيته فيه كلمة بورد..

...



قصدك كنترول التحكم بالترانسميشن
بورد او خريطه كهربائية تكون عاده بالجنب و راكب عليه فيش
dr_chart
04/10/2009, 07:39 PM
تذكرت اسمها .....بلف بدي
gm2009
06/10/2009, 07:30 PM
ومشكلة انبير البنزين من الطرنبة او العداد وكيف اتأكد