الطيور جايها بلا الله يشافيها.... عندكم علم تفضلوا

[صقار مبتدئ]

السلام عليكم و رحمة الله و بركاته
كيف الحال و الاحوال عساكم طيبين
اليوم ندعي الطيور الصبح (الوكريه ــ الشيهانه ) لاحظت شي غريب
الوكريه حذفت الموس الجديد و تحاول في الثاني و مدهنتها ملتهبة و الريش متنتف من حولها مع العلم كان بها جروح من اول وعالجتا بس ذالحين ملتهبه؟؟؟؟؟
الشيهانه اعزكم الله يوم تمرش تحس معها امساك تحاول تحاول بس ما يطلع معها شي ؟؟
اللي عنده علم الله يجزاه خير لا يتأخر علي

[@السيف@]

الله يشفيها اسقفها عسل مع مويه وتقبل مروري

[@قرناص@]

بخصوص الوكريه لازم تشوف لك صقار خبير في المنطقه مانقدر نفيدك ..

اما الشهانه والله صارت لي كذا مره والطير طلع سليم مافيه شيئ ،،

والاخوان يفيدونك اكثر ،،

[سلطان راشد]

الله يشفيهن ويبرد خاطرك فيهن وتاكل من صيدهن ..

تقبل مروري

[استيعاب]

الله يعينك وشيفها جميع

بس يا خوك لازم تحرص على العلف الزين والامواس لا قطتها والنوايف زينه ما على الامواس خطر الا إذا تعدت القران واحرص عليها لا تكافخ

أما المريضه شوف مستشفى احسن .

[ولد مساكن]

لازم تشوف صقار خبير في المنطقه هو اللي يفيدك

[راعي غضبان]

الوكريه يمكن الموس طلع ونموه ناقص او فيه ثقب يظهر الدم خفيف مما ادى الى نطله وانشاءالله يطلع بداله وبالنسبه للمريضه والله صارت لكم طير شاهين وصار فيها ورم مسكر فتحت الشرج وتحاول انها تمرش مايطلع شي في البدايه يطلع على الخفيف ويتدلدل من فتحت الشرج الى الارض وبعدين تحاول تمرش وتهوس وتعصر ولايطلع شي واخير قالوا المستشفى مالها علاج وماتت الحق عليها كانها في البدايه والله يشفيها اللهم امين

[صقرحايل]

اللعه يشفيهن ان شاءالله ومثل ماقلو الاخوان يجب ان يشوفهن صقار خبير باذالك وشكر

[طواش]

Stamake Eiikhe Hhhhh

[ربع خالي]

الوكريه ,, ان شاءالله الاخوان يفيدونك ,
الشيهانه ,, مره كان عندنا طير صابه هذا الشي بعد مانقلناه من المقيض للدعو , وبعد الفحص اخبرنا الدكتور بان الطير كان متزاوج مع طير معه في الغرفه وكان على وشك وضع البيض ولكن مع النقل فسد البيض , وعمله عمليه واخرج البيض الفاسد وهو من تسببله بالمساك ,,,
تقبل مروري
تحياتي

[صقار مبتدئ]

الله يجزاكم خير

[ابو امنه]

ماقصروا الاخوان
الله يشفي طيررك

[falconer-kw]

السلام عليكم اسال الله ان يشفي طيورك وباركلك فيها

بالنسبه للوكريه يمكن يكون الموس متعور راح يحذفه ويطلع غيره ولا تحاتي وان طالت المده وبالنسه للمدهنه لازم تحاول اخراج الزائد من الدهن فيها وهذي يحتاجلها واحد خبير

وبالنسبه للشيهانه ان كان وقت المرش تغط ولا في شي وتهز شليلها كانها تحتك هذي صارت معاي ويسمى المرض ابو ضريك كرمكم الله وعلاجه هو حبه بنسلين تلقاها عن البيطري وتجي كبسوله لونها ابيض وبنفسجي
ان كانت نفس الاعراض لايخرج المرش بسهوله تهتز على الوكر كنها تحتك بشي من عند المخرج وتلقاها تحك بمنسرها مكان الخروج كرمكم الله خذلها هالعلاج وان شاء الله بيفيد واحرص انك تكمل الكورس لمده خمس ايام حتى لو تحسنت قبل نهايه الكورس وسامحنا على القصور والاطاله

[صقار مبتدئ]

السلام عليكم اسال الله ان يشفي طيورك وباركلك فيها



بالنسبه للوكريه يمكن يكون الموس متعور راح يحذفه ويطلع غيره ولا تحاتي وان طالت المده وبالنسه للمدهنه لازم تحاول اخراج الزائد من الدهن فيها وهذي يحتاجلها واحد خبير


وبالنسبه للشيهانه ان كان وقت المرش تغط ولا في شي وتهز شليلها كانها تحتك هذي صارت معاي ويسمى المرض ابو ضريك كرمكم الله وعلاجه هو حبه بنسلين تلقاها عن البيطري وتجي كبسوله لونها ابيض وبنفسجي

ان كانت نفس الاعراض لايخرج المرش بسهوله تهتز على الوكر كنها تحتك بشي من عند المخرج وتلقاها تحك بمنسرها مكان الخروج كرمكم الله خذلها هالعلاج وان شاء الله بيفيد واحرص انك تكمل الكورس لمده خمس ايام حتى لو تحسنت قبل نهايه الكورس وسامحنا على القصور والاطاله

الله يجزاك خير بكرة اوديها البيطري وشوف الحبوب اللي تقول و الله يشفيها

[راعي غضبان]

هلابك اخوي راسلتني على الخاص ترى جهازك مايستقبل الرسائل حاولت ويقول لايمكن ارسال الرساله عدم قبول المتلقي الرساله وشكرا