أستفسار عن التوانكي المويه للجمس الحوض

[عبدالمجيد2003]

حبيت استفسر يا شباب عن التوانكي المويه فوق 100 لتر للونيتات وش افضل شي من ناحيه الجوده والسعر واماكن بيعها بالرياض ولكم جزيل الشكر

[ترهيم]

السلام عليكم

شف وانا خوك الافضل هو الستانستيل عيبه غالي وبنسبه لثقل على الموتر ..
وفيه الاقل منه وهو الالمنيوم .
الثالث البولي اثيلين وماظن ان هالنوع يجي للحوض ..

فيه واحد يصلح توانك المنيوم وستيل وحديد بس الحديد مانصح فيه ابد ..
بحاول امر مكانه الليله واخذ رقمه واعطيك اياه ..

[عبدالمجيد2003]

ما قصرت اخوي والله من جد محتاجه وما ادري وين اماكنها والستيل كم غالي يعني لأن بصراحه الميزانيه لك عليها شوي ومشكوووور على الرد

[ترهيم]

ميزانيتك بحدود كم !!

فيه ستانستيل هو اغلا الانواع امس كان الجمعه مقفلين اليوم ان شاء الله بمر عليهم عطني المقاسات وكيف تبيه بالجمس بجوانب الحوض ولا عند الغماره وكم الطول والعرض ..
وبخذ رقمه وارسله لك على الخاص ..

[عبدالمجيد2003]

حدودي يا طول العمر من 500 الى 800 ريال وبالنسبه للمكان انا ودي يكون مسدوح في الحوض عشان ياخذ مكان اكثر ولترات اكثر بعد ولا وش رايك وش الافضل يوم تقصد على الجوانب ما اضن ينفع لان الجوانب صغيره .
اوكيه هو الجمس مفخذ بس مو زي الجموس القديمه .
ويعطيك العاااافيه من جد على الاهتمام ما قصرت

[عبدالمجيد2003]

معليش نسيت اقولك انك ما تقدر ترسلي على الخاص لاني ما كملت 50 مشاركه .
يا ليت تردلي على الموضوع نفسه وانا اشيك عليه

[سرهيد]

السلام عليكم

ما فيه شك ان افضل التوانك هو الاستيل

لكن غالي وفي نفس الوقت ترى السوق مضروب بالتجاري ، يعني يبيعك استيل تجاري يصدي بعد وقت وبسعر الاصلي وهذا انتبه لها واحرص على المحلات الثقة

يأتي الالمنيوم .. طبعا يحتاج يكون في محل مستقل مع اني مركبة كذا مرة في سيارات مختلفة واشوفه حلو ما عليه خلاف

الستيل يمكن يكلفك حول 1200-1400

وهذا محل اسمه المواهب معروف بشغل الزين وعدم الغش

المحل رقمه

4461057

وراعي الورشة رقمة

0504429550

تقبل احترامي

[عبدالمجيد2003]

الله يعطيك العافيه اخوي سرهيد بس ما تحس انه غالي شوي طيب الالمنيوم كم يكلف تقريبا .
انا سمعت عن ورشه المواهب بس ما ادري كيف وصفها بالضبط بالصناعيه القديمه .

[سرهيد]

صحيح غالي بس الرجال ثقة وما عنده غش

سبق وصلحت استيل عند غيرهم وبسعر صحيح يفرق لكن شهرين الا والصدأ فيه ... مع ان الفرق يمكن اربع مئة وهذا جعلني اخسر مرتين ..

وصفه طال عمرك تعرف الصناعية القديمة

مسجد العويضه خله على يسارك ووجهك قبله تحصله في آخر الشارع على اليمين والمارية في اعلى المحل دعامة سوداء كبيرة

بالنسبة للألمنيوم كل 100 لتر بـ 600 ريال حسب ما اعرف

تقبل احترامي

[العاااازف]

ابوي المواهب غاااالي اتركه وشاايف نفسه هو المميزبعد
خذ هذا الرقم اسمة
ابوعلي
0555262662
قله من طرف ابونورة وشف الخدمة وسعودي وفيه خير كثير ولا يزكى على الله احد
واشتغلت عندهـ وكثيرين بعد ومدحوووة وبالسلي
والاساس سعره مقبوووول بقوووة مو مثل البقية

[ترهيم]

السلام عليكم ...

بالمبلغ هذا لاتفكر في ستيل غالي الستيل خاصه الصافي لاني كنت بدلك على واحد يجمع المواد بنفسه او يوصفلك مكان انت بنفسك تجيبها له . يعني ارقد وامن من ناحية صفاوة الستيل وتقدر تعرفه هل هو مغشوش او لا بالمغناطيس وفيه نوعين من الستيل تايون وصيني انحش عن الصيني ..
ولاتاخذ 100 لتر انت معك حوض طق من 200 لتر وفوق الحمل على الموتر ومانصحك بالمنسدح عشان ضخ المويه ..

دام مبلغك بهالحدود انصحك اول شي تدورلك واحد عنده لحام المنيوم وتتفق معاه على الحجم الي بتلحمه وتروح تشري الصفايح قيمة الوحده 180 ريال ..

بس انا شايف اسعر الالمنيوم بحدود 800 بالسوق ..

[عبدالمجيد2003]

بيض الله وجيهكم ما قصرتوا من جد