ما سبب اضاءات لمبات الطبلون وانا اقود لاندكروزر

[فتى الفتيان]

السلام عليكم
الاخوة الاكارم اثناء سفري في العيد لاحظت لمبات الطبلون تومض تولع وتطفي فترة بسيط
ثم بعد فترة تولع وتطفي وهكذا حتى وصلت الديرة طفيت المكيف ولازالت المشكلة طفيت النور طفيت الرادو
ولازالت المشكله ما الاسباب ياترى
مع العلم ان كل شي تمام الزيوت والحرارة والمبات ولم الاحظ اي شي على الموتر
http://www.mekshat.com/pix/upload03/images126/mk134152_5.jpg


http://www.mekshat.com/pix/upload03/images126/mk134152_555.jpg

[متفكر]

هذي الله يسلمك مشكلة في الدينمو مايشحن .........

[ابوعيدالدوسري]

اخوي روح لكهربائي يعلمك وش فيها . لان بعض الاحيان يكون التماس ويسبب مشاكل طويله عريضه.

[9393]

ياخوي/
يمكن يكوون الحساااسااات حق الطبلووون او التماااااس على مضني
والله اعلم...

[9393]

او انك تفك اصااااابع حقااات البطاريه وانشاااءالله انه يزن...

[ديوان العرب]

اخوي شيك مويت المساحات يمكن تكون السبب ههه الله يعطيك خيره ويكفيك شره الموضوع يبله مهندس ممتاز وعتقد والله اعلم انها في الفيوز حقة الطبلون

[نـجم الـشمال]

السلام عليكم ياخي كانك بالشرقية بافيدك بكهربائي ممتاز
انت من الشرقية؟

[ابوصالح77]

شيك على إصابع البطارية
يمكن محلول أو مكربن

[abowesam2006]

ممكن اخوي نجم الشمال تعلمني مكان الكهربائي اللي بالشرقية ضروري الحين بانتظارك

[ريح الشيح]

اخوي هالمشكلة لها ثلاث شهور معاي
مريت كهربائي متخصص لاندكروزر قال هذي مشكلة في البوكس حق الفيوزات نسيت وش سماه

المشكلة انه يقول لازم تبدل هالبوكس واللي قيمة بالوكالة 420 دينار مايقارب 5الاف ريال
وقالي بعد فترة راح يحجر البريك معاك ,, وفعلا ثاني يوم البريك حجر معاي والحمدلله اني كنت داخل الحاره..

[ريح الشيح]

نسيت .. اقولك لمبة abs مع لمبة السايدبريك مع صافرة الانذار كانت معلقة على طول

[دكتور بر]

ان شاء الله ما تصير مثل مشكلة الأخ ريح الشيح لأنها مكلفة وان شاء الله المسألة فيوزات بسيطة والله يسهل أمرك يا غالي

[شامخ ألهيلا]

او انك تفك اصااااابع حقااات البطاريه وانشاااءالله انه يزن...

صدق اخوي
جرب انت هالشي اول
وبعدين انصحك تشيك الفيوز كلها بيدك الي عند الرجل اليسار
ولي في المكينه
وان مانفع رح اقرب كهربائي

[يكفيني نظرة]

1- اذا الموتر جايه صدمه او مركب شي بالكهرب يمكن الاسلاك عندك منجرحه وتلتمس لأني قد صارت لي بهايلكس لما انجرحت اسلاك الضفيره اللي مارة من فوق الرفرف والتمست اشتغل عندي لمبة دبل والسياره مافيها دبل .
2- انتبه للدينمو .
الله يعوض عليك. اخوك يكفيني بس نظرة.

[ريح الشيح]

يااخوان المشكلة طلعت من مجمع ال abs(بوستر) كامل خربان
بالوكالة مثل ماقلت لكم 450 دينار تقريبا يعني 5 الاف ريال
حصلت بالتشليح واحد ب 250 دينار .. انشالله اليوم بروح اركبة
انتبه اذا علق انذار الabs هذا دليل على ان المجع خربان وغير قابل للتصليح نهائيا
والله يعوض علينا وعليكم

[فتى الفتيان]

تطورت المسألة واصبحت اللمبات تعلق والدينمو ما يعبي
ذهبت لكهربائي وبعد فحص نصف ساعة وتشييك وقال المشكله في الدينمو
سعر الدينمو 2200 ريال والتجاري 350 ياباني من باوزير قلت ركب التجاري
ركبه بعد ساعة رجعت نفس المشكلة وزادت ان اللمبات قامت معلقة حتى بعد تطفية السيارة
رجعت له
واخذ يفكر ثم يقكر قال شيك على الكمبيوتر
قلت الله لا يهينك يا بو شكيم رجع دينمو الاول
ركب الدينمو الاول انتهت المشكلة
بعد سبع ايام بالضبط رجعت تعلق اللمبات فصلت اصبع البطارية راحت المشكلة
الان انا في اليوم الخامس

[الوافي0]

نظف أصابع البطارية إذا فيه كربون لأنها تعزل الكهربة وتسبب نفس المشكلة

[قناص*07]

صارت معي نفس المشكله بس ان اللمبات تولع وتطفي والنور يقوى كنه بينفجر ويرجع للوضع الطبيعي.
غيرت الفحمات وكتاوت الدينمو وضبط ولله الحمد

[بدون لوحات]

كانت المشكله غندى والسبب كيبل الكهربء المربوط بالدينمو منحل وتم شده وانتهت المشكله

[ابو_ مشاري]

اخوي هذي مشكله بالدينمو اما يحتاج فحمات ولا فيه مشكله صارت معي وانت احتياط اسئل كهربائي او تابع مؤشر الدينو الككهرباء تلقاه ناقص وسلامتك

[meshall2]

اخي الكريم الحل عندي وانا بو هندي
عندك سلك الارض حق كمبيوتر السيارة فاصل من مكانه
هو اللي يلخبط كل شيء ويخلي السيارة مثل المجنونة
شيك عليه واشبكه ويرجع كل شيء تمام
طبعا يكون من غسيل المكينه او نفخها بالهواء
يطير السلك من مكانه

امل الرد ولاتنسانا من الدعاء


:good2: