المساعد الشخصي الرقمي

مشاهدة النسخة كاملة : ابيات اعجبتني


wafian
26/09/2009, 12:11 PM
ودي ليا نبت الزهر و الحشايش ++ الصيد واجد و الزبيدي مفاتيش


نركب على اللي ما بقلبه غشايش++جمس جديد يناوش القاع تنويش


مجلاسنا روس التلال الدهايش++ بأرض قفار و عشبها تو ما نيش




الشاعر / غير معروف
المصدر / مجلة شعرية قبل اكثر من 10 سنوات
ابيات حلوة و قافية احلى " وجهة نظري "
لامست هذه الابيات مشاعري فحفظتها


حياتي للجميع

ابو وافي
يوسف الخليفة1
26/09/2009, 05:27 PM
بارك الله فيك أخي الفاضل والشكر الجزيل
عديم الوصايف
26/09/2009, 07:38 PM
صـــــــــح الســـــانـــــــــــك اخوي ابووافي
وعــــيدك مبـــارك :good:
wafian
27/09/2009, 01:27 AM
عديم الوصايف

يوسف الخليفة 1


مرورك شرف
نجم حفرالباطن
01/10/2009, 07:39 AM
بارك الله فيك
أشكرك أخي الكريم
صح لسانك يابعدي
جرير
01/10/2009, 12:51 PM
قالوا علامك دايم الدوم طارش
توك صغير وش تبي بالمطاريش


قلت اعذروني من هواء البيض طافش
العله الي ماقوتها المناقيــش

لو افتحوا بالدار كل الدرايش
يضيق صدري بصكة الباب حتيش

مثل السمك في غبت البحر عايش
انا بغير البر ماظني اعيـش

وإن كان من يربى على الصيد طايش
انا حياتي كلها طيش في طيش

يومي على كسب النواميس حايش
سدي متين عن جميع التشاويش

ماني كما اللي عايش بالولايش
اخاشر الشاهين في لقمة العيش

لي قلب على نظم الابيات جايش
ينقش خوافي خاطر الفكر تنقيش

وانا الذي ولفت قرب الوحايش
وكفي غدى يزهاه كثر المخاميش

ليا انطلق "وضاح" للجول هايش
يزهو اقشوع من حواليه بالريش

طيري لا طروا الهدد والمكافش
ماهو هزيل يهاويش الخرب تهويش

ولا هو بقرناس وجذب العشايش
فرخ اقطامي باقين فيه توحيش

يغشاني من الغربي سحابن رشايش
وسميتن تروي الفياض المعاطيش

تسقي فروع السيسبي والمفارش
وتلاع لاهـه يرتدم سيلها هيش

ودي ليا نبت الزهر والحشايش
الصيد واجد والزبيدي مفاقيش

نركب على اللي مابقلبه غشايش
جمس جديد يناوش القاع تنويش

حليب شاهي والمكينه غوايش
وحنة شكا مينه تنعش الروح تنعيش

وربع ليا صكت عليه الهوايش
مابينهم بايق ولا فيه درويش

مجلاسنا روس التلاع الرهايش
بأرضن قفر عشبها تو ما نيش

ماطبها الطرش الهمل والدايش
وفيها القطى ماجفلته الخراطيش

الشيح والقيصوم مثل العرايش
والديدحان كنه شفاة الطخاميش

ياطالب الونسه قبل النعايش
هاذي الحياة وغيرها لا مافيش

الشاعر عبدالرحمن بن سعود بن صقر العتيبي
wafian
06/10/2009, 12:30 PM
نجم حفر الباطن

شاكر مرورك الكريم

جرير


الف شكر لك عزيزي


عز الله ما قصرت
العابر 1405
08/10/2009, 10:52 PM
مسائكم خزامى


حبيت اسأل عن هذه المساحه هل هي متجدده ؟؟
اقصد ان العنوان ابيات اعجبتني
هل كل من لديه ابيات يرفعها بالمتصفح الرائع؟؟
وشاكر لكم قبل كل شي
واخص بالشكر صاحب الموضوع صح الله لسانك واختيارك
لاهنت يالقرم
وننتظر جديدك يالغالي
.
.


لاخاب ظنك بالرفيق الموالي**مالك مشارية على نايد الناس


للسديري رحمه الله
ويكتب بماء من ذهب هذا البيت




كنت هنا


العابر 1405
جرير
09/10/2009, 10:25 AM
مسائكم خزامى





حبيت اسأل عن هذه المساحه هل هي متجدده ؟؟
اقصد ان العنوان ابيات اعجبتني
هل كل من لديه ابيات يرفعها بالمتصفح الرائع؟؟
وشاكر لكم قبل كل شي
واخص بالشكر صاحب الموضوع صح الله لسانك واختيارك
لاهنت يالقرم
وننتظر جديدك يالغالي
.
.


لاخاب ظنك بالرفيق الموالي**مالك مشارية على نايد الناس


للسديري رحمه الله
ويكتب بماء من ذهب هذا البيت




كنت هنا



العابر 1405



هلا بالعابر
الموضوع خاص بالابيات اعلاه فقط
ويوجد موضوع عن اجمل بيت
نتطلع لمشاركاتك
لك التحيه
wafian
15/10/2009, 03:43 PM
شكرا لكم جميعا
الكونترولCONTROL
15/10/2009, 03:59 PM
تسلم على البيوتات الجميلة
ذكرتني بقصيدة سمعتها في شريط
قبل 3 سنوات ... و وجدتها في النت : تقول
هيا يابو نايف نزور الختاريش ** لعلنا نلقى مثل مالقينا
مرقوقة ريحه يجيب المطاريش ** وطعمها غير غدانا علينا
في وسطها تلقى اللحم والعراميش ** جابه خبير بالهزل والسمينا
وقريعته ماقطعوها المرابيش ** تسلم يسار مقطعه واليمينا
به كوسة زهره كما انه طرابيش ** لبسه خبير كل هرجه رطينا
قلط ولا من جوع قلنا تخاديش ** لكن بغينا ننفهق ماقوينا
وصافي ام العوف مابه تغاشيش ** ماشابه الحافظ ولا به طحينا
سايغ ولا خضه مكينة دراويش ** ولا تنقل بين مينا ومينا
تسلم يمين الخال واللي بذر عيش ** واللي طحن واللي جعلها يمينا
واللي نقل طسل بوسطه نقاريش ** واللي بطش بالخمس واللي نسينا
ياعل هذا دوم طبع الختاريش ** والاكل والتنقيش دايم علينا
---------
عبدالله بن صالح الحمدّاء رحمه الله
ولد ونشا في محافظة البدائع إحدى محافظات القصيم وكانت ولادته عام 1371 هـ
المصدر مع نبذة عن الشاعر و بعض قصائده :ــ
http://www.alrassxp.com/forum/t39251.html