اصحاب الخبرة في الساكتون ( أم صتمه ) افيدوني جزاكم الله خيراً

[الفحل 2003]

الاخوة الكرام

السلام عليكم ورحمه الله وبركاته

عندي ساكتون ( أم صتمه ) وشاريها من سوق الزل بالرياض من حوالي 4 شهور من واحد من هالشيبان اللي عنده محل للتراثيات ، المهم شريتها وسالته معها تصريح قال : لا ما معها ، سالته : تعرف راعيها ، قال : انا شاريها من واحد ، طولت عليكم بالسالفه ، وسالت موسسة الرميح : تصرحونها لي أو تعطوني رقم صاحبها اللي مسجل التصريح باسمه علشان يتنازل لي عنها ، قالوا : اسفين ما نقدر نخدمك .

المطلوب : وش الحل الحين ووقت الصيد جاي وانا ما ادري وشلون اسوي لها تصريح علشان اشيلها معي .

وللمعلومية الساكتون ( أم صتمه ) مقاسها ( 80 ) وعليها شعار الرميح العلم والبندقيتين وبس .

اللي عنده حل يفيدني الله لا يهينكم

اخوكم

الفحل 2003

[بـران]

و عليكم السلام ورحمة الله و بركاته
أخي \ alfhal2003
الساكتون إذا ما شريتها من الرميح ما راح يقدرون يعطونك عليها تصريح لأن عند إمارة الرياض أرقام السواكتين اللي عند الرميح بحيث ما ينزل التصريح إلا بعد مطابطقتها بالأرقام اللي في الإمارة ؟
و أبدلك على شعيب حليل ما يقابلك إلا تفتيش واحد بس إذا أقبلت خلك رابط الحزام ؟؟
و أنت طالع من الرياض على طريق القصيم السريع - يجيك مفرق ملهم بعد التفتيش بمسافة .. اطلع الكوبري و لف يمين لا تروح لملهم من تلف بميتين متر يجيك شجرة على يمينك اتجه شرق مع الشعيب تقريبا كيلو ثم يبدأ يروح شمال و هذا شعيب ملهم ..
مصيد فيه الأسبوع الماضي