جواز سفر السلق

[إبن عويشز]

الأخوة الكرام اعضاء الخيمة المحترمين


السلام عليكم ورحمة الله وبركاته ، وكل عام وأنتم بخير


أثناء اجازة العيد ذهبت مع العائلة الى الامارات
واثناء تواجدي هناك اتصلت بمركز السلوقي العربي في ابوظبي
واستفسرت منهم عن جوازات سفر السلق
وهذي طلباتهم


صورة واضحة للسلق للتأكد من انه سلق أصيل
شرط ما يكون السلق مهجن
معرفة اسم الأب والأم
تاريخ الميلاد
شهادة بجميع التطعيمات صادرة من بيطري معتمد
شريحة الكترونية مركبه في السلق
وسيتم اصدار الجواز مجاناً بدون رسوم
وبالإمكان ارسال جميع الطلبات بالبريد وسيرسلونلك الجواز بالبريد


هذا ولكم تحياتي وتقديري

[الخماش111]

والله لونه ادمي تراه فالنهايه كلب

[فيصل الدشاش]

والله قريت عن هالموضوع وتفاصيله وشيء عجيب ..

بس أتوقع يعني أذا أنسرق لك كلب وشيء .. وجوده مثل عدمه بالنسبه لي

[الرعد99]

والله لونه ادمي تراه فالنهايه كلب
:good: :good: :good: :good: :good:

[ابو تمام]

مشكور اخوي بن عويشز معلومه مهمه وجيده

دمت بود

[خواع]

انا ماطلعت لاخوي جواز وتبيني اطلع للسلوقي . هههههههههههههههه

[تركي القثامي]

وعليكم السلام ورحمه الله وبركاته اشكرك على الموضوع

وماقصرت وجزاك الله خير

وش قصة الشريحه هذي اللي تقول انها مركبه في السلق وهل انها تساعد في ايجاده اذا فقد

احترامي اخوي

[الفهد الصبيحي]

هههههههههههههههههههههههههههههههههههههههههههههههههه ههههههههههههههه
والله انا ماعندي جووووز تبيني اطلع له جووووووووواز

[ابوعيدالدوسري]

سبحان اللة مزعجينا على سرقة الكلاب والكل يشتكي ويوم جاكم الحل قلتو ترا كلب.
اذا انة بس كلب ليش تزعل يوم انسرق ولا ضاع وليش يضيق خلقك.
جتك فرصة ان كلبك لا انسرق تبلغ ومعك اوراق ثبوتية للكلب. يعني اذا حصلت كلبك مثلا عند واحد وقال انة شارية من فلان تقدر تقول طيب وين اوراق الكلب وجوازة ورقم الشريحة.
بيكون عندك كل اثبات يثبت انك مالك الكلب الاساسي وطبعا لا قال لك شريتة من فلان تقول انا صاحب الكلب والاوراق معي.
وتقدر تبلغ عن السرقة ويصير معك نفس الشي الاوراق الي تثبت ملكية الكلب.
عسى بس تستفيدون من المعلومات الي تحميكم بعد اللة. والحين اي شي ماصار يسوى بدون ورقة او اثبات حتى ولو كان ذهب.

وشاكر لك ياصاحب الموضوع وماقصرت

[بن مسيفر]

الشريحه هذي ترقيمه له فقط مب اذاء ضاع تعرف وين محله يعني ان الكلب عزكم الله معروف وش اسمه من ابوه وامه رمز باالظبط@بعدين الوسم افضل تعرف الكلب مجرد من يجيك خبر عنه@والبنسبه للجوز السفر حلو للي بسافر به بالطياره يعني يبي يقنص بالسودان واللا بتونس اسهل عليه انه يركبه بالطياره@وتقبلو مروري@وتحياتي لكم جميعن ولا صاحب الموضوع

[القحطاني505]

لاهنت اخوي ابن عويشز على التوضيح واللي جلس يستهزأ بكره جاينا يطر سلق والناس اللي ماتفهم والله بتتعبك وعسى الله يعطيك الف عافيه يالذيب

القحطاني505

[sudeer]

مشكور اخوي وماتقصر

[صقار هذيل]

مشكووووووووووووووووووووووووووووووووووور

[خواع]

سلاااااااااااااااااامااااااااااات يالقحطاني 505 . لحد يعينك انت والسلق الي تعرف واتعبت نفسك بالهدايا ( واللي جلس يستهزأ بكره جاينا يطر سلق والناس اللي ماتفهم والله بتتعبك ) يطر ايش ياعمي والله لو لا حشمت راعي الموضوع لافتح باب انت في غنى عنه . يطر سلق هههههههههه . الله يشفيك وتقولها بكل فخر ياخي تراه كلب في الاخير يعني ان جاء اهلا وسهلا وبيض الله وجه الي اهدا واذا ماجاء فعايدي تراها للتسليه فقط ماهوب من كثر الصيد الارض يابسه يابعدي . انا اللهم لك الحمد ماقد طلبت سلق لكن تجيني سلق كفو . وعندي وحده الي يبيها يعلمني انا ماعاد ابيها جروه .. مسوي انك المنقذ قد عطيت احد انت يالي تقول الناس تجي تطر . ولا كذا مسوي راعي فضل .. في خاطري هرج واجد لكن نكتفي بهذا القدر

[عروق الدهنا]

لاحول ولاقوة الا بالله

تعوذو من الشيطان ياجماعه
وبعدين ياشباب الجواز اللي لسلق
لك يوم تبي تحتد عليه
يعني وشلون تبي تقنص برى وانت ما معك جواز للسلق
مثال
(السودان , اريتيريا , مالي ,سوريا ..الخ)
والبطولات المقامه سنوياً في
(الامارات , قطر , البحرين ..الخ)
يعني ياجماعه لابد من الجواز للسلق

والحمدالله الصيد واجد بالسعودية وخارج السعودية

( كل طيرً يشبعه مخلابه )

ونرجو من الاخوان عدم التجريح في الردود

واتمنى ان محد يزعل من تعليقي

تحياتي

[إبن عويشز]

السلام عليكم ورحمة الله وبركاته
حياكم الله يالنشامى كل بإسمه سواء اللي اعجبهم الموضوع أو اللي ما اعجبهم
ترى كل واحد منكم ماله إلا الحشيمه وفي النهاية إختلاف وجهات النظر لا يفسد للود قضيه
موضوع جواز سفر السلق يمكن يعتبر شيئ ماله قيمه عند البعض ، لكن عن نفسي الموضوع مهم لي لأننا نقص كل سنه في تنزانيا وصراحة السنوات الأخيره تغربلنا في نقل الطيور والسلقان عبر الحدود ، وتخبرون ان السفر الى تنزانيا يتطلب المرور على 3 دول مختلفه على الأقل
بس هذا كل ما في الموضوع . وصدقوني ان هناك توجه قوي بأن كل سلق وكل طير يكون له ماهو بس جواز سفر ، لا قبل جواز السفر شهادة ميلاد وشهادات تطعيم ، والشريحة بتكون شيئ اساسي للسلق وغيرها من الكلاب أعزكم الله . وإذا كانت هذي الأمور ليست شائعة الإستخدام عندنا ، لكنها مستخدمة بشكل كبير في دول أخرى وعاجلا بتكون اساسية عندنا .


عموماً الموضوع ما يستاهل اننا نجرح في بعضنا ، ومثل ما قلت إختلاف وجهات النظر لا يفسد للود قضية ترى حنا كلنا أخوان الهدف من تواجدنا في هذا المنتدى الغالي علينا هو تبادل الخبرات والمعرفة من جهة ، وتوسيع صدورنا من جهة ثانية ، لكن بأسلوب راقي يتناسب معنا جميعاً


لكم إحترامي وتقديري جميعاً ودمتم بخير


اخوكم إبن عويشز
راعي السلق اللي عنده جواز سفر

[ald777mi]

يعطيك العافيه اخوي على الموضوع

فعلا هذا الموضوع مايخص راعين الصيد الي هنا ولا له دخل فالصرقه
الموضوع يخص الشباب الي يطلعون يقنصون برا بالسلق ويواجهون مشاكل مايحلها الا الجواز

[رفيق الأمل]

مشكوري ياخوي على المعلومية المفيدة لنا وللاخوة وجزاك الله الف خير

[رفيق الأمل]

اسعدكم الله يا أخواني : للمعلومية فمثلاً إذا بغيت اخذ سلقه من زميل لدي في الامارات وحيث ان السلقة لديها جواز سفر مع الشريحة الخاصة لها لكن ابي بعض التعليمات حول الجمارك هل يسمح ادخال السلقة للسعودية وما هو المطلوب عمله او هل توجد دفع رسوم او من عدمه ارجو الافادة بهذا الخصوص وليكن على وجه السرعة للأهمية وجزاكم الله الف خير 000
http://www.mekshat.com/pix/upload/sign/images/mk45015.gif

[wolf220]

ياله اطلع لنفسي جواز

عشان اروح اطلع له طل عمرة


تحياتي لكــــــــ

[الشيرازي]

والله لونه ادمي تراه فالنهايه كلب

السلام عليكم ::
اخوي الكلام لك ولجميع اللي انتقدو الموضوع هذا
الرجال ماحط الموضوع بقسم فكاهي والرسول قال(قل خيرا او اصمت)
معليش اخوي ان كان الكلب اللي عندك ماله اي قيمة ..لا ..ترا في ناس كلابهم قويه ولها قيمة
واخوي ماحط الموضوع هذا الا عند ناس هاويه سلق..
اسف عالاطاله...
تقبلوا مروري..محـــ القصيم ــــمد