هل القطو ياكل الطير او العكس

[صقار الأسياح]

السلام عليكم ورحمة الله وبركاته
شباب شاهدنا في المنتدى هذا احد الصقاره يعشي طيره على قطو وصار نقاش البعض يقول القطو ياكل الطير والبعض يقول الطير ياكل القطو وش رايكم هل القطو يخوف الطير

[@قرناص@]

،،

اخوي من تجربتي ..

الطير يآكل القطو لاكن على حسب الشجاعه ..

وغالبا اذا علفت الطير قطو ميت اكيد بعدها بيهد عليه وياكله ،،

اما القطو يىكل الطير هاذا نادر جدا واغلبها تكون من القطط البريه في المقناص والحصانيه ،،

وانا عندي طير دائما احطه بالحوش فتره الصباح او اخر العصر وفيه قطاوه لاكن ما اشوفها تقرب له الا مره وحده جت حوله وثم ابعدت ..

وننتظر اهل الخبره ،،

[الهواوي 502]

،،

اخوي من تجربتي ..

الطير يآكل القطو لاكن على حسب الشجاعه ..

وغالبا اذا علفت الطير قطو ميت اكيد بعدها بيهد عليه وياكله ،،

اما القطو يىكل الطير هاذا نادر جدا واغلبها تكون من القطط البريه في المقناص والحصانيه ،،

وانا عندي طير دائما احطه بالحوش فتره الصباح او اخر العصر وفيه قطاوه لاكن ما اشوفها تقرب له الا مره وحده جت حوله وثم ابعدت ..

وننتظر اهل الخبره ،،

كلامي من كلام اخوي قرناص

الطيور نحطها بالحوش ولا يقربها ولا قطو

[شقرااااان]

مسيك بالخير ياراعي الأسياح

القطو ماياكل الطيور الي (لها مخلب) حسب علمي

وللاسف الشديد قامو يحطون صور طير صايدله قطو


امحق نوماس وامحق صيده


تحياااااااااااااتي لشخصك

[شروركي 111]

الله يدفع البلاء الصقاره راحت اقطاوه هذا طير يركز بصدور المجالس وحطيتوا القطوه علفته راحوا الصقارين ×××××

[سيف الظفير]

اللي شفته ان القطو تخاف من الطيور

[جـرح الشمـال]

اتوقع ان القطو ياكل الطير اذا كان مبرقع اما اذا كان مفرع ماتوقع يقربه

[صقار الأسياح]

الله يدفع البلاء الصقاره راحت اقطاوه هذا طير يركز بصدور المجالس وحطيتوا القطوه علفته راحوا الصقارين ×××××
اخوي الطيور من خلقتها تعشى فيران وجرذان وحنا نتناقش بموضوع يخص الصقارين انت حدك تطعيس

[رأعي الخرشه]

اتوقع ان القطو ياكل الطير اذا كان مبرقع اما اذا كان مفرع ماتوقع يقربه


السلام عليكم ورحمة الله وبركاته
انا مع اخوي البرفسور في هذا الموضوع
تقبلو مروري

[صقار مبتدئ]

اتوقع ان القطو ياكل الطير اذا كان مبرقع اما اذا كان مفرع ماتوقع يقربه
كلامك 100% و الشاهد كنا ندرب الطيور في مزرعه مهجوره ندعي الوكريه و الشيهانه مبرقعه على الوكر
فجئه نسمعها تصيح و الحمد لله كنا قريبين القطو طابقها من جناحها يجرها وهي المسكينه تصيح ومشبصه في الوكر الحمد لله ما تأثر جناحها كثير
المضحك في القصه كانت وحش وعاصيه بعد الموقف ذا تأدبت

[نـجم الـشمال]

كان فيه قطو معه ضعف نظر او بس مجنون توقع منه ينهد على دينصور
هههههههههههه
تقبلوا مروري

[مشبر البران]

اتوقع ان القطو ياكل الطير اذا كان مبرقع اما اذا كان مفرع ماتوقع يقربه
انا مع أخوي البرفسور

[صقرالحروب]

اتوقع ان القطو ياكل الطير اذا كان مبرقع اما اذا كان مفرع ماتوقع يقربه
انا معك في التوقع

[ألحر العراقي]

انا عندي طير وشاهينه بحريه وفي المنزل مايقارب 20 قطوه باللهجه العراقيه (بزونه) مايسترن يكربن يم الطيور
قطو ياكل طير مستحيل
وان كان كذا عز الله ان ها القطو يسوه دراهم

[خيال الصبحا]

وعليكم السلام ورحمة الله وبركاته
يالربع حدثني من اثق بعلمه وماني ذاكر اسمه لحاجة في نفسي(والسالفة انقلوها عني)انه ركز وكر طيره بالحوش(الطير حر بحدود 16وعليها)طبعا الطير مبرقع ، وقطو عد على الطير يبي ياكله(يقول ماسمعت الا صياح الطير)يوم جاء الا الطير شابط البس ويصيح.
شي ثاني حدثني شخص اخر ماعهدت عليه كذب يقول حط طيوره بالحوش مفرعات(حر وشيهانتين جبلية ان كنت ماني وهم)المهم انه سمع صياح الشيهانه ويوم طلع شاف البس على الجدار والشيهانه تصيح خايفة منه.

على كل مثل ماهو الطيور ماهي سواء كذلك البساس ماهي سواء وفيه شي منها يعدي حتى على الحر كما ذكرت سابقا
وشكرًا

[صقرحايل]

يعطيك العافية أخي الكريم
لاكن ماتوقع ان فيه صقار يبى يعلف طيره بس واذا فيه انااقول انه يطلق الطير اشرف لطير اخر عمره ياكل بس
لاكن مافيه قطو ياكل اطير واذا كله هذا ماهو طير خله ياكله
الحر حر مهما صار بس تكفون لا تعودونه على البساسه وغيره والله يتغير
حتى هدته تغير وشكر

[غريم الحباري]

ماخليتو شى ياصقارة الخليج وكلتو الطيور القطاوه لاقوه الا بالله
وياخوى صقار لاسياح الله يستر بيتك شيل هالتوقيع ياخوى والموت حق على رقاب العالمين وانه لله وانا اليه راجعون

[خيال الصبحا]

يالربع الرجال يسال هل البس ياكل الطير او لا
وكوننا ناقش الموضوع هذا مايعني اننا نوكل طيورنا الشي ذا
طيوري السابقة ولاواحد اكل لابس ولافار ولاجرذي ولاجربوع ابد والله يشهد

[عروق الدهنا]

صقار الاسياح

الله يعطيك العافيه على الطرح

انا من وجهة نظري

ان فيه طيور تذبح البس
وفيه بساس تذبح الطير

مثال

فيه طيور تهد على الحصني وتقطع عراقيبه

وفيه حصاني ماتبقي الا السبوق

مثال

طيور تهد على البوم وتعلقه بالجو

وفيه طيور لاشافت البوم بدت تكوش وتصيح خوف وذل

تحياتي

[راايق تميم]

صقار الاسياح




الله يعطيك العافيه على الطرح


انا من وجهة نظري


ان فيه طيور تذبح البس
وفيه بساس تذبح الطير


مثال


فيه طيور تهد على الحصني وتقطع عراقيبه


وفيه حصاني ماتبقي الا السبوق


مثال


طيور تهد على البوم وتعلقه بالجو


وفيه طيور لاشافت البوم بدت تكوش وتصيح خوف وذل



تحياتي





انا معك يابن العم :good: :good: :good:


مشكور على الموضوع اخوي الغالي صقار الاسياح

[الصارم1]

خيال الصبحا كلامك صحيح

على حسب القطو وعلى حسب الطير

[عزوم الاولين]

السلام عليكم ورحمة الله وبركاته
اخي: صقر الاسياح
هذه على حسب الطير بعض الطيور ماتهاب وبعضها تذل
لكن انا مره حصلت معي في شيهانه جبليه جاها في الليل
سمعت كفختها وشفت البس عندها وهم متقابلين نزلت من الوكر
واقفه قدامه استغربت لا هذا جاها ولا هي تكافخ تطلبه اما
البس اتوقع جاي على انه فريسه له .
وعلى فكره ترى البس ماهو بهين السلقان اعزكم الله تعزر فيه
واسف على الاطاله ,,
وتقبل موري........

[تمياط]

يالغالي الصقر ماياكل القطو بل لاجاه القطو يقع الصقر يعطيه تنبيه

[alkreze]

نعم االقطو ( البس ) يأكل الطير إذا كآن مبرقع

وفيه وآحد يذكرلي سالفة أحد أخوياهـ يقول على لسآن خوييه

أن الرياجيل كانوا يتقهون فالمشب وفيه ثلآث حرآر فالمشب

المهم طلعوا الرياجيل من المشب والطيور مبرقعه

ويقول يوم رجعة ولا المشب كل ريش لعب فالطيور القطو

وأما الطير مافرع ما ضنية بجية القطو

[عاشق مكشات]

لالالا الطير ياكل القطو

لان في مسجدنا طير يوم صليت العصر ولا اشوف الطير يهد على القطو فوق جدار جارنا يوم هد عليه

ولا اشوف غبار القطو

[خيال الصبحا]

يالربع انا اعجب من الي يقول لا ماياكله!!
رغم ردود من قال انها تاكله

اذا انت شفت طير اكل بس او طير يطلب بس ماهو معناه انها ماتاكله
لان فيه بساس طلبت الطيور ولاادري وش تفسير كلام الي يقول لا

[محمد العتيبي]

والله يالربع فيه بعض القطاوه تسبب خطر على الاوادم فما بالك الطيور ههههه

[..@القناص@..]

والله يالربع فيه بعض القطاوه تسبب خطر على الاوادم فما بالك الطيور ههههه
ههههههههههههه
والله طير عن طير تفرق .. وقطو عن قطو يفرق
بس من رايي مثل ماقالوا الاخوان اذ1 طلع مبرقع بياكله

[راعي مينون]

السلام عليكم يالربع
موضوع الصراحه يستاهل المناقشه
اعتقد ان حجم الطير يلعب دور

[venom]

مساكم الله بالخير جميع
من تجربتي القطو ماياكل الطير بس في مره كنا طالعين البر وقبل ماينتصف الليل مرثعلب وكان بيهجم علي الطير ولحقته وشرد لين الفجر والثعلب رايح جاي علي الطير يبغي ياكله وكل مايقترب الثعلب يصيح الطير ومن بانت الشيفه مارد الثعلب وسلامتكم.
بس في الثمانينات كان جدي مايحصل حمام عشان يعشي طيوره فكان يثور علي لقطاو ويعشي طيوره.

[صاحب نوماس]

اما انا ما ادخل طيروري إلا نادر داخل البيت على طول فالحوش ومبرقعة ولا يقربها اي قطو ولا غيرة ,,,,,,,,