المساعد الشخصي الرقمي

مشاهدة النسخة كاملة : مين عنده خلفية عن ربل مقصات


ابومحمد999
27/09/2009, 08:35 PM
السلام عليكم

انا عندي صوت طقطقه في الكفرات اللي قدام عند المطبات الصغيره وعيون القطط وشكلها جلد مقصات .
السؤال هل اقدر اغير جلد المقصات لحالها بدون المقصات او لازم اغيرها كلها .
ومين اللي يبيع الجلد ذي او يشتغلها ؟؟؟؟؟

وشكرا.....:D :D :D :confused:
ترهيم
28/09/2009, 06:24 AM
السلام عليكم ..

مانوع السياره ...

واين موقعك ...

اذا الرياض ابشر وصفنالك ..
أحب النفع
28/09/2009, 09:06 AM
يا أخ ترهيم أنا أعاني نفس المشكلة سيارتي جمس حوض عادي ليتك تفيدني

الموقع الرياض

جزاك الله خيرا
قمة افرست
28/09/2009, 11:06 AM
كل السيارات تقريبا تتغير جلد المقصات بدون المقص
وعند اي محل ميزان تستطيع تغييرها


جلد مقصات جمس 2000 وفوق
صورة


http://cpwstore.carpartswholesale.com/catalog/images/prodimage/images/moog/MOK6724.jpg


المقص صورة
المقص يجي علوي وسفلي
وكل مقص فيه
جلدتين ( ربل )


http://cpwstore.carpartswholesale.com/catalog/images/prodimage/images/mevotech/MS20342.jpg
ابومحمد999
28/09/2009, 03:07 PM
اهلين اخوي ومشكور

السيارة اكسبلورر م 99 نعم في الرياض افدنا الله يجزاك خير ....
قمة افرست
28/09/2009, 04:08 PM
بالنسبة للفورد الاكسبلور
لست متاكد وعلى الارجح غير متوفرة لاتحاول تفك القطع القديمة قبل التاكد من وجود البديل
بعد البحث وجدت صور للجلد خاصة بالاكسبلور 99


المقص اسفل
http://cpwstore.carpartswholesale.com/catalog/images/prodimage/images/mevotech/MS20403.jpg

المقص العلوي
http://www.autopartswarehouse.com/images/product_images/images/moog/K80068.jpg



الجلد وتبدو مجموعه كاملة قد تكون غير متوفرة


اوممكن تجدها بمحلات بيع القطع الامريكي مفردة بالحبة
هذا والله اعلم


http://cpwstore.carpartswholesale.com/catalog/images/prodimage/images/energy_susp/43157G.jpg


تحياتي
ابومحمد999
28/09/2009, 08:05 PM
شكراً اخوي على التوضيح بس لو حبيت اخليها في مضره غير الصوت منها
ترهيم
29/09/2009, 08:22 AM
السلام عليكم

اخوي طبعاُ انا اتكلم عن الاخوان في الرياض ... فيه محل في صناعية السلي الموقع وانت على طريق المطار متجه للخرج .. تجيك اسواق المجد علي يدك اليمين روح يسار مع المخرج المسمي بشارع الميه باتجاه مقبرت النسيم بعد ماتعدي القاضي للخيام خلك مع الخدمه لكي تسلم من كثرة الاشارات وابتل سيده لين تجيك صناعية السلي والبعض يسميها صناعية النسيم بعد ماتجيك محلات قطع الغيار يجيك محل اسمه (( الجمعان )) له محلين جنب بعض واحد زينة سيارات والثاني ليات خراطيش ربلات من كل الانواع المقاسات مفاتيج سكاريب كلبسات بانواعها جلب بانواعها بعض معدات الورش ...


كذالك بامكانك انك تحصلها عند الوكاله ..

تنبيه مهم .....
اذا الصوة مع المطبات وبعد ارتقاء الكفر طلعه والنزول منه تكون المشكله في عامود السحب اتكلم عن الباترول له عامودين سحب في اليمين واليسار وكل عامود يحتوي علي جلبتين في الامام والخلف سعر الجلبه 25 ريال التركيب 50 ريال ...
قمة افرست
29/09/2009, 11:22 AM
شكراً اخوي على التوضيح بس لو حبيت اخليها في مضره غير الصوت منها

مامنها اي ضرر الا اذا كانت متاكلة بالمرة
دورها امتصاص الصدمات اثناء المطبات
يعني اذا متهالكه بتسمع قربعه مع المطب او اثنا الدعس على اي شي كعيون القطط في الاسفلت
ابومحمد999
30/09/2009, 07:17 PM
مامنها اي ضرر الا اذا كانت متاكلة بالمرة
دورها امتصاص الصدمات اثناء المطبات
يعني اذا متهالكه بتسمع قربعه مع المطب او اثنا الدعس على اي شي كعيون القطط في الاسفلت



نفس ما قلت انت فيه قربعه على اي شي مثل عيون القطط..
نايف 1988
29/04/2011, 07:21 PM
اخوي انا عندي الصوت خلفي مريت الوكالة قالو انه من المقصات
يقول الفني اذا غيرناها لك يمكن يرجع الصوت يعني ماعليها ضمان وش الحل تكفون ساعدوني الصوت ازعجني مع المطبات تكفون
~EmPeRor~
30/04/2011, 07:23 AM
اخوي انا عندي الصوت خلفي مريت الوكالة قالو انه من المقصات
يقول الفني اذا غيرناها لك يمكن يرجع الصوت يعني ماعليها ضمان وش الحل تكفون ساعدوني الصوت ازعجني مع المطبات تكفون


يقول كذا لانه ماهو متاكد من وين المشكلة

لكان رح لاحد باصناعية مثل العضيب او الدرع < واشترط انه يضمنها لك

بالتوفيق
goldenrife
30/04/2011, 07:30 AM
الموضوع موا كانوا انتها من زمان :j