حل سريع لحرارة الباث بعد معاناة وأخذ وعطا مع السيارة ومازالت تحت التجربة .. " صوور "

[شروكي ربع]

بسم الله الرحمن الرحيم

أهلاً وسهلاً بكم مجدداً ..

بداية وحتى تكون معنا في الصورة لابد لك من الاطلاع أولاً على الرابط التالي :

الباث الحرارة على الاتش والماء ينثره الرديتر !! ممكن يكون غير الراس ؟؟ بالتأكيد تفضل (http://www.mekshat.com/vb/showthread.php?t=227222)

السيارة أتمت حوالي الاسبوع وحالتها جيدة الا أن ...

الحرارة بدأت في الارتفاع مجدداً عدنا الى فني الرديترات وقام بتنسيم الرديتر من جديد وسط خيارات ازالة البلف ..

الحرارة نزلت مجدداً فاستبعدنا ازالة البلف ..

يومين والحرارة مجدداً ترتفع ..

سألنا عن الخيارات المطروحة فتلخصت في البلفين وراس المكينة استبعدت راس المكينة الا ان الميكانيكي قال ليش شرطا لتلف الراس او وجيه الراس خلط الماء مع الزيت ..

بدأنا في الأرخص وشرينا البلف الداخلي تحت الثلاجة وركبناه وكان القديم كما يلي :

http://i366.photobucket.com/albums/oo107/web012/mno3/0005.jpg


http://i366.photobucket.com/albums/oo107/web012/mno3/0008.jpg

http://i366.photobucket.com/albums/oo107/web012/mno3/0006.jpg

واكتشف الفني تهريب من احدى مواصير الرديتر خلف الثلاجة وتم تلحيمه :

http://i366.photobucket.com/albums/oo107/web012/mno3/P1150687.jpg

خرجت في السيارة مجربا لها من صناعية العروبة وهي أروع مايكون انطلقت على طريق الملك فهد نهاية الصباح متجه الى الدايري مابين 160 الى 140 والحرارة ماشاء الله ممتازة ..

انعطفت مع الدايري الشمالي وانطلقت , مجرد ان حاذيت مخرج عثمان ( 7 ) الا وان الحرارة ترتفع مرة أخرى !!!

اغلقت المكيف وعدت الى الورشه قام بتنسيم الرديتر مرة اخرى وقال جربها ..

خرجت ولم ابعد الحرارة ارتفعت مرة أخرى ..

عدت اليه قال كل مالدي عملته لك مابقي الا راس المكينة !!

سألت أكثر من 3 ورش كلهم قالوا هذا الكلام ..

ذهبت الى ورشه متخصصه في النيسان قال نفس الكلام ولكن ان كنت تبي التجربة شل البلف الداخلي , قلت له توني مغيره جديد !

قال مالك الا الراس اجل !! قلت شرايك اطلع ارفع الحرارة واجيك تفحص زين قال تمام ..

طلعت ومسكت خط صلبوخ - 160 , 140 - والحرارة آخر حلاوة عيت ترتفع :D مجرد أن طلعت مع مخرج الكلية العسكرية ارتفعت الحرارة مباشرة الى فوق النصف اغلقت المكيف وعدت الى الخط ونفس السرعة وبدأت الحرارة في النزول !!

طبعا هذا تطور جديد للحالة أو ماتنزل على كل حال ..

عدنا من جديد على الخيارات المطروحة ,,

بيني وبينكم انا وراعي السيارة ضعنا مابين التكلفة الاضافية الزائدة - شيلت البلف 250 ريال - أو فك الراس ؟

رجعت لمحل الرديترات قال شل البلف الخارجي قلت والله فكرة وانا ماقد جيته لانه يجي كامل مع البلف ..

رحت للورشة وقلت شيلو البلف الخارجي - طبعا هو مثبت في الكوع فإما فك المسماير أو قص القواعد - , وطلع لنا :

http://i366.photobucket.com/albums/oo107/web012/mno3/0007.jpg

قلت باسم الله بأطلع اجرب السيارة , طلعت ومسكت خط صلبوخ مرة ثانية - 160 , 140 - والحرارة أكثر من رائعة توقفت على مخرج الكلية العسكرية ولم ترتفع الحرارة بحمد الله ..

عدت الى البيت والحرارة كما هي بحمد الله تحت الربع بشيء بسيط أو على الربع ..

اليوم الصباح الساعة 9:30 خرجت لتجربة السيارة مرة أخرى ونقلت التجربة مصورة :

بداية الطريق :

http://i366.photobucket.com/albums/oo107/web012/mno3/0001.jpg

المديور من الكلية العسكرية :

http://i366.photobucket.com/albums/oo107/web012/mno3/0002.jpg

الوقوف دقيقتين :

http://i366.photobucket.com/albums/oo107/web012/mno3/jpg.jpg

العودة :

http://i366.photobucket.com/albums/oo107/web012/mno3/0004.jpg

ومارتفعت الحرارة الحمد لله دعست على الموتر في الرجعه بعد والامور تمام .

ومازالت السيارة تحت التجربة ولكن أحببت التعجل في الطرح لما شاهدت من الحاجة لدى الأعضاء لحل سريع وذا جدوى .

* ملاحظة :

كان من ضمن الخيارات فحص السيارة بالكمبيوتر ولكن الفحص لايخرج اذا كان الخلل من الراس او من البلف او من الطرمبة فلذلك لاتقع ضحية فحص كمبيوتر ولايظهر لك في الأخير أي أمر أو فائدة وتخسر مالك .



الخلاصة :

غير البلف تحت الثلاجة بواحد جديد وشل البلف الخارجي عند الكوع , طبعاً بعد تسييخ الرديتر و التأكد المراوح والطرمبة .

بالتوفيق

http://i366.photobucket.com/albums/oo107/web012/d91f46f8.jpg

[شروركي 111]

ماقصرت ,,, ابداع ورايق تصوير ,, الله يكثر من جنسك

[الجبيري1]

الله لايهينك و يعطيك العافية بس البلف الداخلي مكتوب او مختوم عليه درجةالحرارة C82 هل يوجدبلف اقل من هذة الدرجة للباثفيندر للموديلات القديمة، مثل المرسيدس او الشروكي 60،50 زي كذاتقريبا.

[قاع بير]

ما شاء الله عليك

ما مليت من كثر التجربات لو انا كان شبيت فيه...

الله يبارك لراعيه فيه...

تحيه مني لك...

[شروكي ربع]

ما شاء الله عليك

ما مليت من كثر التجربات لو انا كان شبيت فيه...

الله يبارك لراعيه فيه...

تحيه مني لك...




هههه

ياخي وش نسوي براعي الموتر غالي علينا ويستاهل كل خير ..

اللهم آمين .



ماقصرت ,,, ابداع ورايق تصوير ,, الله يكثر من جنسك



الله يسلمك مشكور على الرد .

[شروكي ربع]

الله لايهينك و يعطيك العافية بس البلف الداخلي مكتوب او مختوم عليه درجةالحرارة C82 هل يوجدبلف اقل من هذة الدرجة للباثفيندر للموديلات القديمة، مثل المرسيدس او الشروكي 60،50 زي كذاتقريبا.


لا اعلم للأسف عزيزي .

ولكن أعتقد بلف واحد في السيارة يكفي خصوصاً اذا كانت تشكي من الحرارة .

[سوبر VTC]

الله يعطيك العافيه على التقرير :good:
لا تعبت ان شاء الله
على الاجر :)


اخبر قبل شهر مع احد الاخوان
باثفندر م2005 يحتمي و توصل الحرارة النص
قام بعمل الاتي
تسييخ الاديتر +غير الاديتر بواحد اصلي
غير البلف + الغطاء
و لا ستفاد :no::no:
بعد هالخساير
لقى المشكله من مرواح الكهرب
حصل وحده منهن تدفع الهواء عكس :no:
تضاد => واحده تدفع و الاخرى تسحب
طبع حط ورقه صغيرة على المروحه من عند الشبك
فلاحظ انه تدفع الورقة للخارج اما المروحه الاخرى
فهي طبيعيه تسحب الورقة
قلب الفيش و زانت الحرارة :good:

موفق

[المحترف800]

ألف ألف شكر لك يالغالي ...

[Abu Saad]

بيض الله وجهك على الفائدة ..
طرح مثل هذه التجارب تفيد كثيرا، وتحمي الاعظاء من نصب بعض الورش والتشخيص العشوائي.
عافاك الله.

[محواش]

الله يعطيك العافية على الموضوع المفيد
أخي العزيز شروكي ربع
انا معي باثفاندر موديل 2003 (امريكي)
دائمن حرارة على الثلث قرابة النصف
لو شلت البلف الي في الكوع ممكن تنزل الحراره علماً بأن الحراره ثابته وأول ما أشغل الموتر ترتفع للثلث وتبقى ثابته مع انني بدلت البلف التحتي المتحرك


ارجو الافادة اخي العزيز ,,,,,


اتمنى لك التوفيق .....

[شروكي ربع]

الله يعطيك العافية على الموضوع المفيد
أخي العزيز شروكي ربع
انا معي باثفاندر موديل 2003 (امريكي)
دائمن حرارة على الثلث قرابة النصف
لو شلت البلف الي في الكوع ممكن تنزل الحراره علماً بأن الحراره ثابته وأول ما أشغل الموتر ترتفع للثلث وتبقى ثابته مع انني بدلت البلف التحتي المتحرك


ارجو الافادة اخي العزيز ,,,,,


اتمنى لك التوفيق .....




هلا وغلا ..

مدامها ثابته وزينه لا " تحبرِش" فيها يخوك , وكل أنواع السيارت من تتراوح من الربع الى النص وهذا طبيعي جداً ولايوجد مشاكل .

نصيحتي لاتحرك في موترك شيء ماهنا أحسن منه - ماشاء الله -

[د ك م 586]

اخوي شروكي ربع افهم من كلامك ان الباث له بلفين للحراره داخلي وخارجي
وهل كل السيارات لها بلفين ايضا ؟
لاني لااعرف غير البلف اللي بالكوع مع انه مر علي انواع كثيره من السيارات ماعدا الباث

[بن محفوظ]

الله يبارك فيك اخوي شيروكي ربع


... اول ماشفت الصورة .... حسبت ان الي معك موتري ...


سبحان الله نفس ممشى موتري ...


لاهنت على الموضوع و التوضيح ...


لكن على ماسمعت من الفنيين ...


شيلة البلف .. تضر المكينة في الشتاء ...

[escape_man]

لاتنسى توص رفيقك .. لعد يعبي الا موية مقطرة

موتره مادمره الا موية الحنفية كما يظهر لي

[صقر ا لفز عة]

لا اعلم للأسف عزيزي .







ولكن أعتقد بلف واحد في السيارة يكفي خصوصاً اذا كانت تشكي من الحرارة .


مــجـهـود رآئع مـا قـصـرت / يـعـطـيـك العـآفية.


بـالـنـسـبـة للأخ الي يـــــسـأل عـن بـلـف بـحـرآرة وآطيـة :
أنــا مـُـتـأكـد أن للـكـآبـرس ( والجي أم) بـلـف للحرآرة وآطي درجة 65 والأســـــــآسي حقها 95 .


أمـا مــن يـقـول بــأ ن يــــــــشـيـل ا لـبـلـف (الكوع) من المـُـحـرك لـتـنـزيل الحرآرة /
فـغـلـطـآن : 100%:no2:
زيــت الـمـُـحـرك يـحـتـاج بـأن يــسـخـن شــوي.....
حتى يـتـمـكـن مـــن ا لسـيـولة بـسـهـولة للوصول للمحـلات الضيقة والخروم والفجوآت المـسـآمية البعيدة.


لــــــــكــن أ بـذ ُل الـمـُـسـتـحـيـل مـا تـطـلـع الـحـرآرة كـثـيـر.


شــيـلة الكوع (البلف) أكـبـر خـطـاء مـُـمـكـن يـرتكـبـُه الشخص.:no2: :j :no:
يـد مـُـر الـمـُـحـرك مـع ا لـوقـت .



تـقـبـل مـروري.



عـزيـزي /
تـجـد بـثـنـآيـا دروسي
شـرح مــُـفـيد وعـمـيق ///
أ لـيـك رآبط دروسي:
أ ُعـلـمـك كـيـف تـُـصـبـح مـُهـنـدس سـيـآ رآت وكـهـربائي سيارآت ومـنـآزل ؟؟؟ 100% (http://www.mekshat.com/vb/showthread.php?t=226714) ‏(http://www.mekshat.com/vb/images/misc/multipage.gif 1 (http://www.mekshat.com/vb/showthread.php?t=226714)2 (http://www.mekshat.com/vb/showthread.php?t=226714&page=2)3 (http://www.mekshat.com/vb/showthread.php?t=226714&page=3))



تـــــــحـــــــــــــيــــــــــــــــــــــــآ تــــــــــــي

[smsm007]

يعطيك ألف عافيه
ما شاء الله عليك سعة صدر في الشرح وإبداع في التصوير
وربي يعطيك خيرها ويكفيك شرها ... وتقبلوا مروري

[الساهر2003]

هلا ومرحبا اخوي ,,

وبيض الله وجهك وحرم هالوجيه الطيبه عن النار وكل مسلم ,,

طيب اخوي انا عندي الحبيب الاجودي ابوبندر امورة زينه الحرارة فوق الربع ,, لكن في السريع اذا تعديت الـ 160 تبدأ بالارتفاع تدريجي وتاقف على النص بالضبط لو امشي 200 طبعا قي النهار ,, لكن في الليل ولله الحمد ماتتعدى الثلث ,, وفي النفود اذا خذت لي فترة تاصل النص وتتعداه بشوي مع الجلد واذا وقفت شوي رجعت ,,

رايك هل اشيل البلف ..؟؟

[شروكي ربع]

اخوي شروكي ربع افهم من كلامك ان الباث له بلفين للحراره داخلي وخارجي
وهل كل السيارات لها بلفين ايضا ؟
لاني لااعرف غير البلف اللي بالكوع مع انه مر علي انواع كثيره من السيارات ماعدا الباث


المعلومة جديدة علي أيضاً لأول مرة أعلم أن هناك سيارة بداخلها بلفين .

الكوع هو الخارجي والداخلي أسفل الثلاجة وهو الغثيث .

[شروكي ربع]

هلا ومرحبا اخوي ,,

وبيض الله وجهك وحرم هالوجيه الطيبه عن النار وكل مسلم ,,

طيب اخوي انا عندي الحبيب الاجودي ابوبندر امورة زينه الحرارة فوق الربع ,, لكن في السريع اذا تعديت الـ 160 تبدأ بالارتفاع تدريجي وتاقف على النص بالضبط لو امشي 200 طبعا قي النهار ,, لكن في الليل ولله الحمد ماتتعدى الثلث ,, وفي النفود اذا خذت لي فترة تاصل النص وتتعداه بشوي مع الجلد واذا وقفت شوي رجعت ,,

رايك هل اشيل البلف ..؟؟




موترك مافيه الا العافية وحرارته وكالة ماشاء الله ..

لاتلعب فيه ولاشيء وهذا هو الطبيعي .

موفق

[الساهر2003]

الله يجزاك خير ويعافيك اجل شورك وهداية الله ,

[a7md al-q9em]

ماقصرت يالغالي مشكووور

[سوبر VTC]

المعلومة جديدة علي أيضاً لأول مرة أعلم أن هناك سيارة بداخلها بلفين .

الكوع هو الخارجي والداخلي أسفل الثلاجة وهو الغثيث .




المشكله بالبلف الداخلي عند صدر الغمارة
لو يقفل او يثقل او يعلق
ضربت الحرارة :no:

[سوبر VTC]

لاتنسى توص رفيقك .. لعد يعبي الا موية مقطرة
موتره مادمره الا موية الحنفية كما يظهر لي


صدقك ياولد العم :good:
الماء العادي => مع الايام يتكون طين بسبب الاملاح
يسدد عليك الاديتر و يخرب البلف و تسكر مجاري الماء بالسلندر و الراس
و تتاكل رقع المكينه و تهرب => لانه ماء عادي و به نسبة املاح عاليه :no:
افضل حل
ماء مقطر + 2لتر محلول اي سي ديلكو او مرسيدس او علبه تويوتا 1لتر
اذا زادت نسبة المحلول فما يصلح
لانه زيت مانع للصدا و التجمد و ما يخفض الحرارة بالشكل المطلوب

[قرم العيال]

يعطيك العافيه ..

بس تقل هالمشكله

موجوه فقط بالتماتيك اما العادي الظاهر الوضع طبيعي ..

يمكن من زيت القير !!! وهل الباث نفس الفتك التماتيك .. مبرد المكينه وزيت القير واحد !!

[نيسان 807]

المعلومة جديدة علي أيضاً لأول مرة أعلم أن هناك سيارة بداخلها بلفين .



الكوع هو الخارجي والداخلي أسفل الثلاجة وهو الغثيث .



تجربه فيها معلومات قيمه ......

اما بنسبه للبلف الداخلي فهو يفضل انه ينشال مع مسامير الثلاجة لانك فاك فاك الثلاجة

[سوبر VTC]

يعطيك العافيه ..
بس تقل هالمشكله
موجوه فقط بالتماتيك اما العادي الظاهر الوضع طبيعي ..
يمكن من زيت القير !!! وهل الباث نفس الفتك التماتيك .. مبرد المكينه وزيت القير واحد !!


صدقت ياقرم :good:
مبرد الزيت اذا كان بداخل طبلة الاديتر يسبب حرارة :)

[شروكي ربع]

يعطيك العافيه ..

بس تقل هالمشكله

موجوه فقط بالتماتيك اما العادي الظاهر الوضع طبيعي ..

يمكن من زيت القير !!! وهل الباث نفس الفتك التماتيك .. مبرد المكينه وزيت القير واحد !!

صحيح زيت القير في نفس الرديتر ولكن لايسبب الحرارة هذه , صحيح هناك فرق بسيط بينه وبين القير العادي ولكن لايسبب هذه الحرارة بأي حال من الأحوال ولا له سبب في ذلك .




تجربه فيها معلومات قيمه ......

اما بنسبه للبلف الداخلي فهو يفضل انه ينشال مع مسامير الثلاجة لانك فاك فاك الثلاجة



ملاحظة قيمة و أشكرك على طرحها لأني غفلت عنها في الموضوع بحكم أن السيارة فاكين مسامير الثلاجة سابقاً .

[شروكي ربع]

يعطيك ألف عافيه
ما شاء الله عليك سعة صدر في الشرح وإبداع في التصوير
وربي يعطيك خيرها ويكفيك شرها ... وتقبلوا مروري


مرورك كريم ..

ومشكور على الرد يالغالي .

[محواش]

احين اخوي شروكي وش نصيحتك نشيل البلف الداخلي والا الخارجي

[شروكي ربع]

احين اخوي شروكي وش نصيحتك نشيل البلف الداخلي والا الخارجي

بالنسبة لموترك نصيحة لاتسوي شيء .

أما من يعاني من حرارة يشيل البلف الخارجي ويغير الداخلي بجديد .

[الجبيري1]

[quote=شروكي ربع;3180178]
لا اعلم للأسف عزيزي .



ولكن أعتقد بلف واحد في السيارة يكفي خصوصاً اذا كانت تشكي من الحرارة .
يعطيك العافية هل يكفي بلف واحد ،يعني العكس لواشيل الداخلي واكتفي بالخارجي

[شروكي ربع]

يعطيك العافية هل يكفي بلف واحد ،يعني العكس لواشيل الداخلي واكتفي بالخارجي

لا اعلم عزيزي ..

تجربتي مع الخارجي فقط وهو الأرخص والأقرب والأسرع .

ومازالت السيارة بحمد الله على حالها بعد الحل .

[الجبيري1]

السلام عليكم
الأخ شروكي ربع
بيض الله وجهك ورحم الله والديك.
قمت بفك الثلاجة وتغيير البلف الداخلي - جديد- وقص البلف الخارجي والغاة تماما كما فعلت ولله الحمد الحرارة على الخط الاول ، :good: :good: :good:
واكرر شكري من اعماق قلب

[الراقي 999]

يعطيك العافية

[شروكي ربع]

السلام عليكم
الأخ شروكي ربع
بيض الله وجهك ورحم الله والديك.
قمت بفك الثلاجة وتغيير البلف الداخلي - جديد- وقص البلف الخارجي والغاة تماما كما فعلت ولله الحمد الحرارة على الخط الاول ، :good: :good: :good:
واكرر شكري من اعماق قلب



الحمد لله ..

وحياك الله يالغالي وموتر الرجل كما هو بحمد الله ولم يواجه أي مشاكل .

[شامخ ألهيلا]

الله لايهينك وبيض الله وجهك على الفزعه لخوويك
ليتك خويي لي بشغلك معي :D

بس وانا اخوك قل لصاحبك يغسل الاديتر ويغير الموويه الى خضراء ولا حمراء تويوتا
مادام الموتر الان مافيه بلووف
واعرف سياارات مع شيبان لها 15 سنه من فكها من الوكاله وهو فااك بلف الحرااره وماشيه معهم احس من سياراتنا

[.أبوعبدالرحمن]

الله يعطيك العافية


وجهد مشكور عليه

[شط العرب]

طرح رائع أخ شروكي تشكر عليه وتشخيص للمشكلة بكل سهولة ودقة .
أريد منك مشكوراً إعطائي تصور لحالة سيارتي البافندر 2004حيث أنني أعاني من نقص في ماء الإيديتر وجميع الورش في مدينتي الزلفي أجمعوا على أن النقص عن طريق رأس المكينة إما فيه شعر أو يحتاج تغيير وجه رأس مع العلم أنني أشاهد الماء يخرج بكثرة مع شكمان السيارة .
ولكن تكلفة فتح الرأس كبيرة وخوفي أن لا يكون هذا مكمن الخلل كون أن مدينتي ليس فيها من هو متخصص بمثل هذه السيارة .
بماذا تنصحني بارك الله فيك مع العلم أن بلف الحرارة الخارجي مفكوك وغيرت عطا الإديتر وما فاد وهل للبلف الداخلي دور ولو تم تغييره تنحل المشكلة .

وتقبل تحياتي ...

[بن محفوظ]

الله لا يهينك اخوي شيروكي ربع .. وكذلك الآخوان على المشاركة و التفاعل

لكن ياليت تعلموننا كم سعر البلف الخارجي و الداخلي ...


لاهنتم و بارك الله فيكم

[شروكي ربع]

طرح رائع أخ شروكي تشكر عليه وتشخيص للمشكلة بكل سهولة ودقة .
أريد منك مشكوراً إعطائي تصور لحالة سيارتي البافندر 2004حيث أنني أعاني من نقص في ماء الإيديتر وجميع الورش في مدينتي الزلفي أجمعوا على أن النقص عن طريق رأس المكينة إما فيه شعر أو يحتاج تغيير وجه رأس مع العلم أنني أشاهد الماء يخرج بكثرة مع شكمان السيارة .
ولكن تكلفة فتح الرأس كبيرة وخوفي أن لا يكون هذا مكمن الخلل كون أن مدينتي ليس فيها من هو متخصص بمثل هذه السيارة .
بماذا تنصحني بارك الله فيك مع العلم أن بلف الحرارة الخارجي مفكوك وغيرت عطا الإديتر وما فاد وهل للبلف الداخلي دور ولو تم تغييره تنحل المشكلة .

وتقبل تحياتي ...


لا اتعقد ان البلف الداخلي راح يفرق معك لو تغيره ولكن شيك على الماصورة خلف الثلاجة مثل اللي في الصورة :

http://i366.photobucket.com/albums/oo107/web012/mno3/P1150687.jpg

اللي فيها لحام ذهبي ممكن منها , وممكن من نفس شبكت الرديتر فيها تنسيمات وتهرب تهريب بسيط تأكد من الرديتر أيضاً ..

موفقين

[شروكي ربع]

الله لا يهينك اخوي شيروكي ربع .. وكذلك الآخوان على المشاركة و التفاعل

لكن ياليت تعلموننا كم سعر البلف الخارجي و الداخلي ...


لاهنتم و بارك الله فيكم



لا اعلم السعر بالضبط عزيزي ولكن في حدود 50 ريال الاصلي تزيد او تنقص شيء بسيط

[شط العرب]

الله لا يهينك اخوي شيروكي ربع .. وكذلك الآخوان على المشاركة و التفاعل

لكن ياليت تعلموننا كم سعر البلف الخارجي و الداخلي ...


لاهنتم و بارك الله فيكم

البلف الخارجي يأتي مع الكوع وقيمته بعد الخصم 95ريال

أما اللي تحت الثلاجة 55ريال .

ولك تحياتي .

[شروكي ربع]

البلف الخارجي يأتي مع الكوع وقيمته بعد الخصم 95ريال

أما اللي تحت الثلاجة 55ريال .

ولك تحياتي .



اشكرك عزيزي على الايضاح :good:

[النادر6]

انا عكسك يراعي الباث شريت باث 2005 الحراره ممتازه بس لما ادخل النفود يحتر يتعدا النص صيخت الاديتر وحطيت ماء اخضر اصلي فكيت البلف الداخلي خفت الحراره شوي على الخط زين والمكيف شغال ثابته على الربع بس من يشوف النفود يولع مدري الموتر خكري او مدري وش السالفه انا افكر بتركيب مراوح كهرب هل هي زينه للباث ام لا ارجو الافاده .

[شروكي ربع]

انا عكسك يراعي الباث شريت باث 2005 الحراره ممتازه بس لما ادخل النفود يحتر يتعدا النص صيخت الاديتر وحطيت ماء اخضر اصلي فكيت البلف الداخلي خفت الحراره شوي على الخط زين والمكيف شغال ثابته على الربع بس من يشوف النفود يولع مدري الموتر خكري او مدري وش السالفه انا افكر بتركيب مراوح كهرب هل هي زينه للباث ام لا ارجو الافاده .



كل الباث كذا يالغالي يرتفع على طول مع المطاعس ..

لو تتمشى عادي ما يرتفع .

[4800 VTC]

الله يعطيك العافيه

وما قصرت

[غربي هواوي]

بارك الله فيك

[قطوعه]

الله يجزاك خير ....

[abu fares]

أبشرك أني شلت البلف الخارجي قبل ما يكمل الموتر تمرينه

[ظل الماء]

الله يعينك قضى البنزين
http://i366.photobucket.com/albums/oo107/web012/mno3/0004.jpg
;) ;)

[مكيف]

السلام عليكم ...
الحمد لله انك لقيت حل للحراره لكن المشكله إذا فكيت البلف الخارجي للسياره في عز البرد ما يحتمي الموتر وإذا مسكت خط صارت الحراره على c كانه توه مشتغل .

[الموسيقار6]

هل تنصحون بفك البلف الداخلي والغاءه والأكتفى بالخارجي وماهي مضاره اذا شلته ,,

[مكيشيت]

مشكور أخي على جهدك الرائع

بالنسبة لي لا ترتفع الحرارة الا عندما اشبك الدبل وادخل الطعوس

بأسيخ الرديتر وأحط ماء رديتر اصلي وأشوف

[مسرع بشويش]

أخوي أنا معي باثفندر 2004 ....
واشتكي من الحراراة وياهي معاناة الله لا يوريك ....
واللي سويته
1) صيخت الرديتر و حطيتله مويه مقطرة أصلية .
2) غيرت بلف الحرارة الداخلي والخارجي وكالة .
3) تغير أكثر من الليات بسبب أني لقيت أكثر من لــي فيه تشققات .
بعد ماسويت هذا كانت الحرارة ترتفع الى فوق النص وتنزل . وفي النفود توصل الى H ولازم تاخذلها ساعة الى ساعتين لين تبرد .

بعدها اكتشفت ان فيه خراب في تماتيك المروحة وغيرته وكالة , بعدها صارت الحرارة أول ما أمشي فيه كيلو ترتفع الى H على طول .
فهـــل تنصحني أني أشيل البلف الخارجي
وماهي الورشة اللي تنصحني اروح لمها .

في انتظارك أخوي ,..

[turkiq]

أخوي أنا معي باثفندر 2004 ....
واشتكي من الحراراة وياهي معاناة الله لا يوريك ....
واللي سويته
1) صيخت الرديتر و حطيتله مويه مقطرة أصلية .
2) غيرت بلف الحرارة الداخلي والخارجي وكالة .
3) تغير أكثر من الليات بسبب أني لقيت أكثر من لــي فيه تشققات .
بعد ماسويت هذا كانت الحرارة ترتفع الى فوق النص وتنزل . وفي النفود توصل الى H ولازم تاخذلها ساعة الى ساعتين لين تبرد .

بعدها اكتشفت ان فيه خراب في تماتيك المروحة وغيرته وكالة , بعدها صارت الحرارة أول ما أمشي فيه كيلو ترتفع الى H على طول .
فهـــل تنصحني أني أشيل البلف الخارجي
وماهي الورشة اللي تنصحني اروح لمها .

في انتظارك أخوي ,..


اسف اذا تدخلت بس بقولك نصيحتي :

*غير غطاء الرديتر (اصلي طبعا)
*ان ماتغير شي .. فك البلف الخارجي.
*ان ماتغير شي فك الداخلي.

انا اشوف ان هذي الخطوات
من الاسهل للاصعب وتقدر تحكم
من خلالها وين المشكلة بالضبط

[راعي البهقا]

جزاك الله خير على هذا الطرح المتميز يا شروكي ربع

لكن ياشباب فك البلف راح يأثر على المكينة فلابد للزيت ان يحتمي لدرجة معينة لكي يسهل تنقلة بين اجزاء المكينة الحل في هذه المشكله عندي ياشباب ويقولون أسأل مجرب ولا تسأل خبير الحل هو في الراديتر الاردني وقد سبق لي ان كتبت موضوع في حرارة الباثفيندر بعنوان
إلي من يعاني من حرارة سيارتة على الرابط : http://www.mekshat.com/vb/showthread.php?t=286666

ارجو المرور والاستفادة لان المقصد توفير الجهد والمال ،،،

ولكم تحياتي ،،،

[مركز حراره]

بلف الددسن يركب للبلف الداخلي ورقمه 76.5
بلف البلد95
والافظل تركيب 82

[البهلواني]

اخوي شروكي ربع افهم من كلامك ان الباث له بلفين للحراره داخلي وخارجي
وهل كل السيارات لها بلفين ايضا ؟
لاني لااعرف غير البلف اللي بالكوع مع انه مر علي انواع كثيره من السيارات ماعدا الباث


بعد اذن صاحب الموضوع طبعاً


بالنسبه للباث الموديلات اللي فيها بلفين داخلي وخارجي هي من 2003 وبعد ((مكينة 3500))


اما من 2002 وقبل فيها بلف واحد وهو الخارجي ((مكينه 3300))


طبعاً الكلام هذا للجيل القديم اما الجديد فلا اعلم عنه شئ

[عاشق نصب باث]

والله انك كفو بيضتها
والله اني كنت ابي اقول عطوني حل بالحراره
بس بيض الله وجهك يا اخو العيال

[ابو محمد 1811]

السلام عليكم

اخواني الي يبي يرتاح من الحراره في التطعيس والسرعه يركب الرديتر الصيني وينام

انا اول ما شريت الباثفندر بهذلتني الحراره في البر وسألت ابو ابراهيم وقالي ركب الصيني وشل البلف الداخلي

وبتنسى الحراره ومن بعدها ياربي لك الحمد ما عمري شفت الامبير فوق الربع

بس فيه معلومه قالها لي صاحب محل الرديترات السعودي الي بالصناعيه انه المويه المقطره

افضل من المويه الحمرا لان الحمرا ثقيله على طرمبة المويه لانها قديمه

وقالي ترا انا منب مستفيد من النصيحه هاذي لان المويه الحمرا اغلى من المقطر واذا

بعتها لك انا المستفيد

موتري 2005 قير عادي خليجي