الفزعه يالنشاما

[جير وكري]

انا بعدني مبتدئ و هذا ثاني طير لي اول طير غدا اول يوم بالعيد الناس معيده مع هلها و الربع وانا معيد بين المزارع والشوارع هههه اسمه خريش الله يعقله و بعده ما تعلم على التلواح هو غادي بالشهامه (ابوظبي) صوب المزارع.... واليديد اسمه فلاح عساه يفلح انشاءلله الطير وسرته طيبه و تقاطيعه تقول وحش نوعه وكري في حر هولندي باعه ريال على محل المقناص و انا خذته ويقول راعي المحل ان راعيه يقول انه معلمنه على الحمام بخيط بس عيزت وانا احاول اعلمه على التلواح ومادري لكن احس ان السبب هو انه يتروع بالبر لنه يوم يكون بالميلس ما عنده اي مشكله انقزه من اول الميلس لين آخره ومره حطيت له عشاه على التلواح و تحت برقعه وندهته ياني على طول بس اول ما اطلعه الحوش طبعه يتغير ويبدا يخافق شو الحل وياه و بالنسبه للتربيب مربب و اشله على الدس بالساعات طبعا بالميلس و لا يخافق الحمدلله وامسح على صدره واسقيه الماء من الفنيان والحمدلله ...خوفي اخرب طبعه ويكون صعب تدريبه عقب...

[هماش]

السلام عليكم

مرحبا اخي جير وكري

حاول انك تدعي الطيـر في البر قبل اذان المغرب بخمس دقايق او عشر دقايق
ويكون الطير مربوط بخيط (سبب ) وحاول انك تنزله على الحمامه
تم على الوضع هذا كم يوم يعني حاول ان الطير يشوف الفضاء وشمس المغرب
لين يتعود الطير على السفر
وبعدها تدريجين اربط له حمامه في التلواح ونزله
وعسى الله يوفقك يارب ويطعمك من صيده

[جير وكري]

تسلم شيخي يزاك الله خير...واليوم المغرب بجرب انشاءالله واللي بيزيد على هل النصيحه الطيبه يكون ما قصر

[مشبر البران]

الأخوان ما يقصرون

[moafaq999]

ماقصر هماااااااااش
والاخوان مايقصرون

[@قرناص@]

يالغالي معروف الطير اذا طلع للخلآ تتغير من نفسيته //

وكثر خروجه للمدعى وابدى معه من الصفر من ناحية التلواح ولاتنسى تجويع الطير وربطه بسبب وشكرآ ..

[جير وكري]

مشكورين و شرفني مروركم ... واليوم بوديه البر و ان ما هد ما بعشيه وانشاءالله باكر بيهد

[جير وكري]

ابشركم الطير هد يالربع مشكورين ويزاكم الله خير

[@قرناص@]

ابشركم الطير هد يالربع مشكورين ويزاكم الله خير


مبروووك ..

وفآلك جول الحبآرى ،،

[جير وكري]

الله يبارك فيك يالغالي و فالك الخرب العوود انشاءالله

[ابو امنه]

موفق خير يالغالي