المساعد الشخصي الرقمي

مشاهدة النسخة كاملة : ثلاثه لا...........


خشم الحصان
09/09/2004, 10:36 PM
الاخوه الغالين
السلام عليكم
اذكرو الله قبل
ثم صلو علي النبي
مره من حوالي اسبوع وكنت اتمشي في احد الاوديه الجنوبيه من الطفش لقيت شايب الله يغفرله ويختمله بخير جالس قلت ياولد ورا ماتسولف مع هالشويب وتاخذ منه خبرة عمره ويمكن تلقي شي يفيدك ويفيد ربعك وعقب السولف قلت ياعم ابي منك نصيحه قبل لاامشي الله يجزاك عنا بدخول الجنه قال شف ياولدي.
ثلاثه لا توقف في وجيهم (يعني نطحهم او مقابلهم وجه بوجه)
قلت هاة الله يغفرك امين
قال
السيل لاتصير بوجهه قلت والله انك صاز
قلت الثانيه الله يرفع قدرك
قال
الثور لا تامنه ولو تعطيه علف كل يوم قلت ياوالله الي جبتها
قلت انهج الله يثيبك عطني الثالثه
قال المجنون لاتصير بوجه وفي يده شي
قلت جعل الي جابوك في جناته منهو الي بيتعض .
ويكثر الثوره والمجانين الي يجون في نطح السيل
اخوكم
خشم الحصان
راع الكحيلة
09/09/2004, 11:40 PM
الله يرضى عليك ويغفر لنا ولك والشايب ولكل المسلمين

نصائح تشرى بالمال

ومعاني جزلة تحتمل التأويل

((لا تنطح السيل))

لا تنطح الكثرة ولا تنطح اللي مانت بقبيله

((لا تنطح الثور حتى لو انك انت اللي تعلفه))

لا تأمن من يضيع معه المعروف

((لا تأمن المجنون وفي يده شيء))

ويا كثرهم خاصة من كان بيده السلاح وما ننسى القصة اللي ذكرها أحد الإخوة عن ذاك اللي رمى واحد والسبب خلاف على طوير ما يشبّع حتى القطو
خشم الحصان
14/09/2004, 08:37 AM
الاخ الغالي
خشم الحصان
14/09/2004, 08:41 AM
الاخ الغالي
راع الكحيله
السلام عليكم
اخي الحبيب صبحك بالخير وشلونك الله يغفرلك ويرفع من قدرك مشاء الله عليك هو انت معنا صرة اخير من الشايب يابعدهم ويومك خابر(ن) هالحسي ورا ماعلمتنا الله يجزاك عنا كل خير عموم مشكور كل الشكر
علي مرورك والمشاركه والزياده الله يزيدك من خيره
اخوك
خشم الحصان
laith
14/09/2004, 10:54 AM
السلام عليكم ورحمة الله وبركاته

يامرحب ومسهلا بخشم الحصان

ذالحين تبي تقول انك شباب يعني ! بل وفي عمر الزهور ! بدلالة عدة امور :


الأصل كُتب بواسطة خشم الحصان

لقيت شايب الله يغفرله ...........
قلت ياولد ورا ماتسولف مع هالشويب.............
قال شف ياولدي................

خشم الحصان

اييييه هين !!!!!


بارك الله فيك ورحم والديك .. ونفع بك !
بن ذيب
14/09/2004, 01:23 PM
السلام عليكم ورحمة الله وبركاته

ثلاثة نصائح في محلها ، لكن وين اللي يفتهم من بعض

الناس والجهلة .

جزيت خيرا ، ودمت سالما
الطبيب
14/09/2004, 05:34 PM
خشم الحصان شايب

وطلع شايب جديد (( راع الكحيله )) :)

لا وبعد يفسر معاني الحكم

الظاهر ان الشايب اللي انت لقيت يا جدي (( خشم الحصان ))

هو احد اعضاء مكشات

والظاهر والله اعلم

انه

















راع الكحيله :)

هذا والله اعلم

والسلام ختام
المربد
14/09/2004, 09:30 PM
يقولون ما يفل الحديد الا الحديد ،
وانا اقول ما يفهم كلام الشياب الا الشياب اللي مثلهم.


جزاكم الله خير من نصح ونقل وفسـر...!!
أبو يوسف
16/09/2004, 11:58 AM
نصائح ذهبية
المهم الاتعاظ والعمل بمقتضاها


مشكور اخوي خشم الحصان على التنبيه

مع التحية ...
ابو درع
21/09/2004, 05:09 PM
فهمنا ذولي ياخشــــــم الحصان

خذ من صـحصح لاتصير نعسان

لا تحط راسك بوجــــه شكمــان

ولاتفك غطاء الكاتم وهو مليان

ولا توقـف اليموزين فيه افـغان

ولا ترفض طلب عطشــــــــــان
خشم الحصان
22/09/2004, 11:48 PM
الاخوه الغالين
السلام عليكم
كلن بسمه
الاخ الغالي
ليث(اسد)
والله ياخيي وش تبين اقول الله يرحمنا برحمته امين ان قلنا ولد قالو لا وان قلنا شايب قالو شكلك توك صغير
غدينا مثل راعي المثل الي يقول(دخلوه غار وشبو عليه نار ان قام طقه الغار وان قعد احرقته النار )حلها يابعدهم والله مير محييك والله يعفو عنا وعنك امين
اخوك
خشم الحصان
...............................
الاخ الحبيب
بن ديب او ذيب عاد انت ابخص
حياك الله يابعدهم ويا هلا مرحبا فيك نبي نصبر لين الله يفرجها ويركدون وعسا الله يطامنهم بسمه امين
الله يجزاك عنا بدخول الجنه علي هالدعاء وانت مثل امين
اخوك
خشم الحصان
..................................
الاخ الحبيب والغالي
طبيب (الغفله)
الله يرفع من قدرك ياخيي دنيا واخره امين ويعز مقدرك بس ترنا راضين بكلمة الشايب بس ياخيي فكنا من (جدي) جلادو ظهر العدو بخيازرين منقعه في طشت مليان ماء وملح الحين شايفني فراش عند باب مدرسة بنات يومك تقول (جدي) الحين كن حنا نتجرع حلتيت ومره اذا قلت شايب وزود علي البلاء عوانه
لالا مهوب هو الشايب الي شفته يشبه راعي كحيله فيه منك شبه لقيه قاعد يشرح في مصران صخله والضاهر ان طبيب متقاعد وهقوتي انه انت
حياك ربك يابعدهم والله يغفرلك امين
اخوك
خشم الحصان
.......................................
الاخ العزيز
المربد (الملبد)
وانت بعد صف معهم ياخيي غادين كنكم ماسكين سرا عند خباز عايدي اقول ماتقول شابت عيون العدو امين
الله يغفرلك يابعدهم قل امين
اخوك
خشم الحصان
..........................................
الاخ الغالي
ابو هديل
هلا وكل ال هلا يابوهديل الله مير يجزاك عنا بدخول الجنه امين ياخيي
اخوك
خشم الحصان
...........................................
الاخ الحبيب
ابو درع
ياخيي هذي قصيده ولا وشهو لا لا لا لا لا اجل خذ بعد
لاياك تولع كبريت وفي اثمك بنزين
ولاياك تحول مع الدرج وفيه قشر موز
ولاياك ترقد علي السله وانت فيك وسنه*
ولاياك تعشاء اذا نسبوه في الصحن
دريت ياخيي انها قصيده
طيب اذا طلب العطشان مني السحله يبي يشرب منها وهومايدري ان الي فيها قاز ارده ولا اعطيه
الله يغفرلك يابعدهم
اخوك
خشم الحصان
الوسنه هي تعني الشخص الذي يمشي وهو نائم
..........................................
ابو درع
24/09/2004, 10:08 PM
عطيه بشرط ما يكون بجنب نيران

علشان ما يقب وتصــــــــير ندمان




اقول ايه هين الوسنه الشخص الذي يمشي وهو نائم نايم

الوسنه ............ الوناسه

وفه ناس يقولون ...... الوساده :D
خشم الحصان
27/09/2004, 12:04 AM
الاخ الغالي
ابو درع
السلام عليكم
نقلبها دوانية شعر اها وش رايك
الوسنه .............هي الوناسه:rolleyes: يصير خير الله كريم
ماقول الا الله يغفرلي ويغفرلك امين
اخوك
خشم الحصان
نقا هشال
29/09/2004, 06:32 AM
اخوي خشم الحصان هلاومسهلا

وتسلم على الموضوع......
الموحد
29/09/2004, 10:51 AM
السلام عليكم ورحمة الله وبركاته
خشم الحصان الله يصبحك بالخير يابعدهم
الله يجزاك عنا وعن المكشاتيه الف خير وتحية ........ والله ياطلتك وسواليفك أشهى علي قليبي من الطحينيه
وترا أن قلت ( إن شاء الله بعد الدعاء ) أبعلم عليك (الربع) :D :D
بهواك لاتقول ما قاله الموحد ;) :j:
وأسلم لمن يحبك ويغليك :heart:
خشم الحصان
29/09/2004, 10:26 PM
الاخوه الغالين
السلام عليكم
حياكم الله كلن بسمه
....................
الاخ الغالي
نقا هشال
مرحبآ فيك عدد ماهل المطر وعدد ماطاف الحجاج يابعدهم والله يغفرلك يالغالي
اخوك
خشم الحصان
.........................
الاخ الكريم
الموحد
انا من يوم شفتك تهايق من ورا الثلمه ذكرتني منول اذا جينا نطب في الحيايل* قمنا نتهايق لايا الفلاليح فيه وبطني مغصني ان كان انت اللي علي بالي الي منول يلبس درابيل:cool: شف يابعدهم
وهذي شفره ميعرفها الا ناس معينه (إن شاء الله بعد الدعاء ) لئنه فيه واحد موذيني ديم ينتق في وجهي اذا قلتها انت راعي المستوبيش التربو ان كانه انت ياوالله الي رحنا قش مطلقه عاد مالقيت الا حلاو طحنيه نمله
الله يغفرلك.
لا ياخيي اركد الا علمتني قطع جعلك ما تطيح علي عوره فضيحه
هذي(وأسلم لمن يحبك ويغليك) والله مدري عنك سنها سايده اخيي ودي اصدق بس دخلتك سنه واحد جاي من العمل ويبي غداء ورجف الباب برجله
حياك ربي يابعدهم وان الله يغفرلك ويرفع من قدرك يالغالي هه وش رايك ماقلت (ان)
اخوك
خشم الحصان
الحيايل. جمع حياله والحياله هواسم النخل منول مهوب الحين بستان مزرعه استرحه حديقه الله يلوع سبد العدو