المساعد الشخصي الرقمي

مشاهدة النسخة كاملة : *من شان* الفروخ والبيض * تركنا الحباري*


الفيتو
10/09/2004, 05:48 AM
بسم الله الرحمن الرحيم
السلام عليكم ورحمة الله وبركاته

مره رجعنا من المقناص الأخير في نفس السنه وكنا قد عزمنا علىتعليق الشبك و ربط الطيور وتنظيف البنادق وقضب السلوقي الطيب وتصريف الليـ.... كانت سنة خير وصيد والحمد لله اقمنا في البلد كم يوم إتصل بي صديق وقال ابشر لك بطير اهدانيه احد الأصحاب قلت مبروك ووش لونه وعلومه قال فرخ حمر طير
عرب معلم علىالحبارى ويمدحون طياره ويقولون ينش الشلو 100 مره قلت ماشاء الله ووش
بتسوي به الوقت قفى قال نويت اقنص وودي نتخاوى انا وانت حاولت اتفكك منه لكن لزم قلت
تم والنيه وين ؟ قال ابو فلان مريض بنزوره وندوج عنده كم يوم يذكرون حباري وربيع
حليب مصاغير وهرفي يرعى عشب ويرضع امه وفقع وقنصنا بطيرين طير طلع
وفرخ رفيقي هذي الصوره تبين الربيع اللي وصلناه وصممت اخذ فيه صوره
لأني ما قد شفت الموقع هذا مربع بالشكل ذا الله يعيده سنين وسنين
http://www.mekshat.com/pix/upload/images5/mk8575_a.jpg

الحاصل بعد ما تطمنا على خوينا قنصنا ذبحنا حباري وشفنا فعل الطير وتمتعنا هذي صورة بعض ما صدنا
وهذا رفيقي مع طيره وصيده
http://www.mekshat.com/pix/upload/images5/mk8575_bb.jpg

تفاجأنا مره يوم طلع الطير ولا الحبارى تكوبر بطريقه غريبه وتهرب بطريقه اغرب صادها الطير ونزلنا عند المصاد وتقصصنا عسى يكون معها غيرها ولا جرة فروخ الحبارىقصصنا شوي ولقينا هالفروخ
http://www.mekshat.com/pix/upload/images5/mk8575_c.jpg

تكررت العمليه اكثر من مره وقمنا بشيل الفروخ معنا ولا ندري كيف نتعامل معها وفي المره الثانيه طلع الطير وشفنا الحبارى تكوبر بنفس الطريقه الغريبه لحقنا الطير ورمينا الشلو وطيرنا الحبارى حتى ابتعدت لكنها رجعة قريب منا سبحان الله قصصنا في مطيرها ووجدناها هارب من موقع الفروخ 30متر ثم بدأت
تكوبر ووجدنا الفروفخ اتفقنا على حط الفروخ اللي معنا مع الفروخ هذي عساها تقوم برعايتهم
مع فروخها ورحنا في سبيلنا وقررنا ما نهد على الطلع نكتفي بالتوجه يم حروة طلعه ونتأ كد
ثم نهد وصارت الهدات من صالح الفرخ في الغالب , لكن في يوم قصينا حبارى ولا شافها
الطير قلت يمكن طايره رفيقي صمم يقصها لين يشوف مطيرها وقفنا حولها وقصها
لين طارت بين يديه وطلبها الطير وحنا غافلين وراح في جرتها ولا صادها رمينا
له الشلو وقضبناه وجانا رفيقي وقال الحبارى راحت قلنا راحت قال ابرك
المكان اللي طارت منه شوفوا وش لقيت فيه صورنا معه ورديناه مكانه
http://www.mekshat.com/pix/upload/images5/mk8575_z.jpg

. وتوقفنا عن المقناص لهذا السبب وقصرناها على الدحاريج والورور
كان التوقيت في نصف شهر مارس انتبهوا
والسلام
الفيتو
http://www.mekshat.com/pix/upload/images5/mk8575_w.jpg
abo fahad
10/09/2004, 06:00 AM
بيض الله وجيهكم عزالله اقديتوا بفعلكم والله يرزقكم الصيد الطيب دايم......وين محلكم الي فيه الصور؟ اخوك ابوفهد :) :)
المري
10/09/2004, 07:21 AM
اخوي الفيتو

اسال الله العلي القدير ان يعودكم على الصيد والفيد


وماأبطى هذه الصور!!!!!!!!!!!!!!!!!!!!!!!!!


الله يوفقك ويوفقك الجميع..

اخوك / المري
بوصقر
10/09/2004, 08:44 AM
ماشالله عليك يالفيتو هذي اطباع القناص ولابلاش

جزاك الله خير على هذي المشاركه الجميله ولا تحرمنه من مشاركاتك مع الايام وخاصه الصور القديمه

ونرجو ذكر التاريخ ان وجد
$عاشق الحرة$
10/09/2004, 09:00 AM
الأصل كُتب بواسطة المري
اخوي الفيتو

اسال الله العلي القدير ان يعودكم على الصيد والفيد


وماأبطى هذه الصور!!!!!!!!!!!!!!!!!!!!!!!!!


الله يوفقك ويوفقك الجميع..

اخوك / المري
سنافي
10/09/2004, 10:49 AM
الأصل كُتب بواسطة بوصقر
ماشالله عليك يالفيتو هذي اطباع القناص ولابلاش

جزاك الله خير على هذي المشاركه الجميله ولا تحرمنه من مشاركاتك مع الايام وخاصه الصور القديمه

ونرجو ذكر التاريخ ان وجد
//لطام//
10/09/2004, 04:01 PM
بسم الله الرحمن الرحيم
وعليكم السلام ورحمة الله وبركاته


بيض الله وجهك وعسى الله يرزق المسلمين بسنه خير وربيع(وصيدددد !!) .

الصور هاذي طال عمرك في طاعته اعتبرها نااااااااااااادره وهي صحيح نادره والايام هاذي ماظن احد بيسوي مثلك؟؟

بارك الله فيك
اخوك ابو مشاري
طيرحوران
10/09/2004, 08:00 PM
تسلم والله يالفيتو .

وترى هذه أطباع الصقار المحترم وعسى الله يكثر من هالجنس . إللي الحين نفتقدهم وللأسف !!!!!!!!!!

ولكم تحياتي.
أبو رداد
10/09/2004, 09:45 PM
بسم الله الرحمن الرحيم

السلام عليكم ورحمة الله وبركاته


حباري .... وربيع... وحليب مصاغير .... وهرفي .... وفقع ... وفروخ حبار ( فيها ضربة العمر) ....بعد شو يريد الانسان من رب العالمين .... لوبس اعرف وش مرض ابوفلان... يالفيتو... ياخي دليني على ابو فلان وانا وياك شراكه في النص ..هههه
مشكور على حرقة القلب هذه ... لو اني مكانك كان جمعت كل الفروخ ... وسويت حقل لتفريخ الحبار
أيام العبور
10/09/2004, 09:51 PM
الله يبارك بهالوجه ويرزقه ويين ماراح



فعلن تصرف يدل علا الشهامه والركاده


اخوي الغالي الفيتو لا استغرب منك هذا التصرف

لأن من بداية مشواري بمكشات وانا اشوف علومك زايده بالطيب ومابها قصور


عسى الله يرحمنا برحمته


يابعدي تسلم ويسلم من جابك
الجيب الربع
10/09/2004, 09:54 PM
الأصل كُتب بواسطة طيرحوران
تسلم والله يالفيتو .

وترى هذه أطباع الصقار المحترم وعسى الله يكثر من هالجنس . إللي الحين نفتقدهم وللأسف !!!!!!!!!!

ولكم تحياتي.



بارك الله فيك وكثر أمثالك والله عين العقل أخوي الفيتو

لك جزيل الشكر
ملاعب الريح
10/09/2004, 10:19 PM
السلام عليكم ورحمة الله وبركاته
بسم الله الرحمن الرحيم
كفو اخوي الفيتو هذي علوم الرجاجيل ولا بلاش وان شاء الله تعوظون بصيد اوفر أخوك(بو سيف):good:
هاوي مقناص
11/09/2004, 01:40 AM
الأصل كُتب بواسطة ابو ليالي
الله يبارك بهالوجه ويرزقه ويين ماراح



فعلن تصرف يدل علا الشهامه والركاده


اخوي الغالي الفيتو لا استغرب منك هذا التصرف

لأن من بداية مشواري بمكشات وانا اشوف علومك زايده بالطيب ومابها قصور


عسى الله يرحمنا برحمته


يابعدي تسلم ويسلم من جابك
ابو عايد
11/09/2004, 12:09 PM
اسال الله العلي القدير ان يعودكم على الصيد والفيد


وماأبطى هذه الصور!!!!!!!!!!!!!!!!!!!!!!!!!


الله يوفقك ويوفقك الجميع..

:good: :good: الله يعطيك العافيه وصور جميله حقاً ونحن بإنتظار المزيد.

وتقبل تحياتي // العاشق الولهان
الفيتو
12/09/2004, 03:44 AM
السلام عليكم ورحمة الله وبركاته
مساء الخير يا جماعه
الأخ العزيز * أبو فهد *
تسلم يالغالي وجهك أبيض والله يرزق الجيع في هالموسم والمواسم القادمه
وين محلنا سوف ينزل مقابله في احد المجلات تبين ما تسأل عنه قريباً
خليها مفا جأه

الأخ العزيز * المري *
تعيش واسأل الله العظيم يقبل منك وويخشرنا وياك . نا سبتك الصور اعرف ذوقك

الأخ العزيز * بو صقر *
يا مرحبا يا بو صقر لو ما مريت على الموضع فزعت اهل قطر لين يبلغونك
خابرك تحب هالسوالف . فيه تواريخ منسوخه فالذاكره ما تضيع انشاء الله
وسوف تقرأها قريبا في احد المجلات وابلغكم بصدورها على طول

الأخ العزيز * عاشق الحره *
مشكور الله يسمع منك ويوفق الجميع تسلم يالغالي

الأخ العزيز * سنافي *
تعيش وما عليك زود سرني مرورك لاهنت

الأخ العزيز * لطام *
تسلم والله يسمع منك وتصيد وتفيد مع اول القنوص جعلك في خير ونعيم يا بو مشاري

الأخ العزيز * طير حوران *
مشكور على مرورك وعلى الآطراء هاه عجبتك الفروخ اكيد 0

الأخ العزيز * ابو رداد *
يا هلا تدري وش مرض ابو فلان 0 يقول قامت الناس تذبح الحباري مع ايمني وايسري
ولا معي طير 0 مشكور ولا هنت

الأخ العزيز * ابو ليالي *
مرحبا هيل عداد السيل اقرأ الردود وتباطيت ردك قلت عسى ما شر ويوم قريت ردك تطمنت
مشكور على الأطراء وما عليك زود ومن يقرأ تحياتي لك

الأخ العزيز * الجيب الربع *
هلا ومرحباً الدوادمي صح ؟ تعيش وتسلم وما عليك زود سرني مرورك يا غالي

الأخ العزيز * بو سيف *
تسلم وتعيش وما عليك زود مشكور على الا طراء لاهنت يالغالي

الأخ العزيز * الخشف *
تعيش والله يسمع منك ولا يحرمك من الصيد والفيد

الأخ العزيز * ابو عايد *
تسلم ولا تهون مشكور على مرورك يالغالي

والسلام
الفيتو
http://www.mekshat.com/pix/upload/images5/mk8575_w.jpg
تالي الاولين*
12/09/2004, 08:28 AM
.



يامال السلامة يالفيتو

صور متميزة

وعلم غانم


بيض الله وجهك

.
ميراج
14/09/2004, 11:53 PM
السلام عليكم ورحمة الله وبركاته

مشاء الله تبارك الله هذا الشغل اللى ينساح له بال الصقار

يا وجدى على معشى المبروكات وسط ذا الصفار ما بعد زهر والرغوه عايمه وسط الروض

بس اخوى الفيتو غريبه فروخ الحبارى الضاهر مهيب فى السعوديه أنا ما قد شفت فروخ الحبارى فى حياتى

وأنا قناص نشوف فروخ الكراوين فى تركيا واجد

لاتخلينا من ذا العلوم والمراويح الزينه

مشكور وما قصرت
قشاع الرمث
18/09/2004, 02:58 PM
الأصل كُتب بواسطة بوصقر
ماشالله عليك يالفيتو هذي اطباع القناص ولابلاش

جزاك الله خير على هذي المشاركه الجميله ولا تحرمنه من مشاركاتك مع الايام وخاصه الصور القديمه

ونرجو ذكر التاريخ ان وجد
الفيتو
20/09/2004, 01:23 PM
السلام عليكم ورحمة الله وبركاته
مساء الخير يا جماعه

الاخ العزيز * تالي الأولين *
يا مال العافيه تسلم وتعيش مشكور على هالاطراء
ووجهك ابيض

الاخ العزيز * ميراج *
اخاف البل بتاخذك عن المقناص وهالحين انت بين نارين
الفحل بيعصب والحباري بتعبر مدري وش تختار
قريبا مقابله في مجله تكون مفاجأءه

الأخ العزيز * قشاع الرمث *
تسلم وتعيش سرني مرورك وابشر بالخير يا طويل العمر

والسلام
الفيتو
الحجاز..الثنين - شعبان - 1425هـ
http://www.mekshat.com/pix/upload/images6/mk8575_w.jpg