وش اصغر طير صاد الحبارى [الأرشيف]

مشاهدة النسخة كاملة : وش اصغر طير صاد الحبارى

خيال الصبحا

29/09/2009, 10:10 AM

بسم الله الرحمن الرحيم
السلام عليكم ورحمة الله وبركاته
كيف حالكم جميعًا؟عساكم طيبين،كل عام
وانتم بخير<<<فقرة خاصة للي ماعايدناهم ولو
انها متاخرة شويات ههههههه ، الموضوع سلامتكم حسيت
اني مبطي ماكتبت موضوع وقلت اكتب موضوع منها ان اسد هذا
الشعور ومنها تبادل لاطراف الحديث معكم ونتسلى وناخذ ونعطي سوا
الموضوع مبين من عنوانه وهو وش اصغر طير سمعتوا عنه او شفتوه صاد
الحبارى؟سواء كانت الحبارى حفانه او خرب عود المهم انه صاده ، وش نوع الطير
ووش مقاسه؟انا عني اصغر طير سمعت انه صاد الحبارى هي جبلية مقاسه تقريبًا 12.5 بمثله
(وانا لااجزم بصحة السالفة لاني سمعتها ولاني متاكد منها)والله يعطيكم العافية مقدما،وشكرًا لكم

بدران123

29/09/2009, 10:17 AM

ارحب ياخيال الصبحا وموضوع طيب من وجه طيب...

نعم فيه لان الصامل صامل والقاطع قاطع من صغير وكبير واللي مر علي شخصين شوف العين ثنتين جبليات وحده الان موجوده والثانيه بعناها ...
واللي الان موجوده اردفوبها عقب حر ولحقت وحولت بالحبارا وغدت بظهر الحبارا تقل شنطة مدرسه...

وعانها وعوانهاا...

بدران

راايق تميم

29/09/2009, 12:03 PM

بسم الله الرحمن الرحيم

السلام عليكم ورحمة الله وبركاته
كيف حالكم جميعًا؟عساكم طيبين،كل عام
وانتم بخير<<<فقرة خاصة للي ماعايدناهم ولو
انها متاخرة شويات ههههههه ، الموضوع سلامتكم حسيت
اني مبطي ماكتبت موضوع وقلت اكتب موضوع منها ان اسد هذا
الشعور ومنها تبادل لاطراف الحديث معكم ونتسلى وناخذ ونعطي سوا
الموضوع مبين من عنوانه وهو وش اصغر طير سمعتوا عنه او شفتوه صاد
الحبارى؟سواء كانت الحبارى حفانه او خرب عود المهم انه صاده ، وش نوع الطير
ووش مقاسه؟انا عني اصغر طير سمعت انه صاد الحبارى هي جبلية مقاسه تقريبًا 12.5 بمثله

(وانا لااجزم بصحة السالفة لاني سمعتها ولاني متاكد منها)والله يعطيكم العافية مقدما،وشكرًا لكم

وعليكم السلام ورحمة الله ؛؛

خوووش ترتيب والله يالغالي خيال هههههههههههههههه ماشاءالله هرم

موضوع رائع وان شاءالله نشوف تفاعل الاعضاء الغالين

لاهنتـ ؛؛ يالغالي

@قرناص@

29/09/2009, 12:30 PM

وعليكم السلام ورحمة الله وبركاته ،،

يآلله حييه ،، الحمدلله بخير ونعمه ،، وانت بخير يالغالي وتقبل الله منا ومنكم صآلح الاعمال

والله يآخووك انا ماعندي خبر عن اصغر طير صاد حبارى ،،

لاكن اذكر فيه حبارى معزوله وحطوها في مجلس وفيه شبوط (باشق) لنقل* هد عليها وهي مبرقعه ههههههههههههههههههه والا يبطي يهد وهي مابرقعت ،،

وننتظر من الصقاقير ..

وبخصوص الجبليه والله انها تسوي ها السوآة لاكن على حسب جسارة الطير ،،

وشرفتنا بمواضيعك الطيبه ،، لآآهنت

فيصل الدشاش

29/09/2009, 12:43 PM

قرناص والي قبله أفدووووووك

مشبر البران

29/09/2009, 03:19 PM

انا قريت موضوع عن جبلية للبيع فارسية على مل أظن
مقاسهاطول 13 عرض13.5 صايدة الحبارة والكراوين
وبالتفيق للجميع

رأعي الخرشه

29/09/2009, 03:53 PM

السلام عليكم ورحمة الله وبركاته
بصراحه موضوع مميز
انا اصغر طير شفته وكري مقاسه يمكن 13 ونص
صايد حباري
كان عند صقار معروف في الشرقيه ( الدوحه ) بتحديد
تقبل مروري

خيال الصبحا

30/09/2009, 10:07 AM

الاخوة الاعزاء
حياكم الله جميعًا
الاخ بدران123
جياك الله
وشاكر لك مرورك وردك
الكريم ، ولكنك ماذكرت مقاس
الجبليات ، وهلابك
.
.
الاخ رايق تميم
حياك الله
وشاكر لك مرورك
وردك الكريم،وهلابك
.
.
الاخ ابو خالد
حياك الله
وشاكر لك مرورك
وردك الكريم ، وبخصوص
الباشق طلبها مثل ماتقول مبرقعه
يعني مايعتبر صادها على كيسه،وهلا بك
.
.
الاخ فيصل الدشاش
حياك الله
وشاكر لك مرورك وردك الكريم
هلا بك
.
.
الاخ مشبر البران
حياك الله
وشاكر لك مرورك وردك الكريم
هلا بك
.
.
الاخ راعي الخرشه
حياك الله
وشاكر لك مرورك وردك الكريم
هلا بك
.
.
وهلاااااااااااااابكم جميعًا

قنيص غبر

30/09/2009, 10:12 AM

عن نفسي ماقد شفت بس على رواية واحد من الربع تبع شاهين في بحر ال 13 صاد حباري ..

ومرحبا الساع :)

راعي غضبان

30/09/2009, 10:16 AM

جبليه صغير صادت الحبارى وتلحيق بعد بس ماتجيها في القاع ماتجيها الى وهي طايره وتعلقها والف شكر لك

moafaq999

30/09/2009, 10:35 AM

هلابك اخوي خيال الصبحا بعد هل الغيبه
عساك طيب وبخير
وموضوع جميل من رجل خبير
والعلم ارده عن ( ابو فهد العيد )

خذ آلعلم يآ بونآيف...
وآلرجآل آللي يروي هآلسآلفه موجود آلى آلان,,
هآد شبوط على حبآرى وصآدهآ .. طبعآ فزعو مع آلشبوط ..
ولكن آلشآهد آنه هد وقضبهآ ..
وآلحبآرى حبآرى روض مهيب تعلوم

__________________

ولك كل الشكر يالذيب

خيال الصبحا

30/09/2009, 11:31 AM

الاخوة الاعزاء
حياكم الله جميعًا
.
.
الاخ ابو محمد
مرحبا الساع
وحياك الله
ولو اني ماتوقعت
ان هذي مشاركتك(توقعتك
تذكر شي من طيور التفاريخ،ولكن
باقي ابو رداد وباقي محبين التفاريخ)وهلابك
.
.
الاخ راعي غضبان
حياك الله،واشكر لك مرورك
وردك الكريم ، وهلا بك
.
.
الاخ moaraq999
حياك الله،وشاكر لك ماذكرت
ولكن الي ابي اساله لابو فهد وش المقصود
من الشبوط(لان البعض يسمي الباشق شبوط والبعض
يسمي المثاليث او المحاقير شبوط)وهلابك
.
.
وهلااااااااااااااااااااابكم جميعًا

محمد الفهيد

30/09/2009, 11:45 AM

سمعنا بجبليات هدت وصادت حباري
ومقاساتها الله اعلم
انا حضرت مهد على حبارى بتبع جير قياسه 14 وعلقها من راسها وصاد عقبها 9
سنة 2006

moafaq999

30/09/2009, 12:22 PM

بو غازي

30/09/2009, 01:50 PM

السلام عليكم ورحمه الله وبركاته
خيال الصبحا:يامرحبا والله ابرك الساعات الي شفنا مواضيعك ياجعل مواضيعك مايجف حبرها اما بالنسبة لاصغر طير في طير معروف عند واحد من اهل الجبيل عندنا بالشرقية لا وماشاءالله دائما يصيد اول الطيور يعني دائما من الناس الاوائل بصيد الحبارى عنده شاهين تركية ولا ادري وش مقاسها .

القناص20.20

30/09/2009, 03:27 PM

شيهانه جبليه كانت معنا مقاسها 12.5 في 12.5 صادتها وانا اشوف الحقتها طيار وعلقتها ثمن انفكت منها وطارت الشيهانه ودبستها في الارض

خيال الصبحا

30/09/2009, 04:29 PM

الاخوة الاعزاء
حياكم الله جميعًا
.
.
الاخ محمد الفهيد
حياك الله
والله لايهينك
وشاكر لك مرورك
وردك الكريم ، وهلا بك
.
.
الاخ moaraq999
حياك الله
واشكر لك متابعتك للموضوع
وعز الله الباشق بايع ابوها ههههههههه
وهلا بك
.
.
الاخ ابو غازي
وعليكم السلام ورحمة الله وبركاته
حياك الله
وشاكر لك مرورك
وردك الكريم ، وان كانك
تخبر مقاس التركية علمنا به وهلا بك
.
.
الاخ القناص20.20
حياك الله
وشاكر لك مرورك
وردك الكريم ، وهلا بك
.
.
وهلااااااااااااابكم جميعًا

قرناس شماالي

30/09/2009, 04:53 PM

هلاوغلا
اخوي انا صار معي موقف
كنت رايح مع الخال للحماد وكان معناء وحد من القرايب
ومعه 3طيور واحد حر وثاني جير شياهين وشيهانه جبلي مقاسه صغير
وكان ريشه مكسر وكان يسولف عنه يقول يبي يطلقه وجاءالمغرب ويلقاء
حبارى ونجيه ويهد الحر ويجنب عنه ويهد الجير ويجنب وقام الخال واخذ الشيهانه الجبليه
وهده ولى تغدي فوق وتصقط عليه وتذبحه وينقهر من طيوره ويقوم ويبيعهن معاد الشيهانه
الجبليه خلاه عنده وخالي قاله وين الي يبي يطلقه ههههه
تقبل تحياتي / صيادسكاكا

رقاب الضرابين

30/09/2009, 09:42 PM

اما انا عندي وكري 14-14 صياد حباري فاخر وطلع بس ما يلحق بعيد في الارض اكبر خرب يطرحه وعندي الان عمره حول 8 سنوات

صاحب نوماس

01/10/2009, 10:02 AM

اما انا لقينا خرب اصلاً تسمع طقطقتة من كيلو ويهد علية واحد من العيال فرخ اليا هو ماطار بس انة يوم يطقطق يالربع يروعك انت كب الطير المهم بعجد مهد الفرخ قالو الشباب نبي نعلم الطيورعلية هدينا علية شيهانة مثلوثة بحرية وجتة ومسكتة براسة وقعدت اتداوس هي وياه وعزلناة منها وإلا كانت تبي تذبحة .

فتى آل مرة

01/10/2009, 11:22 AM

أصغر طير أنا شفته بعيني يوم صاد الخرب والطير عند عمي وهو( فرخ شاهين جبلية وحش) الطول12 والعرض12ونص وماشفت مثل قوة قلب ذا الطير والطير مات ملقوص الزمان إلي راح.

أخوكم - فتى آل مرة