نقص في ماء الاديتر

[rayes3]

السلام عليكم ورحمة الله وبركاته

اخواني لدي مشكله في الاديتر وهي نقص في الماء عند كل مشوار السيارة باترول 98م بخاخ ماشي 305000ك لايوجد تهريب واضح بعد الفحص غطاء الاديتر جديد الاديتر جديد ماله سنه الماء المستخدم الاصلى مع ماء مقطر للمعلوميه تم فحص المكينه من ناحية اختلاط الماء بالزيت ولله الحمد لم يتبين ذلك
الليات جميعها سليمه
هل من حل جزاكم الله خير

[فتك ربع]

ناظر الطبات يالغالي

[صافى السريره]

افحص طرمبة الماء

[Shaheen700]

السلام عليكم
الله لايقوله بما ان المكينه طويله في الباترول شيك لايصير صايبها تقويس من حراره سابقه
وللمعلومية الماء الاصلي في نظام التبريد للسيارات عموما لالالالالالالالالاوالف لالالالالالا يضاف له اي من المحاليل الاخرى من ماء وغيره فقط محلول التبريد الاصلي
واسال الله ان يوفقنا وياك وكل مسلم

[امبراطوور]

اذا كان التهريب كثير
فشيك على ثلاجه المكيف الحار
اذا حصلت تهريب عند الراكب تحت الديكور
فيكون منه
سد الليات الموصله له

[سوبر VTC]

تاكد من طرمبه الماء تحصله تندي من عند جلدة التامين
و تحصل عليه صدأ
اخبر باترول يحتمي على سرعه 120
غير الغطاء لكن بدون استكر برتقالي و زانت الحرارة
الغطاء له دخل بنقص الماء
تحصل القربه مليانه ماء و الزايد يطلع برا

اجلد الموتر بمشوار كانك بسباق سرعه لمده 5 دقائق
خصوصا عند الاشارات دس و هد بسرعه
كانك ملحوق
همن وقف و افتح غطاء الزيت اذا حصلت على نفس الغطاء من الداخل
حليب ابيض فهذا بخار ماء
عندك ضعف بوجه الراس ما يحجب الماء

ايضا

شغل المكيف بعز الحر و انتظر لمده ربع ساعه
همن شيك على طبلات الاديتر + رصات الاديتر
لانه بشده الحر تظهر عيوب الاديتر
خصوصا تنسيم الماء من الطبلات او الرصات

على فكره

اخبر باثفندر ينقص الماء و ركب اديتر جديد و كل شي جديد
فصارت المشكله من الثلاجه اللي عند رجلين الراكب
حصله تهرب ماء طبعا علبه بجنب الثلاجه تقريبا نص لتر
منها صارت المشكله
افتح الفرشه اللي تحت رجلين الراكب تحصل اثر تهريب الماء

موفق

[عبدالرحمن الحربي]

أهم شيء نصيحة جرب كل شيء إلا المسحوق اللي تحطه بوسط الراديتر لسد التهريب

هذا في اول الأمر تضبط أمورك ثم بعد فترة الكمية الباقية من المسحوق تقفل علي الرديتر مرة وحدة

لا عاد ينفع تصيخ ولا تنضيف

إلا رديتر جديد

أخوك مجرب في البداية دفعت ١٠ ريال فقط قيمة المسحوق من عند البنشري

ثم بعدها بي شهر دفعت ٢٢٠٠ ريال للوكالة قيمة رديتر جديد

بعد من جيم الرديتر السابق

[سوبر VTC]

أهم شيء نصيحة جرب كل شيء إلا المسحوق اللي تحطه بوسط الراديتر لسد التهريب
هذا في اول الأمر تضبط أمورك ثم بعد فترة الكمية الباقية من المسحوق تقفل علي الرديتر مرة وحدة
لا عاد ينفع تصيخ ولا تنضيف
إلا رديتر جديد
أخوك مجرب في البداية دفعت ١٠ ريال فقط قيمة المسحوق من عند البنشري
ثم بعدها بي شهر دفعت ٢٢٠٠ ريال للوكالة قيمة رديتر جديد
بعد من جيم الرديتر السابق




اخوي بروف مشاعب
يبدو انك تقصد هذا المسحوق

http://www.mekshat.com/pix/upload01/prof005/mk53291_mnbob1.jpg



http://www.mekshat.com/pix/upload01/prof005/mk53291_giognjgp2.jpg



طبعا براده او مسحوق المنيوم
و تحط منه ثلث العلبه فقط :good:
مع فك البلف