مشكلتين مالقيت لهن حل مع الباترول !!!

[فايز العامر]

بسم الله الرحمن الرحيم




سبحان الله وبحمد سبحان الله العظيم




السيارة جيب سوبر سفاري 98


المشكلة الأولى:




الدبل وما أدراك ما الدبل ،، الدبل اللي دبل كبدي من كثرة خراباته، مرات كثيرة أغير الجنزير، والله نسيت كم بس اللي أذكره مرتين اشتري الجنزير من الوكالة ومرتين أغيره مستعمل، يعني أربع مرات أغير الجنزير وكلها تخرب، ومرة غيرت الدبل كامل ولا أفاد !! مع أني ماقد جلدت الموتر مثل القوانيص اللي مايرحمون المواتر... حتى بعض المرات وبعد تغيير الجنزير وبعد التجربة، ما أشغل الدبل إلا بعد شهور وعلى طول يخرب الجنزير!

و هنا (http://www.mekshat.com/vb/showpost.php?p=1964040&postcount=33)رد على أحد الشباب قبل سنة (قبل الخراب الأخير بشهر !!)

وش الحل برأيكم، تعبت والله من الدبل والحين لي حوالي سنة إذا جيت النفود أنسم الكفرات حيل (تقول ددسن) مع احترامي لسواقين وارد عراوي...

إذا صلحت الدبل هالمرة يعني أني غيرت الدبل ست مرات على ماأذكر :( ..

إنا لله وإنا إليه راجعون ..



المشكلة الثانية:


ديكور المسجل المخشب .. هذا مثل مرض السرطان على المسجل.. في البداية كان الخراب بسبب تصليح مسجل السيارة لأن مسجل السيدي دايم يخرب وكل مرة أفك المسجل ينكسر الديكور (من ردى المصنع والوكيل) وأشمّعه حتى صار كأنه طريق أبوحدرية من كثر الشمع اللي عليه،، فرّيت تشليح الحاير ثلاث مرات بينهن شهور ولا حصلت،، وسألت واحد من التشاليح وقال هذا يباع أحياناً قبل نصف السيارة داخل التشليح، لأنه مطلوب بسبب كثرة تكسره !!
رحت الوكيل (وحسبي الله ونعم الوكيل) قبل عدة أشهر كان سعر الديكور بعد الخصم!! 700 ريال ،، وأمس العصر جيتهم يقول بعد الخصم بـ950 !!!! ؟؟؟

جيت الغرابي محل محل ولالقيت نفس النوع ...


وش العمل ياأخوان والله أحترت ،،،












.

[ابوسعودد]

بخصوص مشكلة الدبل صراحه امرك غريب مره واول مره اسمع واحد يشتكي من دبل الباترول .
اما من ناحية الديكور فالحل عندي ولا راح تلاقي حل افضل من هالحل
طبعا ديكور الباترول السوبر سفاري يجي مخشب والماده اللي مصنوعه منه كنها بسكوت والحل هو انك تشوف لك ديكور مستعمل حق سياحي يجي لونه اسود وهو من البلاستك المقوى ثم تاخذه عند اللي يخشبون السيارات ويسوي لك تخشيبه عليه نفس لون الاصليه تكلفك تقريبا :
الديكور من 200 حتى 300 ريال طبعا بالتشليح
التخشيب ياخذون عليك من 100 الى 150 ريال يعني التكلفه معقوله وانت وشطارتك مع التشليح ومحلات التخشيب .
اتمنى اني المعلومه وصلت .

[عطاالله ناصر]

هوون على نفسك وانا اخوك وكلها امور سهله وبسيطه جدا وحلها عندي:

مشكلتك الاولى هذه من تروس الجنزير فيها كسر بسيط او شلخ ومع الوقت والجنزير ينقطع .. فأنت شيك على التروس قبل تغير الجنزير وبتلقى المشكله واذا غيرت الترس ركب لك جنزير وانت مرتاااح واظمن والظامن الله انه مهوب خربان معك ثاني مره .. واذا انت ركبتهن قبل عند ورشه حاول تغيرها لورشه ثانيه حتى لو كان سعرهم غالي شوي على الاقل تركبها وانت مرتاح ..خلاصه الكلام حاول تنهي اساس المشكله وتوقعاتي واكاد اجزم انها التروس فيها مشكله ..


اما مشكلتك الثانيه فهي محلوله وقدامك اكثر من خيار وانا اخوك انك تفك كل التخشيبه وتروح لمحلات التخشيب اللي بالغرابي ويسوون لك واحد مقاربه لها 90 % هذا اذا انت تبي شغل مقارب للوكاله .. مع ان فيه تخشيبات جديده الصراحه افضل بكثير جدا من نوعيات الوكاله وعليها ضمان ..


او عندك تصلح الكسور بيديك عن طريق الغراء ابوجني وتصنفرها وعندك كذا محل بالغرابي يرشون لك ننفس رشه الوكاله التخشيبه باللون اللي تبيه وعليه ضمان بعد .. وسعها مهوب متعدي 250 ريال اذا طارت ..




اتمنى افدتك

[قرم العيال]

ما قصروا الربع معك ..

والله كفو يا اهل مكشات ..

[ابوطاقية]

بالنسبه للطبلون الشباب ماقصرو وبالنسبه للدبل
واحد من الشباب نفس مشكلتك ركب دبل ياباني وواحد اسبير بالبيت والرجال ميكانيكي ساعه ويركب الاسبير الدبل لاكن مالقا له حل الا ها الحل وانصحك لاتجور عليه بالرمل لان جنزيره ضعيف

[الادغش]

انصح الاخ بشراء يوكن جمس ... لانه بصراحة وبدون مجامله السفاري باي باي ... يعني مو نفس القديم والكل يشتكي من الدبل مو بس انت ...!!

وثايا اليوكن يارجل موطبيعي لافي نعومه القياده ولا في قوة ومتانته .. وعلى سبيل الشعار الخاص لليوكن تقول (((( القوة تفرض هيبتها )))

والا انا غلطان؟؟

ومشكورين

[ترهيم]

السيارة جيب سوبر سفاري 98


المشكلة الأولى:




الدبل وما أدراك ما الدبل ،، الدبل اللي دبل كبدي من كثرة خراباته، مرات كثيرة أغير الجنزير، والله نسيت كم بس اللي أذكره مرتين اشتري الجنزير من الوكالة ومرتين أغيره مستعمل، يعني أربع مرات أغير الجنزير وكلها تخرب، ومرة غيرت الدبل كامل ولا أفاد !! مع أني ماقد جلدت الموتر مثل القوانيص اللي مايرحمون المواتر... حتى بعض المرات وبعد تغيير الجنزير وبعد التجربة، ما أشغل الدبل إلا بعد شهور وعلى طول يخرب الجنزير!

و هنا (http://www.mekshat.com/vb/showpost.php?p=1964040&postcount=33)رد على أحد الشباب قبل سنة (قبل الخراب الأخير بشهر !!)

وش الحل برأيكم، تعبت والله من الدبل والحين لي حوالي سنة إذا جيت النفود أنسم الكفرات حيل (تقول ددسن) مع احترامي لسواقين وارد عراوي...

إذا صلحت الدبل هالمرة يعني أني غيرت الدبل ست مرات على ماأذكر :( ..

إنا لله وإنا إليه راجعون ..


.

السلام عليكم ...

اخي الكريم هذي مشكله في موديل 98 وعلى ماعتقد تطاولت موديل 99 المشكله تكون في جنزير الدبل .

اخي الكريم انصحك تغيره بموديل 2001 وانا كفيله ان خرب ثانيه :)

[الوتر الحزين]

هلا اخوي

بخصوص جنزير الدبل انا معي باترول سلقه 99 خرب الجنزير حق الدبل وغيرته في الصناعيه القديمه بالرياض والحمد لله ماشيه اموره,,
اخوي انت تاكد من السنن حقت التروس يمكن تكون فيها كسر او تأكل لان بصراحه استغربت يوم قلت انك مغير الجنزير عدة مرات,, او انك ماركبت الاصلي لان الجنزير ثلاث انوا كلها متشابهه ونفس الكرتون ( تخبر الغش هالايام واجد) فيه نوع بثلاث ميه ونوع بخمس ميه ونوع بتسع ميه, انا اخاف انك مركب ابو ثلاث ميه.

الباترول عموما عيبه الجنزير.. لذلك وسع صدرك ترا الدعوه حديد.

اما بخصوص الديكور والله مالي علم به

تحياتي لك.

[فايز العامر]

بخصوص مشكلة الدبل صراحه امرك غريب مره واول مره اسمع واحد يشتكي من دبل الباترول .
اما من ناحية الديكور فالحل عندي ولا راح تلاقي حل افضل من هالحل
طبعا ديكور الباترول السوبر سفاري يجي مخشب والماده اللي مصنوعه منه كنها بسكوت والحل هو انك تشوف لك ديكور مستعمل حق سياحي يجي لونه اسود وهو من البلاستك المقوى ثم تاخذه عند اللي يخشبون السيارات ويسوي لك تخشيبه عليه نفس لون الاصليه تكلفك تقريبا :
الديكور من 200 حتى 300 ريال طبعا بالتشليح
التخشيب ياخذون عليك من 100 الى 150 ريال يعني التكلفه معقوله وانت وشطارتك مع التشليح ومحلات التخشيب .
اتمنى اني المعلومه وصلت .

وصلت المعلومة الله يبارك فيك .. وحقيقة غابت عني لأني لقيت ديكور أسود لكن ماتوقعت ولاواحد بالميّة أنه يركب على السوبر سفاري .. وراعي الوكالة قال نفس الكلام ( وحسبي الله ونعم الوكيل).

[اذاني]

الاخ رعاد

المشكله الاولي

صارت معي قبل 4 سنوات الزنجير يفلت ويطلع صوت كانك تضرب حديد بمطرقه واذا زدت زاد

وديته للورشه عند فلبيني قالي جب زنجير وعدد 2 ترس قلت التروس مافيها شي قالي فيها تاكل بسيط

اذا غيرت لك زنجير بس احتمال كبير يرجع يفرط الزنجير قلتله غيره وغيره والي الان ولله الحمد

الدبل تمام.




اذا كنت في الشرقيه ممكن ادلك علي الورشه



المشكله الثانيه

انا مثلك والله حتي في الكويت وتشاليحه ما لقيت

[جريح الزمن]

انا عندي سفاري98 خربان الجنزير وصلحته ولكن بعد شهر خرب وبدا يطقطق

[فايز العامر]

هوون على نفسك وانا اخوك وكلها امور سهله وبسيطه جدا وحلها عندي:

مشكلتك الاولى هذه من تروس الجنزير فيها كسر بسيط او شلخ ومع الوقت والجنزير ينقطع .. فأنت شيك على التروس قبل تغير الجنزير وبتلقى المشكله واذا غيرت الترس ركب لك جنزير وانت مرتاااح واظمن والظامن الله انه مهوب خربان معك ثاني مره .. واذا انت ركبتهن قبل عند ورشه حاول تغيرها لورشه ثانيه حتى لو كان سعرهم غالي شوي على الاقل تركبها وانت مرتاح ..خلاصه الكلام حاول تنهي اساس المشكله وتوقعاتي واكاد اجزم انها التروس فيها مشكله ..

اما مشكلتك الثانيه فهي محلوله وقدامك اكثر من خيار وانا اخوك انك تفك كل التخشيبه وتروح لمحلات التخشيب اللي بالغرابي ويسوون لك واحد مقاربه لها 90 % هذا اذا انت تبي شغل مقارب للوكاله .. مع ان فيه تخشيبات جديده الصراحه افضل بكثير جدا من نوعيات الوكاله وعليها ضمان ..

او عندك تصلح الكسور بيديك عن طريق الغراء ابوجني وتصنفرها وعندك كذا محل بالغرابي يرشون لك ننفس رشه الوكاله التخشيبه باللون اللي تبيه وعليه ضمان بعد .. وسعها مهوب متعدي 250 ريال اذا طارت ..
اتمنى افدتك


جزاك الله خير ،،

والحقيقة اللي خلاني ماأتوقع أن التروس فيها شي هو أحد اللي غيرت عندهم الجنزير قال متسحيل يخرب الترس (مع انه متخصص دبلات فقط) وأخذت كلامه على أنه فاهم، لكن الظاهر أنه من جنبها..
عموما مافيه إلا إني اتأكد من التروس أول ثم الجنزير الوكالة..
والديكور مابقى فيه كثر اللي راح، كل بطناج تطيح كسره، ولكن الظاهر يمدحون الغرابي ، بس جيتهم قبل كذا ولاحصلت نفس حقت السوبر سفاري !! وهل تقصد أنه يرهمون جديدة من الصفر؟

ومشكور على مداخلتك .. الطيبة ..

[برايدوي عنيد]

السلام عليكم
واجهتن مشكلة في جنزير الدبل وقالي الميكانيكي لو ركبت جنزير وكاله راح يرجع الصوت لكن رح للتشليح خذ دبل باترول 97 توماتيك ويفلشه الميكانيكي وياخذ الجنزيز حقه وراح يضبط
ولكم مني التحية

[المكشات]

اخاف انك ما تمشي الا بالدبل الثقيل هههه

[ابوخالد 9]

نفس المشآكل بالضبط

الدبل والله صلحته 3 مرات والاستخدام كان فيه وصف اكثر من كلمة (حشمة) قلته لكن حسبي الله على اللي صنعه

واما ديكور التخشيب ذا كل ماركبت ودقيته بركبتي طاح شوي

واللحين مابقى كثر اللي رآح

خخخخخخخخخ

اما الديكور امرهـ سهل

لكن نبي حل لها الجنزير الله يشغل اللي سوآه

وبالنسبة للي يقولون غير دبل ثاني موديل اقدم ولا احدث

اقول مستحييل ان مافيه حل الا هذا

انا سمعت انهم يقصرون الجنزير ويشدونه وباذن الله يثبت

وانا عموما باصلحه خلال هاليومين ان شاء الله وعسى الامور تزين ونرتاح

[سوبر VTC]

ركب دبل استخدام ياباني
و ان شاء الله امورك تمام

عندنا ببريده راكب مع شغل اليد ب1000ريال
مع الرجيع

مر على ورشة ابو صالح التركي بالصناعيه القديمه
بجنب مركز ترايستار

موفق