المساعد الشخصي الرقمي

مشاهدة النسخة كاملة : تهريب زيت الدركسون جيب Gx_r موديل 96


عاشق مكشات
29/09/2009, 08:41 PM
السلام عليكم ورحمة الله وبركاته

الموتر دايم يشفط ويهرب ذا الزيوت كل يوم لازم اعبيه شريت حول كرتون زيت وشفط وتهريب

غيرت الدودة مانفعت :no: غيرت الاصلاح مانفع :no: واذا طلع صوت في الدركسون اعبيه ويروح

وش المشكلة مادري تكفون الفزعة يا اعضاء مكشات نبي الحل مع ذا الموتر
efi4500_2002
30/09/2009, 12:53 AM
ما بقى الا الليات الي بين العلبه و الدوده
يمكن واحد منهن مقطوع او ماهوب راكب صح
افتح الكبوت و خل واحد يلف الطاره للاخر و ناظر الليات اذا يهربن
العنابي 616
30/09/2009, 12:42 PM
والله يا خوي عندي نفس مشكلتك و نفس الموتر

وديته الورشه وقالوا اصلاح هلل بس ما سويته اعبي علبة كل شهر و لا يلعبون بالسيارة
ابوالوليد2222
30/09/2009, 08:54 PM
السلام عليكم هذا اما علبة الدركسون او الدودة تحتاج اصلاح بعد التاكد من الليات المتصلة بهما ويحصل هذا العطل بعد تلف الصوفة او الربلة لداخلية بسبب شدة الحرارة لدينا وسبق لي اكثر من تجربة فقد ذهبت للعضيب في الصناعية القديمة في الرياض فطلب 750 شغل يد بدون القطع ثم ورشة المساعي فطلب 600 بدون قطع وهذه الورشة ممتازة سبق ان رهمو للفان حقي طرمبة بنزين حقت مرسيدس او بي ام قبل سنوات . ولكني وجدت ورشة متخصصة في الهيدروليك في الصناعية القديمة شغله ممتاز ويخلصها من ساعة الى ساعتين بينما الوش الي قبله يقولون 24 ساعة . ولديه ضمان ثلاثة اشهر والسعر مناسب من 350الى 500 مع القطع ووزن الدركسون و سبق ان اصلحت لاند كروزر اوتوماتيك واخر عايدي واحيانا يوجد بعض الملاحظات ويقوم الفني باصلاحها على الضمان مع الاعتذار للزبون ويمكن وصف الوشة لمن اراد [لايؤمن احدكم حتى يحب لاخيه مايحب لنفسه .
حسين السبيعي
11/12/2009, 10:06 PM
السلام عليكم هذا اما علبة الدركسون او الدودة تحتاج اصلاح بعد التاكد من الليات المتصلة بهما ويحصل هذا العطل بعد تلف الصوفة او الربلة لداخلية بسبب شدة الحرارة لدينا وسبق لي اكثر من تجربة فقد ذهبت للعضيب في الصناعية القديمة في الرياض فطلب 750 شغل يد بدون القطع ثم ورشة المساعي فطلب 600 بدون قطع وهذه الورشة ممتازة سبق ان رهمو للفان حقي طرمبة بنزين حقت مرسيدس او بي ام قبل سنوات . ولكني وجدت ورشة متخصصة في الهيدروليك في الصناعية القديمة شغله ممتاز ويخلصها من ساعة الى ساعتين بينما الوش الي قبله يقولون 24 ساعة . ولديه ضمان ثلاثة اشهر والسعر مناسب من 350الى 500 مع القطع ووزن الدركسون و سبق ان اصلحت لاند كروزر اوتوماتيك واخر عايدي واحيانا يوجد بعض الملاحظات ويقوم الفني باصلاحها على الضمان مع الاعتذار للزبون ويمكن وصف الوشة لمن اراد [لايؤمن احدكم حتى يحب لاخيه مايحب لنفسه .
تكفي نبي وصف الورشه واسمه لاهنت
العابر2222
12/12/2009, 12:23 AM
اخوي نصيحة رح لورش الهايدروليك فقط لا تروح للورش العاديه

لان الورش العاديه يحسب حق فكه وتركيبه يعني من 650 الى 700 اما ورش الهايدروليك من 350 الى 500

انا موضب علبة الدركسون والدودة بــ 450 ريال وضمان 3 اشهر وغيرو الليات والقفيز وكل شي

الورشة بصناعية النسيم مافيه الى هي وحدة بس
الاداري
12/12/2009, 12:29 AM
نفس المشكله في جيب 91 التهريب من الباور
شامخ ألهيلا
12/12/2009, 02:27 AM
السلام عليكم
اخوي انصحك تتجه لمركز الهدروليك
فرع الصناعيه القديمه بجانب المعمل حقهم


قبل نهاية شارع الثلاثين ( شارع قطع الغيار ) بعد الاشارة
يجيك محطة بنزين على يدك اليمين المعمل يكون امامك يسار