يوكن 2005 امريكي ... وصوت بالدفرنس وش الراي؟

[Aburrahman]

سلام عيكم ..

أنا شريت لي يوكن 2005 من صالة ... المهم طلع فيه صوت ووديته لكذا واحد وقالوا لي صوت دفرنس المهم قالوا لي الصالة على الضمان .. رح لتشالنجر اللي بالصناعية ويضبون لك الدفرنس خلفي او امامي .. ولا عليك وانا بصراحة متخوف شوي من التوضيب .. وش تنصحوني فيه ويعطيكم الف عافيه ... الموتر يوكون 2005 فل كامل دبل خفيف اوتماتيك بس الثقيل لا ..

[ابوطاقية]

اذا الصوت صوت ونه انتبه يحطولك زيت مقاوم او محلول لانه بيعالج الصوت فتره ويرجع

[بدوي جنوبي]

°° °°☼ •• كارونة دفرنس توضيبها بالصور اكثر من 65 صورة ••☼ °° °° (http://www.mekshat.com/vb/showthread.php?t=229302)

ممكن وصف دقيق لكيفية ظهور الصوت
ومتى يختفى

وان شاء الله انى لك من الناصحين

بالتوفيق عزيزي

[الشهامه]

انا اعتقد انها من الكارونه . خله يشيك على الكارونه اللي في الدفرنس

[طرد الهوى]

اذا الصوت صوت ونه انتبه يحطولك زيت مقاوم او محلول لانه بيعالج الصوت فتره ويرجع


صدق اخوي ابو طاقيه

انتبه ترى فيه محلول في الوكاله يخفي الصوت

اذا السياره عليها ضمان اوقف على روسهم يغيرو لك الدفرنس او يوضبوه

[ابومعزي]

الاخ عبدالرحمن تاكد من الصوت اذا كان من يختفي عندما ترفع رجلك عن البنزين او عندما تضع السيارة بحرف ان وهي ماشية فهذا ماهو كرونه انما رمانات وعموما ترى الرمانات تطلع صوت قريب من صوت الكرونه فيجب عليك تتاكد قبل ما تفك الكرونه

[Aburrahman]

أولا الله يعطيكم العافية جميعا على ردودكم ...
الصوت يبدا معي من سرعة ثلاثين الى المية بس ما يختفي اذا اسرعت زود .. يبقى موجود واذا شلت رجلى عن الدعسة وخليت الموتر يمشي وكنت بنزله او طلعه تقل يزيد الصوت شوي واذا لمست الدعسة لمس خفيف برجلي يزيد الصوت معي والصوت اغلب الظن انه بالدفرنس الامامي .. اليوم رحت لأوتو ستار وقالوا لي دفرنس امامي وقالو لي بعد مالك الا تشالنجر اللي بالصناعية هم ابخص بهالشغلات ... الصوت صوت حنه ( حنننننننننننننننن ) أو ونه ( وننننننننننننننننننن) و اذا مسكت فرامل وهديت يبين معي الصوت زود ... اليوم باوتو ستار قالو لي هذا صوت ( البانيونه ) اللي بالدفرنس الامامي .... الصوت شباب ماهو ذاك الصوت المزعج القوي لا بس انه صوت واضح يقولون لي انه صوت فضاوة بين التروس ومشكووووورين جميعا والله يبيض وجيهكم جميع بانتظار ردودكم بارك الله فيكم

[سوبر VTC]

و عليكم السلام و رحمة الله

اذا كنت تمشي على سرعه 50 همن رفعت رجلك عن دعسه البنزين
و طلع صوت قرقشه
فهذا صوت كلتشات الكارونة (وردات) مثل الدفلوك يدورن الكفرين جميع
تاكد لا يكون الصوت من الامام
على سبيل المثال اذا كنت تمشي على سرعه 70 او 80 همن رفعت رجلك
يطلع صوت وووو وووووو ووووو

بعض الشريطيه لابغا يبيع موتر
يحط بالكارونة شحم + قشر موز او برداه خشب
عشان يخفي الصوت :mad:

يوجد دواء (GM) لكلتشات الكارونة زيت ثقيل يسمى مانع احتكاك
هذي صورته طبعا ب20ريال
يجوز بعض الورش يحط لك هالدواء + شحم همن يقول خلاص ضبط الموتر
و ياخذون شغل يد 700 و طالع على لاشي و هم مافكوا الكارونة :mad:
فانتبه :good:

http://www.mekshat.com/vb/../pix/upload02/images81/mk14425_20f080923%28002%29.jpg


هذا زيت الكارونة 90
و يحط للقير العادي


http://www.mekshat.com/vb/../pix/upload02/images81/mk53291_fuibfub111.jpg


موفق

[بدوي جنوبي]

اذا على الضمان
منت خسران خلهم يصلحوه
ومثل ما قال فتك ممكن يصرفون الموضوع بشحم

تحياتى لك

[برق خاطف]

احذر من مركز تشالنجر ... وخاصة اذا كان الضمان عندهم ..
بيجيك تسحيب وكلام فاضي.. انت بالنسبه لهم صيد سمين .. احذر ....

من واقع تجربه

[سوبر VTC]

احذر من مركز تشالنجر ... وخاصة اذا كان الضمان عندهم ..
بيجيك تسحيب وكلام فاضي.. انت بالنسبه لهم صيد سمين .. احذر ....

من واقع تجربه




صدقت اخوي برق

خصوصا توبر البي حبيب البي :mad:
ترى بعض او غالبيه اللبنانيين و الاردنيين و السوريين
يحقرون السعودي :mad:
و لا عندهم ذمه و ضمير
تقدر تقول عنهم حثالة مجتمعهم :mad:

[سوبر VTC]

تاكد لا يكون من الفلنجات او من رمان العكس الخلفي

[afawaz32]

مساء الخير للجميع . بصراحه انا تحمست يوم سمعة طاري ( تشالنجر )
وبقول لكم تجربتي ... انا شريت يوكن موديل 2003 من قصر السيارات اللي على الدائري الشرقي وفحصت عند محطه قريبه من الصاله عند فلبيني بس مخ بنقالي. المهم بعد ما اخذت الموتر طلع فيه (ونه) رحت لتشالنجر علشان الضمان . قالو لي الدبل يبغاله توضيب وادفرنس فيه صوت كرونا ولحسو مخي واكتئبت وضاق صدري وقلو لي الضمان بله واشرب مويته بطريقه غير مباشره . المهم تركتهم ورحت والحين السياره لها معي اكثر من سنه شيكة زيوتها ورحت عليه لالبها ومكه والشرقيه وماخليت محل وطعست عليه ومشيت عليه حوالي 30 الف كيلو. واونه فيه بس خفيفه مره .. الزبده ان تشالجر يتعاملون معنا يا السعوديين بأحتقار ونصابين وحراميه واعرف ناس كثير لهم مواقف معهم مشابهه . والله يوفق الجميع

[$سهام الليل$]

اخوي تأكد من الرمال البيلي لأن هو اللي يطلع الونه في اكثر السيارات الجدد لأن قبل مايروح يطلع صوت ونه اما الكرونه ماتروح بالسيارة اللي معك لأن توها جديده

[$سهام الليل$]

مساء الخير للجميع . بصراحه انا تحمست يوم سمعة طاري ( تشالنجر )
وبقول لكم تجربتي ... انا شريت يوكن موديل 2003 من قصر السيارات اللي على الدائري الشرقي وفحصت عند محطه قريبه من الصاله عند فلبيني بس مخ بنقالي. المهم بعد ما اخذت الموتر طلع فيه (ونه) رحت لتشالنجر علشان الضمان . قالو لي الدبل يبغاله توضيب وادفرنس فيه صوت كرونا ولحسو مخي واكتئبت وضاق صدري وقلو لي الضمان بله واشرب مويته بطريقه غير مباشره . المهم تركتهم ورحت والحين السياره لها معي اكثر من سنه شيكة زيوتها ورحت عليه لالبها ومكه والشرقيه وماخليت محل وطعست عليه ومشيت عليه حوالي 30 الف كيلو. واونه فيه بس خفيفه مره .. الزبده ان تشالجر يتعاملون معنا يا السعوديين بأحتقار ونصابين وحراميه واعرف ناس كثير لهم مواقف معهم مشابهه . والله يوفق الجميع
اخوي تأكد من الرمال البيلي والزيت لأن احتمال الزيت مو نفس المواصفات لأن كل تغييره لها رقم ونوع زيت

[اااااابو يوسف]

هلا اخوي

انا في موترى نفس الصوت ولكن في السرعات الخفيفة من 30 الى 60 ( لا اعلم هل الصوت لا يتضح لي الا بعد تخفيف صوت المكينة ــ ربما ) ويتضح اكثر عندي لمسى للدعاسة لمسة خفيفة

مريت تشالنجر لتغيير الزيوت وذكرت لهم المشكلة وقالوا الامر طبيعي اذا زاد الصوت ممكن تجي ونشيك على السيارة ( شكل تحديد مكان الخلل صعب شوي )

على كل ننتظر خبرائنا في هذا المنتدى وفي انتظار من مرت عليه وصلحها

كل الدعوات بالتوفيق للجميع

[اااااابو يوسف]

في انتظار ردود اصحاب الخبرة

[سلفاريو]

السلام عليكم ورحمة الله وبركاته
بعد اذن صاحب الموضوع ومشكله قريبه من سيارته ونفس مركز الصيانه (تشلنجر)صار لي معاهم هذا الموقف ...شريت سياره من احد الصالات بدون ذكر الاسم تاهو افلانش موديل 2005 بطاقه وبعد ماجربته طلع عندي صوت في الدفرنس الامامي ورحت للمركز المذكور (ابو اديب السوري )المحاسبه قال على الضمان نصلحه لك قلت على بركة الله وبعد اسبوع اتصلوا علي قالوا تعال خذ موترك جاهز ...وهنا بدات المشكله جيت المحاسبه قالو ادفع 1791 ريال فرق التكلفه ...وحسب كلامه ان الموتر كلف 4791ريال وهم غطوا 3000 الف قيمة الضمان حسب ماهو موجود ببطاقة الضمان...علما يااااخوان انه قال ماتتحمل شي ولا عطوني خبر عن الفرق وقت التصليح ...خذيت السياره وجربتها واقسم بالله العظيم لقيت المشكله نفسها ولا اي شي تغير ...بعدها قلت استعمل السياره لين ربك يحلها ...وبعد فتره رجعت لهم بسبب زيادة الصوت قالوا خلها عندنا ونشييك عليها قلت على بركة الله اتصل ابو اديب علي وقال السياره محتاجه توضيب دفرنس خلفي قلت والتكلفه قال علينا ...وبعد 3 ايام رحت خذيت السياره والله ثم والله ثم والله ماتغير شي ...ويشهد الله المره هذي ماخذوا مني ولا ريال ...المهم ياااااخوان استخرت الله ورحت للمعارض وبعت السياره ويشهد الله بخساره فوق 21 الف ريال ...وهذي مشكلتي مع المركز والاخ ابو اديب وحسبي الله ونعم الوكيل ...ونصيحه ياصاحب السياره لوجه الله كن حذر واعرف الي لك والي عليك قبل كل شي ...والاخوان كونوا حذرين مثل هذي المواقف وياناس الطيبه لعبت فينا ...وعسى الله ييسر امركم ...ولكم مني كل الشكر والمعذره ياصاحب الموضوع ...وتقبل مروري

[بن سعيّد]

طيب يا اخوان بعد هالقصص كلها لماذا ثم لماذا ثم لماذا

لايوضع موضوع ويثبت في هذا القسم لأكثر الورش ثقة !؟!

صراحة أدري أن مكشات وخاصة هذا القسم يتمنى كل خير لأعضائه

لذا من باب المحبة وحب الخير لأخيك نأمل من المشرفين هنا طرح موضوع مثبت يخص هذا الأمر

[jt26]

طيب يا اخوان بعد هالقصص كلها لماذا ثم لماذا ثم لماذا

لايوضع موضوع ويثبت في هذا القسم لأكثر الورش ثقة !؟!

صراحة أدري أن مكشات وخاصة هذا القسم يتمنى كل خير لأعضائه

لذا من باب المحبة وحب الخير لأخيك نأمل من المشرفين هنا طرح موضوع مثبت يخص هذا الأمر

اتفق معك وبقوه

[abo yusef]

مشاكل سيارات الصاﻻت والضمان
التشليح ممتاز للدفرنسات اﻻمر الثاني ﻻزم تتاكد منةعمدان الكردان واتزان المحاور