الله يجزاهم عنى خير

[محب النبى]

السلام عليكم ورحمة الله وبركاته

اسعد الله اوقاتكم بكل خير


عند ذهابى الى مكه المكرمه وقبل الوصول اليه 60 كم حصل لى بنشر للسياره كفرين وانا يشهد الله

لا استطيع عمل شى للسياره بسبب مرضى اجركم الله وعميت بصيرتى لا اعرف ماذ اعمل

حاولت استنجد باهل الطريق لعل وعسا ولم اجد احد يقف لى واصابنى هم وكدر لا يعلمه الا الله وحده

فقررت الصعود الى السياره وانتظر فرج الله

وابتعد عن حر الشمس والحراره العاليه اتصلت بابن عم لى والله يا اخوانى لم ياتى لى ولم يسعفنى

فزدت كمد على كمد

واذا با ثنين من الشباب المعتمرين معهم سياره مرسيدس قديمه يمكن موديل 86 او 84 لونها رصاصى

حتى شمعت السياره الاماميه مكسوره

واعتقد انهم من القصيم من شان اللهجه عرفتهم

وسلموا على وطمنو خاطرى وقالوا لى لاتهتم وقاموا بعمل اللازم

والله يا اخونى انى بكيت من معروفهم معى وقلت لهم امرونى باى شى اقدمه لكم


ماذا كان جوابهم؟

قالوا نريد دعوه صادقه ولانريد شى

الله يجزاهم عنى خير ويرحم والديهم ويكتب عملهم عند الله

هولاء الرجال ابناء الرجال بارك الله فيهم واجزاهم عنى كل خير

اخوكم فهد

[عرق رملان]

الله يشفيك ويعافيك يا فهد ويمتعك بالصحة والعافية يا رب يا كريم
ولا يضيق صدرك وانا اخوك الموضوع الي حصل لك معرض له ايو واحد فينا انك تبتلاء بي مشكله بسيطة والحل سوف ياتي من عند الله سبحانه ولكن تحتاج شويت صبر ..
لونك بدال ما ضيقت صدرك قعت في السيارة تسبح وتهلال احسن لك .

انا ابعطيك موقف حصلي انا في البر عن السفلت 50 كيلو تقريبا وانا بسيارة واحدة وكانت دفع ربعاي وانيت بقدرت قادر تعلقت السيارة فوق الطعس ( العرق ) ومعي اثنيين من الربع كل واحد فيهم مصاب بالسكر الله يشفيهم والجرح عادة يسبب مشلكه للي فيهم مرض السكر وحلفت عليهم انهم ما يسون شي ولا يلمسون السيارة
وكان الكلام هذا حول مغيب الشمس
وقعت اتصل بجهاز الارسال الكنود نشوف احد يسعفنا عن طريق سحب السيارة وهذا الحل الوحيد .
واذنك ان شا الله ما تسمع الا كل خير:
الي يرد علي وش جابكم سيارة واحدة !! ليه ما تجون سيارتين ويقعد يحقق ويقدم الملامه
والثاني يرد يقول عندي لك حل اتصل على الدفاع المدني ( ينكت ويضحك ) ومع العلم انهم قريبين منا عن طريق البث يبين عندا والثالث يستهتر ويستهبل ويستخف دمه .
والله انهم لم يحركو فيني ساكن ابشرك
قلت الله يجيب النشمي ان شا الله
ويوم طلع ذاك السنافي من هالرخوم الي يعلقون بستهتار وعدم مبالاه.
والله العظيم انه قال كلمتين حددلي مكانك قلت ابشر خذ الاحداثية .. ولا جلست تقريبا ثلث ساعة الا وهو عندي .
والشباب الي فزعولي من قروم حايل .. رجاجيل وحطهم على يمناك .
وكان عندي والله ثقة عميى ان الله لا يخيب من دعاة .

وانا اخوك لا تضيق صدرك وكان الموضوع ما يحتاج تقدر خاطرك
والله يوفقك ويشفيك

[العودالازرق]

الناس فيهم الخير باقي وأن قل ( أما أهل القصيم خاصة من يسكنوا خارج المدن فيهم فزعه ونخوة عجيبه )
نسأل الله لك الشفاء

[محب النبى]

اخى عرق رملان

الله يشفى لك الوالده ويفرحك بها ويكسبك رضاها اللهم امين

ويجعل والداى ووالداك واخوانى وجميع المسلمين فى الجنه عند رب كريم

صدقت الدنيا ما تخلى من الرجال

وتسلم لاخوك فهد

[مكشاتي متصوب]

الله يشفي لك وادتك يا رب