سؤال لأهل الخبره فقط؟......الصقار111

[الصقار111]

السلام عليكم ورحمة الله وبركاته
كيف أحوالكم عساكم بخير
أخواني الصقاقير .. عندي كم سؤال أرجو الأفاده من خبراتكم؟

واحد من الربع عنده حر ثنو
يشبص (ينتفض) في الجو
إذا هده أو دعاه يشبص بس ماهو دايم
الأسئله ؟؟؟؟؟

س1/ماسبب هذه التشبيصه ؟
س2/ماهو الحل في ترك هذه العاده ؟
س3/هل يوجد لها علاج ؟وما هو؟
هل تجلب الضرر إذا لم يتم علاجه أن وجد؟

مع العلم أن هذه العاده معه من يومه بكر
ويومه فرخ مايدري لأنه شاريه وهو بكر


أرجو الأفاده من أهل الخبره

[@قرناص@]

.....

اخوي الصقاره ..

اعتقد انها عاده في الطير ،،

والصقاقير يفيدونا اكثر ،،

[راعي مينون]

مافهمتك يعن ينتفض وهو يطير والله غريبه ياخي انا الصراحه ما قد جفت طير جذا

[الصقار111]

قرناص : يامرحبا والله وهذي ماهي عاده فالطيور الظاهر ان الطير فيه شي والله العالم
راعي مينون : حياك الله شرفتني بمرورك والطير على كلام خويي ينتفض وهو طاير وهذه غريبه ؟

[@قرناص@]

قرناص : يامرحبا والله وهذي ماهي عاده فالطيور الظاهر ان الطير فيه شي والله العالم
راعي مينون : حياك الله شرفتني بمرورك والطير على كلام خويي ينتفض وهو طاير وهذه غريبه ؟



اخوي الصقار ،،

انا اقصد ان الطير الي معكم فيه عاده الي هي ينتفض وهو طآير ،،

وانا اول مره اسمع عن ها المشكله ولا رأيت مثلها ..

والصقاقير يفيدونا ان شاء الله .. :good:

[محمد الفهيد]

حضرت مدعى طيور قبل 5 سنوات تقريبا
وكان فيه طير ايتنفض على وكره كل شوي ويوم يدعى فوق ايتنفض كم مره اتحس ان الطير متضايق
فقال أحد الموجودين ان الطير ايتنفض من القمل ايضايقه في أذنه وتحت ريشه

طبعا له علاج رش في الصيدليات البيطريه
والعلم عند الله

[مشبر البران]

الله يوفقك

[@قرناص@]

حضرت مدعى طيور قبل 5 سنوات تقريبا
وكان فيه طير ايتنفض على وكره كل شوي ويوم يدعى فوق ايتنفض كم مره اتحس ان الطير متضايق
فقال أحد الموجودين ان الطير ايتنفض من القمل ايضايقه في أذنه وتحت ريشه

طبعا له علاج رش في الصيدليات البيطريه
والعلم عند الله


يآمرحبـآ بآخوي محمد ،،

اذا كان كلامك صحيح ان النفض دائما بسبب القمل فآكيد الحل بسيط فيه بخاخ لطيور يباع في محلات البيطره وترش الطير ويروح القمل باذن الله ..

[الصقار111]

حضرت مدعى طيور قبل 5 سنوات تقريبا
وكان فيه طير ايتنفض على وكره كل شوي ويوم يدعى فوق ايتنفض كم مره اتحس ان الطير متضايق
فقال أحد الموجودين ان الطير ايتنفض من القمل ايضايقه في أذنه وتحت ريشه

طبعا له علاج رش في الصيدليات البيطريه
والعلم عند الله
أخوي/ محمد الله لايهينك ويطول في عمرك والحل أن شاء الله بسيط بس أدعوا لطير خويي بالشفاء
أخوي / مشبر البران شاكر لك مرورك
أخوي / قرناص بيض الله وجهك على تفاعلك مع الموضوع
مشكورين وبيض الله وجيهكم

[راعي ندقان]

حياك الله ياصقار 111 الله يحيك كانت كانت عندي شيهانه تركيه وفيها ملع في فخذها وطارة مني العام وحنا حول السعيره ودقتها حوم وهي تحوم قامت تنافض وهي مافيها لاقمل ولا يحزنون

[قنيص غبر]

اتفقو اخواني بان النفضه من شي في الطير وهناك احتمال قوي بانه فيه قمل جرب اترشه ببخاخ للقمل وشوف النتيجه .. حاول اترشه في وقت غير حزت معشاه واتجنب اتغسله بعد الرشه ..

[الصقار111]

حياك الله ياصقار 111 الله يحيك كانت كانت عندي شيهانه تركيه وفيها ملع في فخذها وطارة مني العام وحنا حول السعيره ودقتها حوم وهي تحوم قامت تنافض وهي مافيها لاقمل ولا يحزنون
بيض الله وجهك ياراعي ندقان
خويي يقول طيره مافيه ملع

[الصقار111]

اتفقو اخواني بان النفضه من شي في الطير وهناك احتمال قوي بانه فيه قمل جرب اترشه ببخاخ للقمل وشوف النتيجه .. حاول اترشه في وقت غير حزت معشاه واتجنب اتغسله بعد الرشه ..
مشكور وبيض الله وجهك شاكر لك مرورك يالغالي

[راعي غضبان]

اظن انه طبيعه في الطير والله يستر عليه ويعافيه

[كلما نسنس]

اخوي الصقار111 صبحك الله بالخير...
كان راعي الطير مايدعيه يومياً ** يطول مايدعيه من فتره لفتره**
((اتوقع ان الطير مبسوط الضعيف انه يطير )) ويعبر عن شعور الوناسه بطيران..
وممكن يكون زي مقالووو الاخوان قمل بس القمل يبين وهو علي وكره ..
وتقبل مروري المتواضع

[الصقار111]

راعي غضبان : الله يرحم والديك ولاهنت على المرور
كلما نسنس : مشكور وبيض الله وجهك والله لايهينك على المرور

[راعي لدهم]

يمكن الطير فيه جني ويستنزل اذا سمع الصياح

[الصقار111]

هههههههههه
لا يمكن يسمع سامري هههههه

[مدماك]

هلا بك اخوي والله كلامك صحيح كان معنى فرخ شاهين والله اذا هدينها على كروان تنتفض مره او مرتين وبعدها خلاص ولا عرفنا سببها هذا الكلام قبل 3 سنين والحمدالله ولا طير جاء مثلها.....