الدفرنس الأمامي لليوكن

[كشاشيت]

السلام عليكم ورحمة الله وبركاته.
الله يعطيكم العافية على المجهود الكبيراللي تقدمونه لأخوانكم.
زميل لي عنده يوكن 2007 الله يبارك له فيه.
عنده مشكلة تهريب زيت من قدام كشف عند الوكالة قالوا له الدفرنس الأمامي يبي له تغيير.
وسعره غاللي وبقوة بالوكالة .( مع اني أظن أن البلاء مهوب في الدفرنس كامل ) بس الوكالة وماتسوي.

ابي استفسر استفسارين:
الأول : احد منكم يخبر دفرنس امامي للبيع وبسعر معقول ، أو وين يمكن احصله باسرع وقت.
الثاني : ابي ورشة مضبوطة في صيانة دفرنسات اليوكن.. لانه بصراحة مالنا جلد على الوكالة .
ويعطيكم العافية مقدماً.

[بدوي جنوبي]

عليكم السلام

يا لطيف ،، تغيير دفرنس كامل عشان تهريب

يا اخى تاكد الله يعافيك ،، فيه غلط فى الموضوع

ارد عليك بعدين بصراحه ما استوعبت الموضوع :no:
وجتنى صدمه ،، من رد الوكاله

تحياتى

[كشاشيت]

هلا باخوي بدوي
هذا كلام الوكالة.. الدفرنس جايه ضربة باحد الشعبان وصار التهريب .
عشان كذا انا اسأل اهل المعرفة وش تنصحون زميلي واسال عن الورش المتخصصة بالدفرنسات

[لن أمل من العطاء]

يعني تهريب من صوفه او من نفس جرم الدفرنس

مهم معرفة مكان التهريب

[كشاشبت]

وديناه لورشة سياحية وقال لنا ان التهريب من غلاف الدفرنس (الجرم الألمنيوم)
يقول ان العمود يمكنه سليم
لكن البلا بالغلاف أو الغطاء الخارجي للدفرنس

نبي فزعتكم يالربع

إذا أحد يخبر لنا ورشة متخصصة وعلى مستوى غير ورشة تراي ستار
عشان ننصاها ونرتاح
وله مني جزيل الشكر وهذي وردة http://gfx2.hotmail.com/mail/w4/pr01/ltr/emoticons/rose.gifشموها بس رجعوها

[مغلي]

اليس مشمول بضمان الوكيل

المفروض يصلحه تحت الضمان

[كشاشبت]

أخي مغلي شاكر مداخلتك

لكن للأسف لا ليس مشمول بالضمان

أرجو إفادتي بورشة متخصصة

وأيضا إذا أحد يخبر لي دفرنس مستعمل يوكن 2007 للبيع يتواصل معي

بس ترا زيت الدفرنس عليه إللي أوله شرط اخره لمبة (:

[لن أمل من العطاء]

حبيبي
كشاشبت

هل هو شطب فقط

او كسر بحيث ان الدفرنس اصبح قطعتين وتحرك من مكانه ولو لملميترات قليله

تختلف طريقة الاصلاح

وايضاهل تأثرت التروس والاجزاء الاخرى بالداخل ام كلها سليمه

[saad.saud]

لك رسالة على الخاص

[سوبر VTC]

و عليكم السلام و رحمة الله

يحتمل ان المخرطه تلحم الكسر :good:

موفق

[سوبر VTC]

هذي ورش من الاخ ماجلان

للجموس




اقتباس: اقتباس:

عندك تشليح آل موسى في الصناعيه القديمه
فيه لبناني مسيحي دكتور كارونات للجمس فقط ويوزن الكوارين بالمللي
ادخل شارع العنوز وجهك شرق وخل السالم على اليسار وتعد اول محطة يبي يجيك مطعم بخاري على اليمين فيه شارع مقابله من شمال ادخل معه يجيك التشليح يسار...

والقيور فيه هندي بصناعية الخليج
دكتور قيور جموس وشفر اسمه صابر رقم الورشة 217
كاسره بالسعر لو فيه مشكلة توضيب

وفي عندك ورشة مشعل العتيبي على شارع الريم بالصناعية القديمة تخصص قيور جمس من 40 سنه

وفي عندك صناعية ام الحمام ورشة القحطاني رقم 11 سوداني فلته في الكهرباء



موفق
شف هالاخوان برابطه الجمس الحوض يدلونك على ورشة زينه :good:
مايقصرون شقرديه و خبره
خصوصا الاخ بليهان1 :good: خبره
و ايضا الاخ بن غييثات :good:

رابطة مـــــلاك الجموس الحوض (http://www.mekshat.com/vb/showthread.php?t=147000)


رابطة ملاك (اليوكون , دينالي , تاهو , السوبربان ,z71) (http://www.mekshat.com/vb/showthread.php?t=171953)


موفق

[كشاشبت]

حبيبي
كشاشبت

هل هو شطب فقط

او كسر بحيث ان الدفرنس اصبح قطعتين وتحرك من مكانه ولو لملميترات قليله

تختلف طريقة الاصلاح

وايضاهل تأثرت التروس والاجزاء الاخرى بالداخل ام كلها سليمه





أخي الكريم لن أمل من العطاء (http://www.mekshat.com/vb/member.php?u=43653)
شاكر لك ردك الكريم

وأحب أن أفيدك بأن السيارة ضربت في صخرة كبيرة مما أدى لحدوث شرخ في جرم الدفرنس الخارجي لكن ليس الدفرنس نفسه (مكان الكارونة)
وإنما العمود الذي ينقل الحركة من المكينة والذي من المفترض أن يكون يدور بوسط سائل نقل الحركة وأنا أعني هنا الدفرنس الأمامي
وأنا أرجح أنه تحرك

أما ما ذكرت عن الأجزاء الداخلية فهي سليمة

شاكر لك

[كشاشبت]

أخي الفاضل saad.saud (http://www.mekshat.com/vb/member.php?u=69337)

الرسالة وصلت وجزاك الله كل خير وجعلها بميزان حسناتك

وسوف أتجه لهم بإذن الله

وأنبئك بما يتمخض الأمر

لا حرمني الله منك

وأجزل لك الأجر والمثوبة

[كشاشبت]

و عليكم السلام و رحمة الله


يحتمل ان المخرطه تلحم الكسر :good:


موفق




أخي الفاضل VTC

لم أسأل لكني سوف أجرب

أشكر لك مداخلتك أخي الكريم

[كشاشبت]

هذي ورش من الاخ ماجلان



للجموس




شف هالاخوان برابطه الجمس الحوض يدلونك على ورشة زينه :good:
مايقصرون شقرديه و خبره
خصوصا الاخ بليهان1 :good: خبره
و ايضا الاخ بن غييثات :good:


رابطة مـــــلاك الجموس الحوض (http://www.mekshat.com/vb/showthread.php?t=147000)



رابطة ملاك (اليوكون , دينالي , تاهو , السوبربان ,z71) (http://www.mekshat.com/vb/showthread.php?t=171953)



موفق







جزاك الله خيرا مرة أخرى ولا حرمنا منك
أشكر لك نقلك

جعله الله في ميزان حسناتك

سوف اسألهم