استفسار من الاخوه الي عندهم خبره

[ألحر العراقي]

السلام عليكم ورحمة الله وبركاتة

اخواني الصقارين عندي طير كرناس عود صورته في توقيعي
طلعت البر بعد ان ذكر احد الاخوه من صيادي السمك انه رأى شاهينه بحريه
صايده قطاه في منطقه قريبه من المنزل
اخذت معي عده الشبك من حمام وكطا الى غيره
وطبعا الطير كان معي
لكن لم اجد الشاهينه
لكن وجدت ما افرح قلبي اكثر من الشاهينه
8 حباري طلب الطير لكن لم اهده بسبب الموس لم يكتمل نموه بعد
فأرجو منكم النصيحه
وتذكرو اخواني ان حباري ديرتنه ماهي بيهينه واكثركم ابخص بها

[NAWAFQ8]

السلام عليكم ورحمة الله وبركاته
اخوي الحر العراقي
الصيد لاحق عليه وانا اخوك
ولاتستعجل ارفق على الامواس لين تعصب
وهدت الطير وامواسه للحين فيها دم وماكتملت تضرها
وسلامتك من وجهة نظري انا
وننتظر باقي الاخوان

[أبو فيصل]

بارك الله فيك و الله يرزقك من الرزق الحلال بغير حساب

أعجبني تصرفك و هذا هو تصرف الصقار الغير مطفوق اللي ما يقنص لين يجهز الطير ولا هو شرط يهده اذا لقى الحبارى وهو ما جهز

[قناص الخبر]

زين ما سويت اخوي والله يرزقك انشالله

[@قرناص@]

انتظر حتى تكتمل الموس بعدها بتحصل ان شاء الله اجوال من الحبارى ،،

واعجبني تصرفك وبالتوفيق

[@السيف@]

تسلم انت اركد من طيرك وبعضهم طيورهم اركد منهم

[ابوعيدالدوسري]

تسلم انت اركد من طيرك وبعضهم طيورهم اركد منهم

عجبني تعليقك اخوي :)

انتظر وفالك الخرب ياصاحب الموضوع.

[تركي الرماي]

مااقصرو الاخوان

[ألحر العراقي]

بارك الله فيكم ماقصرتو