الطير فيه بداية صده شنو الحل

[مفسر احلام]

مساكم الله بالخير
ياجماعة طيري فيه بداية صده توها مبينة فيه ولا لبسته البرقع
راسه يصير مايل على جنب اللي عنده حل لا يبخل علي فيه
الله يرحم والديكم

[@قرناص@]

مسيك بالنور ,,

ما ادري كانك تقصد السده تجي في باطن رجل الطير ،،

والربع يفيدونك ان شاء الله ,,

[مفسر احلام]

لا يا اخوي مو سدة صده براسه او صدغة على قول البعض وشاكر مرورك

[بوغلب]

الصده أو أبورقيبه أو نيوكاسل من اشد واخطر الأمراض
والطيور الى تتعافى منها قليل
للأسف لايوجد علاج للمرض ولكن يوجد تطعيم ضد المرض يعنى تطعم قبل لايصيبه
الحل الأمثل والأحسن انك تخلى الطير بالشمس من يصبح لين يمسى وتحرص كل الحرص ان يكون صحن الماء قريب من الطير علشان يشرب وتعطيه مع العلف فيتامينات B واملاح ومعادن
مدة التعافى تعتمد على مدي قوة المرض - عالأقل يبيله شهر
ولكن عندي ملاحظة:: هل تأكدت ان برقع الطير مافيه خرم ولو بسيط يدخل اي نور بسيط عالطير وهو مبرقع؟ تري اذا فية اي ثقب بسيط راح يخلى الطير كأن فيه صده وطيور واجد صار فيها الشي هذا ... تأكد من البرقع والأفضل انك تشتري برقع جديد وعسى الله يعافى طيرك

[تركي الرماي]

مااااااقصرو الاخوان

[وشــــام]

فيتامين أ يسبب نفس الاعراض اذا نقص اعطه كبسولات ملتي فيتامين واذا ما تحسن وثبت انه صرع انصحك بالكي بس رح لواحد خبير بالكي .

الله يعقل علينا و عليكم

[مفسر احلام]

الله يجزاكم كل خير والطير برقعة كان في فتحة بسيطة وتوي مغيره
والله يرحم والديكم يعني ان شاء الله ما يضره

[falconer-kw]

السلام عليكم اخي العزيز مفسر احلام عندي حلم ودي تفسره:D لالا امزح معاك

اخوي الصده مدامها جات من البرقع عندي لك نصحيه وان شاء الله تفيدك اترك البرقع عنك لمده اسبوع واذا عندك مكان حاول تخلي الطير بالشمس فتره الفجر وفتره العصر بعد الزوال واحرص على صحن الماء يكون عنده ضرررررررررررررررروي ورح للبيطري في كبسوله اسمها مالتي فيتامين عطها للطير وفتره الظهر يكون الطير يشوف النور ولكن لا تكون الشمس مسلطه عليه لانها بالوقت هذا تكون حاميه الله ياقينا من نار جهنم وجميع المسلمين واسال الله العي القدير ان يشفي طيرك ويرزقك الصيد الطيب وسامحني على القصور وان كان مني خطأ فمن نفسي والشيطان وان اصبت فمن الله جل جلاله والسلام خير الختام

[@السيف@]

بيض الله وجيهكم

[نيازي]

لا يهمك انشالله مايضره
توكل على الله ترى من البرقع غيره وانشالله كل شي زي ماتحب
بس لاحظ الطير لا غيرت برقعه
وعطه فتامينات مالتي فتامين
وبلتوفيق للجميع

[مفسر احلام]

مشكورين وما قصرتم كفيتو ووفيتوا والله يجعله في ميزان حسناتكم يارب