سؤااال يالمكشاتية

[برق الشمال 11]

السلام عليكم
كم باقي على دخول الوسم

[* الــــفــر قــــد *]

باقي عن الوسم ( الوسمي ) 15 يوم ويبداء من 16-10-2009 طالع العواء .
والبعض يحتسب دخول الوسم من 1-10 -2009 وتسمي
قلايد الوسمي طالع الصرفة 3-10-2009 والله يرزقنا ويغيثنا بالوسمي هذه السنة .

[برق الشمال 11]

الله يعطيك العافية أخوي هام السحايب

[بدربن عبدالله]

حنا هالحين في سهيل وعقبه الوسم ،
والخلاوي يقول (يقصد بعد دخول سهيل)
والى مضى واحد وخمسين ليلة ،،،، لاتامن الماء من حقوق الرعايد
يقصد يدخل الوسم يعني بعد سهيل بواحد وخمسين ليلة يدخل الوسم بس مدري متى دخل سهيل
هههههههههههههههههههههههههههههههههههه
بإذن الله يجيك الجواب الشافي بعد صلاة الجمعة


بس كيف الوردي

[محب الخيال]

انشاء الله ان المملكه يجيها الخير بعد السبوع من الان با ذن الرحمن الرحيم

[بدربن عبدالله]

جبت لك الجوااااب


يبدا الوسم في 16 اكتوبر الموافق يوم الجمعة 27 شوال

وهو الموسم الذي ....

* تهيج فيه امراض الحساسية والانفلوانزا<<العادية...
* تبدأ هجرة الصقور في شمال المملكة..
* تبدأ هجرة الحباري والكروان والسمان...

8
8
8
هذا اول اسبوعين



في 1 نوفمبر الموافق يوم الاحد 13 ذو القعدة
(يعني بعد اسبوعين من بداية الوسم)


* تبدأ الامطار وتكثر << طبعآ بأمر من الله
* المطر في اول نوفمبر هو اللي يضبط لك الفقع بإذن الله
* تبدأ هجرة الكرك(الاصلع)وطيور البلابل



في 23 نوفمبر الموافق يوم الاثنين 6 ذو الحجة
* معد يسدك الجاكيت الخفيف ولا اللطمةلازم تلبس بجامة
* تستمر الأمطار وبكثرة بإذن الله
* مطر هالأيام هو اللي يسقي الفقع اذا كان فيه مطر من اول


آخر اسبوع في الوسم
يشتد البرد وتبدأ هجرة القطا (المقطقط) او على قولتهم قطا نجد ..

ادري طولت بس وش اسوي خبير نجوم ولقا له فرصة يتفلسف..

وبــــــــــــــــــــس

[أبوحيا]

يعطيك العافية