الشوازن التركية يا أهل الخبره

[BaDeR-21]

السلام عليكم ورحمة الله وبركاته

لا اريد الأطاله عليكم وبكل اختصار اريد من أهل الخبره توضيح لنا ما هي عيوب الشوازن التركيه وذالك لرغبتي بأقتناء أحدها أتنمى من اهل الخبره الدلاء بدلوهم ..

من تلك الشركات هي :

1- ستويقر(Stoeger).. يقال انها تابعه لـ بنلي / وجميع قطع الغيار تركب من بتلي
2- فرسان ..
3- ورد وولف (الذئب الأحمر)..
4- ميراج ..

* وأنا حاط عيني على Stoeger

مع خالص الشكر للمنتدى والقائمين عليه ..

[أبو طلال-نقوه]

خير ما إخترت, الستويجر ممتازه, وهي تابعه لبنلي, و قطع الغيار أكثر من 85% بنلي... و موفق إن شاء الله.

[BaDeR-21]

أخوي أبو طلال مشكور على تعاونك والرد على موضوعي ..

عندي أستفسار بسيط هل الـ الستويجر أستعمالها جيد ولا فيها أعيوب و ماهو اعلى حجم فشق (جرام) ممكن أستخدمه عليها ..
للمعلومية البندق هي (The Stoeger Model 2000 semi-auto)..

[ابوفهيدان]

البنادق التركية مثل لميس ماودك الا تشوفها بس
لو يحصل لك نوع ثاني افضل

[أبو طلال-نقوه]

بنظري أن الستويجر ليس بها عيوب. إستمر بصيانة الشوزن و راح تدوم عندك, و الجديده تحتاج تقريباً 3 دستات 36جرام للتلين.
الستويجر ترمي من 24 إلى 56 جرام, وأفضل شوك للقمري و الطيور المشابه هو 3 و للكبيره 2.
أنا مجرب 3 ستويجر و 2 ميراج و 1 رد ولف و بلاك ولف و 2 يالدز و فرسان القديمه, وإلي عجبني رميها الستويجر....
والله يوفقك.

[ابو سفيان]

اتركها لا تخذها تراك تندم
انا اخت التركيه بلاك ولف وشفها ما كملت اسبوعين وهي في الصيانه
انكسر الضراب حقها
وتقلون قطعها زي البانلي انننننننننننننننننننسا
ترا ضحك على الدقون بس يبون يمشون االسلعه

[أبو طلال-نقوه]

اتركها لا تخذها تراك تندم
انا اخت التركيه بلاك ولف وشفها ما كملت اسبوعين وهي في الصيانه
انكسر الضراب حقها
وتقلون قطعها زي البانلي انننننننننننننننننننسا
ترا ضحك على الدقون بس يبون يمشون االسلعه

يا أخي العزيز,
أنا أتكلم عن الستووووويجر, ليس البلاك ولف..... "قطع غيار البنلي لا يركب على البلاك ولف"!!!

[ابو سفيان]

قل قسم
يبيلي اشوفها على ارض الميدان
لكن تركيه ويعني الصناعه الله يستر منها
وانت ونضرك

[براوينغ]

الستوقر ,, بصراحه شوزن لا يعلى عليها ؟؟ ورميها مثل البنلي والبرتا ,, وقطع البنلي تركب عليها 99% ورميها حاار وبندق مو مثل باقي البنادق التركيه عليها رمي يبرد التسبد وترمي فيها من 24 لـ 56 وهي عندي حاليا وواصل فيها بالرمي لـ 40 قرام وما قالت شئ ورميها احلى ما يكون , وان شاء الله بكتب موضوع خاص بس عن هالبندق الستوقر اللي الكثير من الرمايين يجهلونها ويذمونها بدون ما يجربونها ؟ بس لان صناعتها تركيه ؟ ياجماعه ترى مصنع عن مصنع يفرق والستوقر اللي يشرفون عليها مهندسين بنلي ,, بس الصناعه بتركيا ؟ وكثير من الناس من تقول له تركي يقول حط رجلك انحش انحش وهو تلقاه مجرب تركيه من الانواع الرديه ؟ ترى البنادق اشكال والوان فيه منهم الطيب وفي منهم الردي وانا بصراحه اشوف ان الستوقر لا يعلى عليها وهي بندقي وان شاء الله بنزل موضوع عنها لعل وعسى تتغير وجهة نظر بعض اخواننا الرمايه ويجربونها ويقتنعون انها طيبـه , وانا اقول لك اخذها وتوكل على الله وان شاء الله بتدعيلي بالخير ترا رميت ببنادق ومن ضمنهم البلجيك القديم , بنلي رافيلو فل تشوك , ريمنغتون برايمر وبنادق واجد وما عجبتني الا الستوقر التركيه ؟ البلجيك ثقيله ولا كثرت عليها رمي الخشاب اللي قدام ينشعر ؟ وسعرها غالي مع انها قديمه بس عشان سبطانتها ؟؟؟ والبنلي رافيلوا عز الله انها بندق بس فل تشوك بدون شوكات ؟ يعني لا لقيت جول ما راح تاكله كله ؟؟ والريمنقتون برايمر زوينه بس ترجف رجف ,, ومقارنه بالستوقر ؟ هي اخف وزناً من هالثلاث بنادق اللي قلت لكم عليها واخف رجف من البنلي رافيلوا بواجد ؟ وزنها ريشه وممسكها حلو وعليها سوق ركب عليها فل تشوك رقم 1 وشوف شلون السوق اللي يبرد التسبد مراميها عندي احلى من مرامي البلجيك والبنلي رافيلو فل تشوك والبنلي رافيلو ,, والبندق مهما اوصف فيها ما راح اكفيها حقها ,, وانت جربها وشررط شررط راح تدعيلي
تقبل تحياتي

[BaDeR-21]

أشكر الأخ براوينغ وأبو طلال ..

على نعاونهم وردهم الطيب على موضوعي توضيح المطلوب .. وشورك وهدايت الله يا براوينغ راح اشتريها خلال الايام القادمه ..

تحياتي للأستاذين الكبار اللي ردو على موضوعي ..

[BaDeR-21]

عندي أستفسارات بسيطه وهي ما طول السبطانه الستوقر موديل 2000 و ما هو افضل رصاص للقمري موقع و طيار و افضل رصاص للبط او الطيور الكبيرة خاصه بالطيار ..

و أرجو من الأخوه اللي أستخدم الستوقر يقول رايه فيها ..

ووتحياتي للجميع ..
(تحيه خاصه للأخ أبو طلال-نقوه و براوينغ) على الجهود الكبيرة اللي يبذلونها ..

[الشقروى]

الله يوفق اخوي بدر
والله يطعمك من خيرها ويكفيك شرها

وتقبل تحياتي
اخوك / الشقروي

[أبو طلال-نقوه]

عندي أستفسارات بسيطه وهي ما طول السبطانه الستوقر موديل 2000 و ما هو افضل رصاص للقمري موقع و طيار و افضل رصاص للبط او الطيور الكبيرة خاصه بالطيار ..

و أرجو من الأخوه اللي أستخدم الستوقر يقول رايه فيها ..

ووتحياتي للجميع ..
(تحيه خاصه للأخ أبو طلال-نقوه و براوينغ) على الجهود الكبيرة اللي يبذلونها ..


الستويجر تجي 28إنش و 30إنش, و أغلب إلي بالسوق 30إنش.
أفضل فشق برأيي الشخصي هو 32 جرام رقم 7ونص للقمري, والطيور الكبار 36 رقم 6 و 42 رقم 6... لكن في فشق صعب ماله دواء هو أولمبيا 35جرام رقم 5, يجي 10 فشقات بالدسته, مداه بعيييييد جداُ.
"القمري أصيده ب28 جرام رقم 7ونص"

[المرقآب]

كم سعر الستويجر
لاني حطيت عيني عليها
عسى الله يرزقنا بها
لاتنسون كم السعر ووشلون رميها عالقطا والحجل

[ansaan]

كم سعرها اخوي اذا ممكن