سؤال لأهل الخبرة بالطعم الصناعي

[صياد شرقاوي]

السلام عليكم ورحمة الله وبركاته

مساء الخير يااخوان كيف حالكم عساكم بخير

لدي فقط سؤال بسيط عن الطعم الصناعي

يوجد لدي اكثر من طعم صناعي الأول على شكل ربيانه كامله ولكنها مطاطيه فقط اللي علي اني اضع الميدار في وسطها يعني كأنها طعم حقيقي والطعم الثاني صناعي على شكل منشوز تماما وايضا مطاطي السؤال الذي يطرح نفسه انا اصيد على السيف والعمق يصل في بعض الأوقات الى 8 متر هل باستطاعتي استخدام هاذي الانواع من الطعم على السيف ؟! وانا لم اسأل الا لأني رأيت فلبيني على السيف يستخدم الطعم الصناعي يرمي ويسحب وبسرعه متوسطه وضربت عليه وحده بس راحت مامسكت معه تكفون ياشباب افيدوني
ولكم تحياتي

[المجنوني]

هلا بالشرقاوي
بالنسبة للصناعي يبغاله تدريب مثل ماسوى الفلبيني ولكن هذه الطريقة لصيد نوع معين لان بعض السمك لا ياكل الا اللعفة وهي ماشية حتى انك بكذا انت تخدعه فيحسب انها حقيقة لذا تلاحظ الفلبيني يرمي ويرجع يشد بسرعة متوسطة وعادةً يصيد مثل البياض مثل ما يقولوا اهل الشرقية والخليج على ما اعتقد انه حمام اذا ما ني غلطان والكنعد ممكن يضرب عليه وممكن ايضاً البهاره او الحاقول الخرم وانواع كثيرة
ارجو ان اكون افدتك
وبعدين افضل طعم صناعي في نظري هو اللي يجي ملون وله لمعه على شكل سردين والله العالم
تقبل مروري ،،،،،،،،،

[شاهين2007]

حياك الله
طبعا هذي من الطرق الدخيله على الصيد بالخليج وهي الكاستنق casting
ويستخدم نوع خاص من الخيوط يكون في المقدمه لمسافت متر او مترين ويتميز بقوته وصغر حجم القطر ويسمى الشوك ليدر ومن ثم يستخدم اي نوع من الخيوط المناسبه ويفصل بينهم مدور واذا في اساك قويه متل البركودا والهامور فيضل استخدام سيم بدل الشوك ليدر وكذلك يفضل استخدام نوع معين من السنانير يعطي مجال اكبر من الرمي لمسافه بعيده يسمى كاستنق رودز castin rods
المهم الان هو اختيار السمكه المناسبه للعمق
فيوجد نوع من الدريات ينزل الى 3-4 قدم وفي 8= 10 قدم وفي 15 قدم وفي الى 30 او اربعين قدم
فكل اللي عليك تستخدم السمكه المناسبه للعمق اللي عندك وترمي والرزق على الله

[A B D U L L A H]

اللي على شكل ربيانه ( للخثاق )

وماقصروا الشباب

[هوا بحري]

حياك الله أخوي صياد شرقاوي
اتوقع الطعوم الي عندك تنفع للسبيطي مثل الربيانه والمنجوس
وقد يضرب عليها سمك أخر وأهم شي لا تكون كبيره في المقاس
يعني قد الأصبع اوأكبر شوي وميزة الطعوم المطاطية لايوجد بها
ملعقة بالمقدمة لا نزال الطعم للأسفل وأنت تبي تلفح من السيف
المطلوب تعرف سيف يكون فيه سبيطي وتحط الميدار في الطعم
والخيط بمسافة 50 سم وبعده مدور وبعدين ثقل خرز مقاس 1 او 2
والثقل يكون من جهة الخيط الي طالع من مكينة السنارة وترمي إلى ابعد
مسافة وتقوم بسحبة بسرعة متوسطه وتجرب حظك
وهذا موضوع عن الربيانة للعضو بو عبدالعزيز يفيدك بخصوص الربيانة
بس الطريقة على السيف نفس الي كتبته لك

http://www.mekshat.com/vb/showthread.php?t=19037

تحياتي

[صياد شرقاوي]

حياك الله أخوي صياد شرقاوي

اتوقع الطعوم الي عندك تنفع للسبيطي مثل الربيانه والمنجوس
وقد يضرب عليها سمك أخر وأهم شي لا تكون كبيره في المقاس
يعني قد الأصبع اوأكبر شوي وميزة الطعوم المطاطية لايوجد بها
ملعقة بالمقدمة لا نزال الطعم للأسفل وأنت تبي تلفح من السيف
المطلوب تعرف سيف يكون فيه سبيطي وتحط الميدار في الطعم
والخيط بمسافة 50 سم وبعده مدور وبعدين ثقل خرز مقاس 1 او 2
والثقل يكون من جهة الخيط الي طالع من مكينة السنارة وترمي إلى ابعد
مسافة وتقوم بسحبة بسرعة متوسطه وتجرب حظك
وهذا موضوع عن الربيانة للعضو بو عبدالعزيز يفيدك بخصوص الربيانة
بس الطريقة على السيف نفس الي كتبته لك


http://www.mekshat.com/vb/showthread.php?t=19037


تحياتي


المكان اللي اصيد فيه وتو اكتشفته مليان سبيطي يعني مايضرب معك الا سبيطي لكن فقط بالمد وافضل وقت هو السقيه
في حاجه اتمنى توضيحها بشكل اكبر
الخيط بمسافة 50 سم وبعده مدور وبعدين ثقل خرز مقاس 1 او 2

والثقل يكون من جهة الخيط الي طالع من مكينة السنارة وترمي إلى ابعد
مسافة
اللي فهمته الطعم تحت وبعدين بعد مسافه 50 سم احط ثقل مدور لكن كم المقاس ؟ وبعدين احط جنبه مباشرة ثقل خرز مقاس 1 او 2 لكن كيف شكله ثقل خرز ؟ وبعدها تقول الثقل يكون من جهة الخيط اللي طالع من مكينة السنارة ايضا ايش المقصود بذلك ؟
والمعذرة على الاطاله

[A B D U L L A H]

معليش فهمت غلط شكلي

الربيانه كيف شكلها اخوي ؟؟

فيها شوك مليان تحت ... بدال الميدار ؟؟

[صياد شرقاوي]

والله انا حاليا ماني متواجد بالرياض وباذن الله لما ارجع الشرقية راح اصور الطعم واحطه بالمنتدى هي شكلها كأنها ربيانه حقيقية فيها شوك لكنها مطاطية ولونها تقريبا بطيخي

[هوا بحري]

المكان اللي اصيد فيه وتو اكتشفته مليان سبيطي يعني مايضرب معك الا سبيطي لكن فقط بالمد وافضل وقت هو السقيه
في حاجه اتمنى توضيحها بشكل اكبر
الخيط بمسافة 50 سم وبعده مدور وبعدين ثقل خرز مقاس 1 او 2

والثقل يكون من جهة الخيط الي طالع من مكينة السنارة وترمي إلى ابعد
مسافة
اللي فهمته الطعم تحت وبعدين بعد مسافه 50 سم احط ثقل مدور لكن كم المقاس ؟ وبعدين احط جنبه مباشرة ثقل خرز مقاس 1 او 2 لكن كيف شكله ثقل خرز ؟ وبعدها تقول الثقل يكون من جهة الخيط اللي طالع من مكينة السنارة ايضا ايش المقصود بذلك ؟
والمعذرة على الاطاله



هلا بك أخوي
القصد أنك تحط الطعم الصناعي وفية الميدار وبعد مسافة 50 سم من الخيط
تحط مدور مقاس وسط وبعده الثقل مقاس 1 او 2 ، والخيط الي طالع من المكينة
قصدي باقي الخيط وهذا رسم موضح فيه المدور وكيف طريقة التركيب وصورة الثقل
الخرز وأكيد انك تبي تلفح بالقصبة... تفضل

http://www.mekshat.com/pix/upload03/images125/mk57286_sb1.jpg

تحياتي

[صياد شرقاوي]

اخوي هوا بحري

بالنسبة لطريقتك انا اسويها هاذي معروفة عندي لكني بدل ماتكون المسافة 50سم انا احطها الى 100سم وبعدين احط المدور اللي انا اسميه الحلقه وبعدها الثقل يكون حر يعني رايح جاي وفعلا الطريقة هاذي مجربها والطريقة فعاله لكن ايش السبب انك تحط المسافة 50 سم ؟!!

[هوا بحري]

اخوي هوا بحري

بالنسبة لطريقتك انا اسويها هاذي معروفة عندي لكني بدل ماتكون المسافة 50سم انا احطها الى 100سم وبعدين احط المدور اللي انا اسميه الحلقه وبعدها الثقل يكون حر يعني رايح جاي وفعلا الطريقة هاذي مجربها والطريقة فعاله لكن ايش السبب انك تحط المسافة 50 سم ؟!!


أخوي صياد شرقاوي طريقتك صحيحه وبخصوص وضعي 50 سم
كي اتفادي احتكاك الطعم الصناعي وتعلقه بالأرض اثناء رمية بالقصبة
وكذلك تفادي تشابك الطعم مع الخيط قبل سقوطة بالبحر لانه غالباً
الثقل يسبق الطعم لان الثقل وزنه اكثر واذا كانت الركة طويلة يلف
الطعم الصناعي مع الخيط ولا استفيد من لفاحي

تحياتي

[صياد شرقاوي]

اهااااااا فهمت الآن شرحك وافي وماقصرت

لاهنت