استفسارعن : نتافة السنيدي

[عادل 1000]

السلام عليكم

ابي اسأل عن نتافة السنيدي حقت الطيور الصغيرة الدخل واللي مثله

هل هي عملية تعيش ؟؟؟ وش وقع نتفه زين ؟؟؟ ام لا ؟؟؟؟

بالنسبة لسعره 180 ان كانت عملية فهي رخيصة او مناسبة

ارجو من اللي جربه انه يفيدنا

[ابولولو]

عليكم السلام
اخوي عادل
واحد من الاعضاء وعلي ذمته عارضه للبيع قبل اسبوع او اسبوعين يقول غير عمليه وتعبانه انا مجرد ناقل وابحث بقوقل مكشات

[سطام vip]

بسم الله الرحمن الرحيم

السلام عليكم ورحمة الله وبركاته

واحد من ربع مكشات يذمها يقول انها تفرم الطير

يعني تطلع الطير متقطع

انحش وانا اخوك والرجال ثقه

وبالتوفيق لك

دمت بحفظ المولى

[روزفلت]

والله جيت الربع حقين السنيدي وقالوا ممتازه لكن الضاهر بايعين الذمه لاجل الدراهم
قطعت الدخل والقرقس وتوقف بالحمام والله لايخسر

[ترهيم]

السلام عليكم


انا جربتها وانا خوك ولا انصح فيها ابد وغــــير عمليه وسعرها 180 والله خساره فيها 10 ريال ..

ماتنفع لدخل احط فيها عدد خمس دخلات كما بالتعليمات بعد الماء الحار 3 ينفرمن ويطلعن منهن ثنتين بس لا والثنتين يغثك الريش تجلس تنتف وعليه مويه والحاله حاله والله ان النتف باليد اسهل من عملها واسرع ..

وان حطيت قميريه تاقف ماتفر او فرها ضعيف جداُ ماتنتف منها شي ونطلع القميريه ونكمل نتف باليد غثا يارجال ..

[ابوخالد2004]

والله جيت الربع حقين السنيدي وقالوا ممتازه لكن الضاهر بايعين الذمه لاجل الدراهم
قطعت الدخل والقرقس وتوقف بالحمام والله لايخسر


نفس الموقف صار لي معك
والله ولا بريال تقطع الدخل ولا تنتف زين
خلك بعييييييييييييييييييييييييييييييييييد عنها

[عادل 1000]

الله يجزاكم ألف خير ويجعلكم ذخر لنا يالمكشاتية ويبارك لكم أعمالكم جميعا

[ابو عنقا]

شهود الله بأرضه

ما قصرو الأخوان افادوك

ولكن ارى ان اليدين هي افضل نتافة طيور

تقبلو تحياتي

[ذيب البر]

انحش انا جربتها ما تنفع مع اني طبقت التعليمات المكتوبه بس الله لايخسر شرينا

وتورطنا

[الكايف2]

الحمد لله ان السعرمهوب بالالاف لكن 180ريال تجربه بصيطه
لكن مامثل اليدين واترك عنك النتافه والكسل

[الطريق السريع]

بصراحه قمه بالفشل
من واقع تجربه ماتسوى 180 هلله

[abu_saleh]

واحد من الشباب مسوي نتافة للدخل من قوطي نيدو ومضبطة مشاء الله ، لعلك تبحث عن موضوعه