استفسار لاهنتم لاهل الخبرهـ ...

[الغرابيM]

السلام عليكم ورحمة الله ..

عندي مشكله معي باترول 94 ركبت عليه جنوط الفتك معروفه لكم ..

المهم بعد ماركبتهم الموتر إذا اخذ مطب عادي قام يرج االموتر كله الدركسون والقير ماتمسكهم وإذا خفيت رجلي عن البنزين هدا ورجع طبيعي

مع العلم ان الموتر مع الخط مافيه اي رجه المشكله إذا اخذ مطب ولاهو كل مره يعني مره يرج ومره طبيعي ..

[ابوريما99]

الله يجزاك خير على هالإستفسار

والله اني مثلك

توي مركب جنوط هلل مقاس 16
وكانت فيه اول شد بلد 15

ومن بعدها وانا ملاحظ هالشي

لا وزود عليها بعد رجه اذا جيت اقوم السيارة
واذا مسكت فرامل

ياليت احد يجيب لنا الحل

[الغرابيM]

انشاء الله احد يبي يفيدنا عن قريب ..

والله يكون بعونك يابو ريما الظاهر نبي نرجع للجنوط الاوله

[الغرابيM]

للرفع ............

[محيسن1]

هلا بك اخوي
شيك علي الاذراعه
وشيك علي جلب عمود التوازن
لان الاشياء اللي ذكرتها لها سبب في الرجه

[power2882]

انصحكم بتدبيل مساعد الدركسون وتروح الرجه بأذن الله

[فتك ابوفهد]

وعليكم السلام ورحمة الله وبركاته

الحل عندي ان شاء الله

اذا تبي الرجه تروح بدون رجعه بأذن الله سو اللي بقولك عليه :



اول شي اذا القير يرج شيك على كراسي القير + كراسي المكينه

+

تربيط اسفل الموتر

+

شد على رمان العكس اذا كان مرتخي <~ واذا بغيت تعرف هو مرتخي ولا لا ارفع واحد من الكفرات اللي قدام وهزه بيدك يمين ويسار وفوق وتحت وسو بالكفر الثاني نفس الطريقه اذا اهتز معك يعني طلع فيه فضاوه رح لأقرب ورشه خله يشد الرمان لك وترى شغلته بسيطه

+

اكبس الاذرعه او غيرها

+

غير مسامير التوازن اللي قدام واللي ورا المسامير فقط وسعرها المسمار الواحد بـ = 100 ريال تقريباً

+

اخر شي دبل مساعد الدركسون <~ بأذن الله بتنسى الرجه
^^ او اذا ماقدرت تدبل مساعد الدركسون ركب مساعد دركسون استرالي اللي لونه أصفر ( تحصله في الرمايه )

أتمنى أني أفدتك

تحياتي للجميع

[ابويارا1001]

اذا انت مركب بوالين والرجة تجيك على سرعة 80 الى 100

اكبس الاذرعة وغير مساعد الدركسون وفيه شغلة ثالثه حولهم والله نسيتها ممكن تكون عمود التوازن

هذي كلها سويتها لموتري عند ميزان

وبذن الله تضبط