عااااجل استفسار لاهل الطرادات وخبره القرف+ وسؤال لاهل صفوى

[t.d.m.c]

اخواني لدي سؤال لو تكرمتو ..

لان لو حبيت اشتري المكينه لحال والقرف لحال عندي استفسار الان الفرف عباره عن عضم يبغالي ارتب له كراسي شكل معي واجهز فتحات لصيد الفاح لان القرف هامور
وين ارخص مكان في الدمام يسوي هل الشغلات وبكم تتوقعون لو كان غير الدمام
وهل فعلا كلامي صح لان يبغالك انوار وتسليك والذي منه ..
لاني امس مريت محل لقيت عندي قطعه مكتبوب عليها بالانجليزي انوار خلفية وانوار امامية وفيها بعض الكلام مافهمته عباره عن قطعه بشكل الكفل لكن كبيره ؟؟؟
واذا عندكم شي تفيدوني فيه اخر اكون شاكر ..





السؤال الثاني القير الخاص بمكينه الطراد يجي مع المكينة المباعه ؟؟؟؟؟؟ لاني مبتدأ في الطراردات وامورها ..


* عندي استفسار لو احمد من اهل صفوى مر على الموضوع ياليت يفيدني فيه
يقال انه في حزم صفوى شخص يدعى ابو حسين
لبيع العربات ياليت اذا عندكم ارقام له او معرفه اسعار العربات 21 قدم او 24 على كم الجديد او مستخدم



مع حبي للجميع

[شاهين2007]

اخوي راح يكون افضل لك تشتري المكينه مع القرف
اذا تاكدت من شغلتين وهي ان المكينه سليمه
وتكون راكبه عدل يعني وزنيتها صحيحه
ولكن اذا انت معزم تشتري المكينه وتركبها الله يوفقك
الاشياء اللي يبيل لك
هيدروليك ستيرنق + سكان
تسليك كهرب وهو عباره عن مد وايرات لتركيب الاضاءه الداخليه والخارجيه والملاحات وانارة الطراد اللي بالخلف بالاضافه الى تركيب اجهزة الملاحه تحديد المواقع وكاشف الاعماق
وباقي الاكسسوارات مسجل رادار ونش مظخات ماي حلو ومالح الخ
تركيب طرمبة لسحب الماي من داخل القرف
مرابط
قواعد سنانير
مظله
اسيات ووتر بروف
توانكي البنزين مع تمديد الاهواز وتركيب فلاتر لتصفية الماي
صبغة نو اذا بتخليه بالبحر
والاهم من هذا انك توفر معدات السلامه واللي راح يسالونك عنها اذا جيت بتطلع تصريح للطراد وماتستلم ورقة الكشف الا اذا كانت متوفره بالاضافه كل ماجيت تنزل البحر

وبالنسبه لسؤالك اخوي المكينه تجي كامله سواء جديده ام مستعمله وتشتمل المحرك والقير و " المروحه " وقواعد التثبيت بالطراد وجيكات الرفع والتنزيل
واذا كانت جديده راح يكون معاها تمديدات الكهرب والريموت كنترول وتانكي بنزين صغير
والمحلات واجد عندك الربعان والربان وعالم القوارب اللي اشوفه انا مناسب لانك تقدر تخلص كل شغلك بمكان واحد واسعارهم حلوه
بالتوفيق..

[t.d.m.c]

خدمك المال والبنون يارب العالمين

لاهنت كفيت ووفيت

[الممدوح]

الصراحة يالغالي كان ودي أخدمك من عيوني بس ماليي دخل في هالأمور

[النورس8778]

بالتوفيق انشاء الله ............