بليــــزر ـــــــــــــــ 84ــــــ وكل مشكلة ولها حل

[ابوووسعود]

السلام عليكم جميـــــــــعاً

انا عندي بليزر 84 والقير بدا فيه رجه والكلتش بدا ينطلق من مكانه كل ما زينت الكلتش انطلق من مكانه وانا اقصد انه ينطلق من القير تحت مو من الدعسة .....

السؤال: انا اعرف ان مشكلتي بسيطة كلها كم قطعه وننتهي من المشكلة بس وين الورشة الي فيها خبير هذي المواتر المتوحشة :) ويفهم فيها ويعطيني نصائح عن قطع اللي عمرها انتها ويجب تغييرها لان ورانا مكشات طويل وبعيد ولا ابي اكون عالة على اخوياي

القطع اللي احتاج صيانتها
1- القير في رجه عجيبه بعد ال70
2- الدركسون فيه فضاوة ويبيله صيانه وتربيط لانه يرقل رقل مو صاحي كأني راكبلي فحل:D
3- الدبل يفصل بعض الاحيان وانت نازل من الطعس اما وانت طالع ما يفصل....؟

فهل من ورشة تسعفنا يا اخوان انا بالرياض

وهذي صور البليزر

ماشاء الله تبارك الله

http://en.netlogstatic.com/p/oo/019/462/19462030.jpg?1

http://en.netlogstatic.com/p/oo/019/461/19461321.jpg?1

واحد من الشباب بس حلوة الصورة احترافية :cool:
http://en.netlogstatic.com/p/oo/019/460/19460634.jpg?1

http://en.netlogstatic.com/p/oo/019/460/19460710.jpg?1

http://en.netlogstatic.com/p/oo/019/460/19460800.jpg?1



وتقبلو تحياتي ...........

[ابوووسعود]

وينكم يالربع نبي ورشة تستاهل هذا الوحش :)

تصدقون اليوم جيت من الصناعية على شارع المدينة كلهم يتنحشون منه يقولون شغله بسيط بس يتعب خخخخخخخ قلت والله ما الومكم لانه حديدxحديد

نبي الورشة اللي تعشق هذي المواتر علشان يشتغل فيه بنفس والشغل كله بسيط تركيب الكلتش المنطلق من تحت ووزن الدركسون واحتمال تغيير كراسي القير


وسبب طلبي لورشة احترافية بس لاني محتاج نصائحها عندما تكشف على الموتر اذا يحتاج شي ولاشي يعلموني وانا حاضر


انتظر ردودكــــــــــــــــــم

[الفيصل2009]

مشاء الله تبارك الله
فعلاً وحش ويستاهل أنك تخسر علية ...
الله يعطيك خيرة ويكفيك شرة
وأن شاء الله الشباب يفيدونك ,,,

[خيال حرمة]

السلام عليكم
ابو سعود وصبحك الله بالخير
لا تقلق وأنا أخوك إن شاء الله مشكلتك بسيطة ولها حل
وفية أخونا العضو لن أمل من العطاء منزل موضوع في المنتدى عن الجموس والبليزر وأعطالها وحلولها وإن شاء الله تفيدك

[زين الفعايل]

السلام عليكم
أخوي أبوسعود ياليت تروح لرابطة ملاك البليزر وبتلقى اللي بيفيدك من الشباب اللي معهم مثل موترك
والله يعطيك خيره وكفيك شرة

[طرد الهوى]

ابو سعود الرجه الي بالقير هذي سببها صلبان العمود غيرها وشغلتها بسيطه

الفضاوه الي بالطاره شيك على الدوده لاتكون منحله من مساميرها وتنفك عليك وانت ماشي

اما فضاوة الدبل هذا معناته عندك مشكله في الدبل شيك عليه

[ابوووسعود]

شكرا على التفاعل ولاكن ماذكرتولي ورشة نبي ورشة وازهلو الباقي

وشكرا على النصائح

[بريق الغظار]

فيه واحد في تشاليح الحاير عنده تشليح كله بليزرات يقال له أبو علي
معرف ترى في أخر التشاليح يشتغل في البليزرات ليش ما تمره يمكن يفيدك
تحياتي لك

[بواردي الدلم]

فعلا فيه واحد في تشاليح الحاير متخصص في البليزرات والجموس في دبلاتها وخراباتها

شفه رجال كبير أسمر ونحيف وعنده بليزر متوحش صدق مو مثل بليزرك الأليـــف

أتمنا أفدتك بعد ما أفادك بريق الغظار والشر طار