خشم الحصان
14/09/2004, 02:02 PM
الاخوه الغالين
السلام عليكم
اخواني في الله البارح الله اراد وعزموني بعض الاخوان الله يجزهم عنا كل خير قالو وش عندك ياخشم الحصان هالليله قلت ماعندي الا كل خير قالو اجل ورا متعشاء منع قلت لا خلوها بعدين الا مير وش عشاكم قالو ابد دخل وبعض الصفاري كان يضيق صدري وقول العجله ديم تجيب الحسايف قلت كوده الحبيب الغالي يلزم دخل الا الا الا يامخليها كن يقول الا مير تعال قلت علشانك يالحبيب المهم وصلنا بحفظ الله ولا الربع الله يغفرلهم مفللينها في هاك الرفاعه و البراد الي تقول مشاء الله كنك فاتح ثلاجة المنجم تبي تاخذ كرتون دجاج (واو) وع وخذ سواليف ودلة هاك القهوه الله يغنيهم ثم جابو العشاء كان يحطونه قام واحد منهم الله يغفرله وقال تراني( راعي كيف)
قلت الدرب (ايمن) حطه العشاء يوم حطه ولا الحظ الردي يكون النور وراي ولا اشوف شي كبر وضعف نظر
المهم قمت اكل واكل ولاهنا اي دخل ولا صفاري ومره يلهوني بالسوليف ومره وش اخبارك ياخشم الحصان
وعلي هالمنوال وانا اسمع خترشت ضلوع ورجلين الدخل بين ضروس الاخوان (تقول صغار ياكلون بطاطس برنقز) ماش معاد فيني صبر كان اقول يالربع وين الدخل ترا الي هالحين وانا مذقته قالو افا خذ وحده ولاها
(البديجانه) علي وزن البر......... ولا مخلين عرقها فيه كان القطه ويوم كشختها ولا ها بيدجانه قلت يالربع هذي بدجانه قالو افا دوك وياليتها وقفة علي البيدجانه كان زين ظلما ولاهنا شوف ولا هاك (الحبحر) الي تقول مزروع في جهنم قلت الدعوا مقالب مايبيلها طقة عصا يوم هذا عطوني هاك الدخله وانا اجرشها جرش الين جمجم ريقي من طعمها ولا لقيت الثانيه محطوطه علي كيس الخبز ولاها بويرده ولحقها الاوله غادي كني شوزل ام روحين المهم اني ذقت الدخل قبل لا يروح وقته والله يجزهم عنا كل خير ذوقوني هالدخل
عاد منهو الي بيعزمني علي (((القمير))) علي وزن((( ياعميري))) الا ياعزمينك
بلا من يفكهم من ............... كملوها
اخوكم
خشم الحصان
السلام عليكم
اخواني في الله البارح الله اراد وعزموني بعض الاخوان الله يجزهم عنا كل خير قالو وش عندك ياخشم الحصان هالليله قلت ماعندي الا كل خير قالو اجل ورا متعشاء منع قلت لا خلوها بعدين الا مير وش عشاكم قالو ابد دخل وبعض الصفاري كان يضيق صدري وقول العجله ديم تجيب الحسايف قلت كوده الحبيب الغالي يلزم دخل الا الا الا يامخليها كن يقول الا مير تعال قلت علشانك يالحبيب المهم وصلنا بحفظ الله ولا الربع الله يغفرلهم مفللينها في هاك الرفاعه و البراد الي تقول مشاء الله كنك فاتح ثلاجة المنجم تبي تاخذ كرتون دجاج (واو) وع وخذ سواليف ودلة هاك القهوه الله يغنيهم ثم جابو العشاء كان يحطونه قام واحد منهم الله يغفرله وقال تراني( راعي كيف)
قلت الدرب (ايمن) حطه العشاء يوم حطه ولا الحظ الردي يكون النور وراي ولا اشوف شي كبر وضعف نظر
المهم قمت اكل واكل ولاهنا اي دخل ولا صفاري ومره يلهوني بالسوليف ومره وش اخبارك ياخشم الحصان
وعلي هالمنوال وانا اسمع خترشت ضلوع ورجلين الدخل بين ضروس الاخوان (تقول صغار ياكلون بطاطس برنقز) ماش معاد فيني صبر كان اقول يالربع وين الدخل ترا الي هالحين وانا مذقته قالو افا خذ وحده ولاها
(البديجانه) علي وزن البر......... ولا مخلين عرقها فيه كان القطه ويوم كشختها ولا ها بيدجانه قلت يالربع هذي بدجانه قالو افا دوك وياليتها وقفة علي البيدجانه كان زين ظلما ولاهنا شوف ولا هاك (الحبحر) الي تقول مزروع في جهنم قلت الدعوا مقالب مايبيلها طقة عصا يوم هذا عطوني هاك الدخله وانا اجرشها جرش الين جمجم ريقي من طعمها ولا لقيت الثانيه محطوطه علي كيس الخبز ولاها بويرده ولحقها الاوله غادي كني شوزل ام روحين المهم اني ذقت الدخل قبل لا يروح وقته والله يجزهم عنا كل خير ذوقوني هالدخل
عاد منهو الي بيعزمني علي (((القمير))) علي وزن((( ياعميري))) الا ياعزمينك
بلا من يفكهم من ............... كملوها
اخوكم
خشم الحصان