افضل ورشة رش بوية في الرياض

[abu saud123]

السلام عليكم ورحمه الله وبركاته

قدر الله علي بصدم عامود من الخلف

والحمد لله الذي تأثر صدام السيارة بحيث خرج من مكانه وانقطع + وانكست الاسطب

فالان ناوي ادخل السيارة للورشة جيده

البدي سليم والحمد لله عندي تغيير الصدام + رش بوية + تغيير الاسطب

وبصراحة متخوف من الورش عموما سيارتي جديده 2009 لاندكروزر

فياليت اللي يعرف ورشة يفيدني

[الطيار2000]

الحمد لله على السلامة اخوي مادام البدي سليم الامر سهل مرة

اذا رحت للوكالة تشتري الصدام رح للصيانة وأسأل عن سعر رش الصدام وبعدها اتصل على رقم احد الورشات الممتازة وانا ارشح ورشة العضيب في الصناعية القديمة وقارن بين الأسعار واستخر وبالمناسبة ورشة العضيب تضمن تطابق اللون.

[ابو جنى 2005]

الحمد لله على سلامتك اخوي
وانا اقترح عليك تروح لورشة الوفاء مشاء الله عليهم لا من ناحية تطبيق اللون ولا من ناحيه جودة البوية لانهم يعطونكم ضمان على البويه سبع سنوات يعني احسن من الوكالة
تقبل مروري

[abu saud123]

الله يجزاكم الخير

راح امر ورشة الوفاء وربي يوفقنا

[فاقد الديرة]

في ورشة الوجدان مقابل الوفاء وجانب ميزان اليرموك

[بريق الغظار]

فيه ورشة نوفا في صناعية الشفا واحد تركي أسمه ألياس ميه ميه
وفيه ورشة المهنا أيضا في صناعية الشفا عمال فليبينين ممتازين
هذولا أنا جربتهم في السمكره والبويه ممتازين
والله الموفق

[منصور الغامدي]

نصيحة ورح تدعيلي عليك بالبازعي 0 قسم السمكرة عندهم المهندس فؤاد مره ممتاز ورح تدعيلي 0 وترا مافيه فرق بينهم وبين الوفاء 0 ولاتنسى تقولهم من طرف منصور وبس0

[Raselny]

طبعا التجربة غير السمع
ورشة الوفاء مشهورة لكن بصراحة ليسو هم الأفضل على الإطلاق وانما هم افضل الأسوء (بكل أمانة)

عن تجربتي الشخصية انصحك بورشة دريم كار .
صلحت عندهم سيارتي لما كنت مسوي فيها حادث في الوجه , رجعوها وكالة 100%
والدليل لما جيت ابيع السيارة وقفوا على السيارة ثلاثة شريطية يفحصون السيارة, ولا واحد منهم شك ان السيارة فيها حتى حكة.

والله يوفقك للي فيه خير لك وللمسلمين.

[فايق ورايق]

المهم تشرط عليهم يرشون الصدام وهو جديد
اقصد لايركبون الصدام بالسياره ويرشونه وهو راكب

خلهم يرشون الصدام قبل مايركبون مهم جدااااااااااااااااااااا

[منصور الغامدي]

ممتاز كلامك يافايق وهذا نفس عمل البازعي بالضبط رش الصدام قبل التركيب0

[abu saud123]

الله يجزاك الخير

رحت للبازعي وصلحت السيارة عندهم

هم الوحدين اللي اعطوني ضمان على بوية الصدام

لان كل اللي مريتهم يقلون مانعطي ضمان البوية على الربل

وفعلا البازعي رش الصدام قبل مايركب

[عليان المقاطي]

عليك ياحبيبي بورشه الجرفين اللي بالشفا انا مشتغل بموتري عندهم تطابق الالوان وضمان سنه على البويه وسعرهم ارخص من الوفاء بكثير ولك خالص تحياتي

[ابن عكاش]

ورشة النفيعي بالشفاء سمكرة وبوية جيده جداً

[مراسل وراط]

تويوتا الرشيد الي في الصناعية شغلهم ميه في الميه

[شامخ ألهيلا]

عليك ياحبيبي بورشه الجرفين اللي بالشفا انا مشتغل بموتري عندهم تطابق الالوان وضمان سنه على البويه وسعرهم ارخص من الوفاء بكثير ولك خالص تحياتي


الجرفين شغل عدل ولايمكن تنكشف البووية لو من اكبر شريطي

عيوب الجرفين تركيب الربلات للابواب مايضبطونها

اما شغل البووية شهادة حق افضل شي
والسعر رخيص