وش الاقل صرفيه بنزين Gx-r V6 ولا Gx-r V8

[magad_7]

السلام عليكم ورحمة الله وبركاتة

حبيت استفسر وش اقل صرفية للبنزين فى الجيب لاندكروزر من 2008 الى 2010
Gx-r V6 او Gx-r V8 طبعا داخل المدينه واذا فيه فروقات اخرى ياليت تذكرونها


وشكرا لكم

[أسد الهيجا]

مايبيلها سؤال

أكيد الـ 8 سلندر يصرف أكثر بواجد من الـ 6 سلندر

[احساس الصمت]

مايبيلها سؤال

أكيد الـ 8 سلندر يصرف أكثر بواجد من الـ 6 سلندر


معليش اخوي من وين جبت هاالمعلومات
اللي نعرفه ان ال8 سلندر اقل صرفيه والدليل على ذلك الموديل الاول من 2007 وتحت (الــــــvxr)أقل صرفيه من (الـــــgxr)
تقبل مروري

[البرااااوي]

انا سمعت ان V8 اقل صرفيه
لأن دايم اسمع ان V6 ثقيل ويحن

[لن أمل من العطاء]

8 سلندر يصرف اقل من 6 سلندر

[vx.95]

مثل ماقالوا الأخوان 8 سلندر أقل صرفية من 6 سلندر
طبعا الكلام ينطبق على الموديلاتvxr من 2004 إلى 2007القير أتوماتيك لأنه يجي قيره خمس تغييرات .أما من 2003 ونازل يجي أربع تغييرات .وطبعا سوينا مقارنه بين 2007 vxr2004 .. gxr.وكلهن قيرعادي وصار الفرق أن الvxr يمشي أكثر من gxr تقريبا بــ 60 كيلوا أرجوا إني أكون وضحت المعلومه

[ابوطاقية]

بالنسبه للجديد V6 اقل صرفيه من V8
وبالنسبه للقديم 6 اكثر صرفيه من 8

[أبو عيسى 770]

عندي gxr 2009 بالدريه يعني يصرف بس ( بالخطوط ما فيه أمل يصرف ) طلعنا من المدينه فل وصلنا للقصيم أقل من الربع بشوي و مشغلين المكيفات ما طفن أبد

[النمر الكحلي]

طلعت من الخبر الى مكة وبعدين رحت الباحة وبعدها رحت الى ابها وثم الى الرياض انا عندي Gxr-2002 خوي عنده Vxr-2003 ونفس الصرفية تمام في كل المحطات وهذه انا مجربها ولكم تحياتي

[ahmad995]

احد من العيال معه فكسار 2001 باعه وشرا جيب ربع 2004
يقول الربع اكثر صرفية من الفكسار
مع العلم ان الفكسار 8 سلندر

[ابوابراهيم333]

بواقع تجربه ان الفكسار 8 سلندر ما يصرف

و 6 سلندر صرفيته اكثر

[cooc]

على ما اعتقد
الثمانية سلندر اقل
لانة مو كل السلندرات تشتغل مع بعض على حسب
السرعة

[Magellan]

أنا أرى من وجهة نظري المنطقية والعقلانية أن 6 سلندر أقل صرفية من 8 سلندر للموديلات الحديثة بعكس الموديلات الاقدم من 2007 ونازل،،،
والسبب: 2008 وطالع المكينة راسين +تستخدم نظام VVT وهو نظام موفّر
لكن 2007 ونازل كان فقط موجود على 8 سلندر أما ال6 سلندر كانت المكينة راس واحد+نظام DOHC فيصرف بنزين أكثر

[وبصان]

والله ما أدري من أصدق:confused:

[سلكي نت]

صراحة حيرونا الشباب
عندي لك حل ؟؟
اشتر الاثنين وجربهم ... واحكم بنفسك ...!!
ترى الشعب السعودي عنده فلوس النار ماتاكلها + ان كل واحد عند ماصورة ماء +ماصورة نفط + ماصورة غاز
الحكومة ماقصرت..
فليش تحرج الشباب الله يسلمك
عاد ان باخذ اربع : جيب فكس وجيب جكس وربع وبقارنهن مع بطل الدروب

فاضي والفلوس من كثرها مسوي منها مخدات لغرفة النوم

انا نصحتك وانت كيفك

الله يجيب المطر
وكل عام وانت والجميع بخير

[ww99999ww]

جربناهم مع طريق طويل الــ 6 والــ 8 الشكل الجديد ولا لاحظت فرق بصراحة

[مغلي]

الصرفيه مهيب مهمه
مادام البنزين ب 45 و 60 هلله
الله يطول بعمر ابو متعب
.

.
.

المهم والزبده هي
هل الجكسار 6 سلندر 2010 يعتبر موتر ولا سيكل مقارنة مع ( الجكسار 2010 8 سلندر 4700) او (الفكسار 2011 8 سلندر 5700 سي سي الجبار)

[محرين باالخير]

لاحضت ان كثير من الشباب مومقتنع ان 8سرندل اقل من 6سرندل صرفيه للبنزين ومن واقع تجربه كان معي 8سرندل الشكل ألأول واخوي معه جي اكس كلها مثل بعض وكان vxr اقل بنسبه بسيطه وكل مازاد الحمل علي السيارتين وضح الفرق في الممشا والصرفيه لصالح vxr وكذلك لا صار فيه هوا معاكس وهالحين معي لكزز 2009 570 اقل منهم كلهم ........ ليش.. !!! لأن التورك هنا هو الحكم فكل ما زاد التورك وزادت الأحصنه قل الجهد المبذول في تحريك السياره وقل الوقود المستهلك .. هذه وجهة نظري ودمتم

[ZIAD_KSA]

يمكن يكون الثمانيه اقل صرف لكن المشكله في سعر البازين الثمانيه 95 والسته 91

[بدر الشويلعي]

انا جربت الاثنين والي اشوفه ان الفي اكس ار اقل صرفيه من الجي اكس ار سواء داخل البلد او طريق سريع

للمعلوميه كلها تماتيك

[المخبر616]

اخوي انا معي لاند كروزر 2007جي اكس ار وزميلي معه فكس ار99 وسافرنا مع بعض وعملت مقارنه ووجدت ان ان الفرق بالتعبه تقريبآ 4ريال والفكس اقل صرفيه من جيب 2007 الجي اكس ار هذا من واقع تجربتي ,

[حلال المشاكل]

من تجاربي الشخصية ان 8 سلندر اقل من6
عندي تاهو 99 سافرت مرة ومع خويي لاند كروزر 97 وكانت سيارته تلهف البنزين لهف

الامريكان ترا متشددين من ناحية توفير استهلاك البنزين
واعتقد مكينة الفكسار نفس سعة مكينة الجمس 5700 سي سي وايضا تقنيتها امريكية مو يابانية

[صعافيق 911]

مساء الخير ...................

الفي اكس ار اقل صرفيه بالخطوط الطويله ..... لان المكينه الكبيره تكون دايم مرتاحه ...

الجي اكس ار تكون المكينه محمله تصرف اكثر بس بالبلد اقل ....
والله اعلم ...

[ابو حمد 2010]

من واقع تجربة vxr اقل صرفية بانزين من gxr طبعا اتكلم عن موديلات 98 الى 2007

[زمزم 100]

اعتقاد قديم من السبعينات و الثمانينات أن v8 أكثر صرفا

و الموديلات الجديدة الوضع تغير كليا و أصبح v8 أقل السيارات صرفا لأن المكينة لا تبذل جهدا كبيرا .

[أبا مجاهد]

8سلندر يشيل الجيب بالراحه عكس ال6سلندر يكون هناك نوع من الثقل

بالتالي 8 سلندر اقل صرفيه

[المساجدي]

يا جماعة الخير الرجال يتكلم عن الموديلات الجديدة 2008 وفوق لان فيه فرق بين السته سلندر الجديد والسته القديم

المكينه تختلف اختلاف جذري ولافيه اى وجه مقارنه بين مكينه الجي اكس ار الجديد بالقديم

عموما انا معي جي اكس 2008 سته سلندر ويمشيني اذا فولت التانكي 650 كيلو داخل المدينه مع الدعس

ارجو من الى معه ثمانيه سلندر من الموديلات الحديثة يعلمنا كم يمشيه داخل المدينه لانني ماجربت الثمانيه

وسلامتكم

[صاحب الذود]

والله ماندري كثر الكلام
لاكن ودناء بلاصح من الصرفيه
وعلى العموم انا معى 2007 جي اكس ار معبيه من الطائف فل كل التوانكي ممشاى 150 وعبيتها من بعد الرويضه
والبنزين 95

ودمتم بود

[غالي]

اي سياره صرفيتها على حسب السواقه هذا اولا

ثانيا اتوقع والله اعلم واتمنى تركز معي شوي

افرض ان فيه 6 سلندر و8 سلندر على طريق سفر ويمشون 140 مثلا

اي المكينه الي بيعتبر انك ضاغط عليها ؟

طبعا 6 سلندر صح؟

من هالمنطلق بتكون صرفية البانزين فيه اكثر

اما 8سلندر بتلقاها مرتاحه شوي اكثر من ال6

طبعا هالكلام مو في الاحوال بينطبق على جميع السيارات

لكن اسنادا للأخوان الي يقولون ان الفي اكس ار يصرف اقل

وانا كان معي جي اكس ار 2003 والله شربه فوق المتوسط للامانه لدرجة اني اطلع من الرياض وان وصلت للشرقيه مصفر التانكيين ومشيي اغلب الخط 130 وحولها !! وانا استغرب ماشاء الله الي يقولون يمشينا 700 كيلو !! ممكن الفي اكس ار لكن ماادري عنه ماقد جربته

موفق

[faisalkhalidi]

اذا مشيت 120 ضغط المكينه يكون على 2 او فوق 2 بشوي

وال6 سلندر يكون فوق ال3

واضح ان ال8 يصرف اقل

[ملك الإحسآس]

اذا مشيت 120 ضغط المكينه يكون على 2 او فوق 2 بشوي

وال6 سلندر يكون فوق ال3

واضح ان ال8 يصرف اقل
كلامك غير صحيح أبداً ، ياليت من الإخوان اللي يتكلم يتأكد قبل الطرح
أنا معي لاندكروزر 2009 سته سلندر
وهاذي صوره وأنا أمشي 120 وعداد الضغط على 2
http://up.albrari.com/uploads/12920434862.jpg

بشكل اقرب

http://up.albrari.com/uploads/12920434861.jpg

[4x4ofroad]

انا جربت الموديل 2002 وكان ال8 اقل صرفية وقد مشاني 950 كيلو على خط الطايف الشرقية بسرعة 110 ومثبت والله على مااقول شهيد
لاكن اذا دعست فوق ال160 يالله يمشيك 450
اما الموديل التالي ماجربته لاكن لو فرضنا ان الصرفية متساوية انا اشوف ان الثمانيه افضل من ناحية العزم والهدوء ولاتنسى ان معك جيب يعني تحتاج العزم حتى لو كان 10 حصان

[ابوميس الحلوه]

السلام عليكم جميعا
نبي نحكم عقولنا
فيه اثنين يسحبون لهم شي وزنه واحد ومكتوب على اللوحه المعدنيه عند باب الراكب
اذافرق الوزن شي بسيط:
الاول عزمه الله بالخير وهو 6 سلندر
الثاني معافيه الله وهو8:good2: سلندر
لايستويان مثلا مسكين 6 سلندر تحس قلبه بينقطع اذا حملته وشديت عليه
لكن :good2:8 سلندر يقول هل من مزيد:burnout2: