الله على الشوكي اذا حل طاريه

[جرير]

منظر الشوكي المشهور العام الماضي
وقت الربيع جميل جدا
ولكن كان العبث واضحا بقطع الاشجار
مما عكر جمال المنظر
وكان التقطيع بشكل ملاحظ وكبير
والشكوى لله
......
.
انظروا الي جمال المنظر
.
http://www.moq3.com/up/upfiles/ONM01257.jpg (http://moq3.com/up/)
.
وهنا المنظر المحزن
.
http://www.moq3.com/up/upfiles/Chn01257.jpg (http://moq3.com/up/)
.
.http://www.moq3.com/up/upfiles/9Ru01257.jpg (http://moq3.com/up/)
.
http://www.moq3.com/up/upfiles/YZe01257.jpg (http://moq3.com/up/)

.


الله على الشوكي الا حل طاريه=في خاطري يجول عشرين طاري
يامحلا المجلاس والعشب غاشيه=يامتعت الانظار والسيل جاري
واليوم وضعه صاير فيه مافيه=من ينقذ المضيوم يشكي العزاري
ينخى النشاما له عليهم مشاريه=لكن عن الموضوع ماحد داري
اشوف انا الاشرار يوم ن عثوا فيه=سرى عليه من الاشرار ساري
هاك الطلاح المخضره في محانيه= بعد الستر صارت حطام عوارى
غاب الرقيب وضيع الحق راعيه=وبالسوق صار اليوم بايع وشاري
على كذا في تالي الوقت ياهيه=لاظل تلقابه ولا به مذاري
من فوق هذا لاهب القيض شاويه=ولا به من ايام السعاده مواري
عسى الولي يسقي طوارف مفاليه=عقب المحل تصبح سيول وخباري
ويكفيه شر اهل الفسق والمواليه=اللي يقصون الشجر بالبراري

[ذيب العرمه5]

صح لسانك يامشرفنا
وبيض الله وجهك

[فهد الهلالي]

واليوم وضعه صايـر فيـه مافيـه
من ينقذ المضيوم يشكي العـزاري
صح السانك اخوي جرير الله يعطيك العافيه على هذه القصيده الجزله
قصيده تحمل في طياتها ماتعانيه الاشجار من قطع ودمار وعبث الجهله بها
اشجار لها مئات السنين تنتهي باقل من خمس دقايق
ماقول الا الشكوى لله
انها صور محزنه بما ارفقت مع هذه القصيده
لك مني كل الشكر والتقدير
والله يحفظك

[يوسف الخليفة1]

بارك الله فيك أخي العزيز جرير وإليك مني هذا الرد



حي القصيد اللي على الكيف ناقيه=من واحدن يشكي صنيعن تجاري
صاغه جرير وقال يا ناس يا هيه=ما ترحمون الحال باقصى الصحاري
لو للخلا طربال قمنا نغطيه=مير العرا مدهال كل الذراري
لا تعبثون اليوم باحلا نواحيه=تبغون من عود الطلاح المصاري
اشوف جذعن عجة الريح تسفيه=تمسي عليه من الروابع ذواري
منهو يريد اللي لزومن يدفيه=يلقى البدايل ما يضيق ويحاري
ان كان من شان اللحم كود يشويه=يلقى الهشيم بضايقات المجاري
والا ان بغى نارن قويه تعشيه=فيه الغصون اليابسه بالبراري
سيبوا ظلال الناس للسيل يسقيه=والرزق عند اللي تولى الضواري
فوق السما رزاق ما خاب راجيه=تلقون سوق المال بايع وشاري
والا الطبيعه والشعيب ومغاذيه=وناسة النجاع والكل داري
لو هي على عود السلم كان نحميه=مير البلا ذبح الثعل والصباري
والا القمايم بالشعيب ومخابيه=حتى النفايد والشجر والكباري
متى نفيق من الخراب وملاهيه=حقيقه الفاهم على الغير زاري
هذا صحيح القول ياللي تخطيه=راجع فعولك مع طبيب استشاري
ومن لا سمع قولي عسى الله يهديه=ويسير بالترشيد عقب الدماري
هذا عدال الشور ملزوم نبديه=نصيحتن ندعي لها كل قاري




يوسف الخليفة ( أبو عبد الله )

[اميرة الظلام]

يامحلا المجلاس والعشب غاشيـه
يامتعت الانظـار والسيـل جـاري


جرير
متعه لحد الأرتواء..صح السانك..,,
موتدي وتقديري لك..,,

[الوتر الحزين]

بيض الله وجهك اخوي جرير

وماقصر اخوي يوسف بالرد

تحياتي

[جبل راف]

صح لسانك شاعرنا جرير
صح لسانك شاعرنا ابو عبدالله يوسف الخليفة

قصائد معبرة

[جـرح الشمـال]

صح لسانك شاعرنا جرير
صح لسانك شاعرنا ابو عبدالله يوسف الخليفة

قصائد معبرة

[دغيم1]

السلام عليكم ورحمة الله وبركاته
يعطيك العافية أخي الغالي
أبو أحمد ( جرير )
وصح لسانك على هذه الأبيات التي أعتبرها مرثية
تخيل أخي الكريم
أن يكون بينك وبين شجرة عمرها عشرات السنين ألفة وصحبة دامت سنين طويلة هي بعمر أحد أبنائك
حتى أنك تتقاسم معها شربة الماء في يوم هجير
وبعد فترة تأتي ولاتجد لها أساس
كم من المؤسف تخيل تلك اللحظات
أسأل الله أن يهديهم
وأشكر أخي الغالي
أبو عبد الله
على الرد الرائع
تقبلوا تحياتي

[ياسر العضيله]

مشكور يأبو أحمدعلى الصور و القصيدة

وشكر يأبو عبداللع على الرد الجميل

شكراً لشعرانا